في حديقه بيت الجد العشب رطب و طويل و ورد في كل مكان تدخل ميهاف و تشغل النور
تجلس على الارض و في يدها عود
جلست تفكر شوي و مسكت العود و شدت عليه بيدها و بدات تغني
غريب تارك بلاده غريب تارك بلاده ؟
والاهل من اجل واحد
ضايع و ضيع شبابه ...
ملوه حتى صحابه
سنتين ع الدرب تايه
محد من الناس يابه !
يرشدني ع اللي احبه .
عبدالرحمن : واو من زمان ما سمعت صوتك
ميهاف : عبدالرحمن!؟ خوفتني
عبدالرحمن: بسم الله عليك وش فيك يا عيني
ميهاف : ايش فيني؟
عبدالرحمن : ممكن تخدعينهم كلهم بس انا لا ميهاف انتي كبرتي على يدي وش فيك
ميهاف الي ما تحملت كلام عبدالرحمن وان احد حس فيها نزلت دمعتها على طول
مسح عبدالرحمن دمعتها و قال : قولي لي
مد عبدالرحمن رجله و تسندت ميهاف على كتفه
جلسو ساكتين لفترة
ميهاف: صارلي كم اسبوع افكر و احاول اني اسوي طبيعيه وان ما يهم خلاص بس بعدين ارجع اراقب من بعيد و اسكت وصرت احلم فيه فيه كثير لدرجه اني اقوم احسب صدق و قلت بنفسي لازم ابادر انا المره ذي عشان خلاص يطلع من بالي ومعد افكر ولاني باقي زعلانه على الطريقه الي تركني فيها انا وقتها ما انهرت او عبرت او قلت شي رحت كتبت له اطول كلام بس مو عتاب اعتبرتها فضفضه وانها اول و اخر مره مني و معد بيشوف شي من ابد لا خير ولا شر وما ابي منه شيء
عبدالرحمن: امم ميهاف اتركي كل شيء اسمعي بقولك شيء بعيد شوي بنروح لندن بكره عشان صفق كلنا و ادري مين المقصود بكلامك حاولي تساوين الامور ميهاف الي اعرفها ميهاف القويه الي تمشي حياتها زي ما تبي
نامت ميهاف وهي تفكر بفيصل ليه يجرحها وهي تحبه
الصباح
يقوم فيصل و يجهز شنطته و ينزلها و هو لابس ثوب و كاب وساعه
فيصل : يمه انتو جاهزين
الجده : اي بس ميهاف ما نزلت
عنود : ما شفتها في غرفتها
رغد : اي اتوقع عندها محاضره الحين
الجد : يلا فطور
جلسو كلهم
ناصر: كم الساعه بنمشي
الجد ٣
ركان : حلو الين ١ ونص
ناصر واو اكتشاف جديد
بعد الفطور كانو يحاولون يشغلون نفسهم الين وقت الطياره
الجده : ما جات ميهاف
ود : لا يمه ما ترد علي
فيصل : وين راحت
عبدالرحمن: وش تقول
فيصل :ولا شيء
عبدالرحمن : يمه انا بروح اجيب ميثى
بعد ساعه
الجد : يلا يلا قومو
ناصر : ميهاف ما جت
بعد جمله ناصر انضرب الجرس بقوه و بشكل متواصل
ركان : جت
راح ناصر يفتح
ناصر :اهلا وجهك مو. غريب
عبير : ادري انت ناصر صح ميهاف هنا
ناصر : لا
عبير : عادي ادخل
ناصر : تفضلي
دخلت عبير
وقفو كلهم م علامات التعجب على وجهم
عبير : ادري اني في وقت غلط بس لازم نتكلم ميهاف في الموضوع
ود : حياك اجلسي
عبير: اليوم كله ما شفت اخوي محمد و هذا مو من عوايده خفت عليه و بعد ساعه ساعتين انا ما شفته من ٤ ساعتات و دخلت غرفته لقيت ورقه كاتب فيها
محمد : حبيتي عبير انا الان خارج السعوديه و معي ميهاف عفوا ما قدرت اخليها لحاله روحي لاهله و طمنينهم انها بخير بس نفسيتها مندمجه راح نرجع لما تكون بخير اخوك المحب محمد.
