وقفوا الاربع فتيات امام السبعة اولاد ليقول فايز بغضب:وش سويتم يا حمير!!
شهد و هي تنظر نحو اخيها الاكبر بنظرات واثقه:انتو مارضيتم تاخذونا قمنا جينا بنفسنا و حطيناكم تحت الامر الواقع
ذهب نحوها ليشد اذنها التي كانت تحت الطرحه ليسحبها بينما يقول بغضب:والله اني داري انك الي وراها يا راس البلا
شهد بألم:اح فك اذني!!
فايز:خواتي و داري فيهم يسوون الي مايتسوا بس ماتوقعتها منكم يا العنود و مشاعل
مشاعل:كنا فاضين و هي جت و قالت لنا نجي و احنا رحنا معاها
فايز:يعني إذا قالت لكم يلا ننط في النار تنطون معاها؟
العنود:اكيد لا
فريده:خلاص يا فايز الي صار صار و كلها كأنها مغامره
فايز و هو يقلد صوت فريده:كأنها مغامره..انطمي بس
فارس:الحين مين بيرجعهم و يرجع يمشي 40 كيلو؟
لم يتحدث احد لتقول شهد و هي تمسد اذنها:خلاص ارضوا بنقعد معاكم
فايز و هو يزفر بقوه:الصبر يارب!
بدأو بالترتيب الاغراض و نصب الخيمه التي كانت صعبه بالنسبة لهم لكن اخيرًا ثبتوها في الارض و اخيرًا جاء وقت صنع الطعام نظروا الأولاد نحو البنات لتقول مشاعل بريبه:وش فيه؟
______
فريده:الله ياخذك يا شهد!!
تحدثت فريده بصياح و هي تقطع البصل
فايز و هو ياكل فصفص و يرميه عليها:يلا اشتغلي بدون كلام
كانت شهد تخلط الكشنه في قدر الضغط ليقول فايز بسخريه:يدك كأنها يد حرمه زوجها بايع ذهبها بس صابره عشان العيال
ضرب فارس كفه بكف فايز و هم يضحكون على حال اخواتهم
تحدثت العنود بغيظ و هي تقطع الخضار:هاربين من شغل جدتك و هذول مسكونا نطبخ لهم
اسامه:اطبخي بس هذي ضرايب الطلعه
كانت مشاعل تقطع لحم الخروف بالساطور لتقول بغضب:اسكت لا اقطعك بدل الخروف ذا
استغلت شهد تشتت انتباه الاولاد عنهم لتأخذ قبضة من الرمال لترميها في القدر انتبهوا لها البنات لتصرخ عليها العنود بهمس:وش تسوين يا هبله؟
شهد:هم الي طلبوا كذا
فريده:و احنا كيف بناكل معاهم و انتي حاطه التراب في الاكل؟!
شهد:و شنطة السفر الي جبتها معي وش؟ حطيت فيها اكل بناكله بعدين
مشاعل:مين عندها جوال؟
فريده:انا، ليه؟
مشاعل:عشان نتصل على الاسعاف بعدين عشان لا نتورط فيهم
______
كانوا يأكلون ليشعر فايز بطعم غريب ليسأل شهد التي كانت جالسه عند الخيمه و تأكل بعض الحلويات:
فايز:وش حاطين فيه؟
شهد بعدم اهتمام:يعني وش حاطين مثلًا؟ بهارات
شعر فايز بالريبه من طعم الأكل ليلتف نحو بقية الأولاد ليجدهم يأكلون بشراهه ليقول بهمس:مشافيح
بعد ان انتهوا من الاكل امسك بدر بطنه ليذهب بسرعه إلى منطقه خاليه ليبدأ بالاستفراغ
شهد:بسرعه دقوا على الاسعاف
العنود:قومي يا مشاعل عطيه مويه لا يموت علينا!!
اخذت مشاعل قارورة الماء من الشنطه لتهرول نحوه دون الانتباه لتلك الصخره الموجودة على الأرض لتتعثر بها و تقع على رجلها لتصرخ:ااحح يا رجليي!
شهد:الحقوا صاروا ضحيتين!
اسندت العنود مشاعل لتساعدها على السير لكنها لم تستطع من الألم لتنادي العنود على اخو مشاعل مشعل لحملها و اخذها لداخل الخيمه
اما فايز اعطى بدر قارورة الماء و اخذ يضرب على ظهره و هو يقول له:بسم الله عليك اشرب اشرب
اسنده و اخذه للخيمه ليستلقي بجانب مشاعل
كان مشعل يضغط على قدم مشاعل ليقول بقلق:شكله صار فيه التواء
فايز:خلاص خلها تقعد هنا لين تخف و لما نرجع بنعالجها
______
غربت الشمس ليشعلوا النار ليجلس الجميع ماعدا بدر و مشاعل حولها بشكل دائري ليقرب مشعل وجهه ناحية النار ليظهر بمظهرٍ مرعب ليتحدث و هو يضخم صوته:شرايكم نقول قصص جن؟
شهد بخوف:لا!
فايز بسخريه:يا قلبوس خايفه يا بزره
شهد و هي تتظاهر بالشجاعه:لا ماني خايفه
تركي:جوي الرعب يلا انا بقول قصه
فارس:اتحفنا
تركي و هو يخفض صوته:مره سكنا في فِله يقولون صارت فيها جريمة قتل...
كانوا يتأوهون بألم بسبب ماحدث لهم
لتقول مشاعل و هي تحاول عدم البكاء لبدر المستلقي بجانبها:ليتني خليتك على طراشك ولا رحت لك
بدر بألم:و هو انا قلت لك تعالي
مشاعل:صادق ليتني انشليت ولا قمت
بدر:ماعليه انتي اسمك مشاعل صح؟
مشاعل:ايوه
بدر:تحبين الخيل؟
مشاعل و هي قد تناست الألم:ايوه!
اعتدل بجلسته ليلمح لمعة الحماس في اعينها العسليه ليشرد فيها ليوقظه صوت مشاعل الهادئ
مشاعل:مالك؟
بدر:ولا شيء، بس بسألك الحصان الاسود حقك؟
مشاعل:ايوه و اسمه غسق
بدر:غسق اسمه حلو وش معناه
مشاعل:الليل إذا اشتد ظلمته
بدر:اقدر اركب معاكي في الخيل إذا رجعنا؟
مشاعل:تمام، بس انت تعرف تركب الخيل؟
بدر:ايوه
مشاعل:غريبه مع اني ماتوقعت
بدر:ليه؟
مشاعل:يعني عشانك من اهل المدن و ماراح تهتم بأشياء زي كذا
بدر:كلامك صح ماكنت اهتم لهذي الاشياء بس بعدين اكتشفت شغفي للخيل
و في وسط حديثهم دخلوا عليهم الجميع و هم يركضون بخوف ليقعوا على هذين المسكينين
FLASH BACK
تركي:كان المقتول رئيس شركه معروفه و في احدى الليالي كان يشتغل على صفقه كانت بتدخله الملايين لكنه لقى طعنه على رقبته من ورا و طاح راسه على الارض و كانت عيونه تناظر زوجته مع عشيقها الي قتله و هم ياخذون أوراق الصفقه و دفنوا جثته في حوش الفِله و صار في كل ليلة يطلع لكل شخص يسكن الفِله و كل الي شافوه كانوا ينادوه الرجل الي بلا راس و كان يقطع روس الي يسكنون فيها
و في تلك اللحظه تحرك وتد الخيمه ليفزعوا كلهم ليتحدث فايز بتوتر:مالكم خفتم تلقونه الهوا
سمعوا اصوات اقدام تسير بأتجاههم ليركضوا بسرعه بأتجاه الخيمه ليقعوا على مشاعل و بدر بدون ان ينتبهوا لهم من شدة الخوف
لتتحدث مشاعل بألم:قوموا عني كسرتوني فوق ما اني مكسره
اقترب صوت الاقدام منهم لتقول شهد بخوف:الي بلا راس جاي يقطع روسنا!
دخل الشخص عليهم ليبداؤ برمي اي شي يجدونه عليه ليصرخ عليهم الشخص:وش تسوون!!
نظروا نحوه ليقولوا بصدمه:عمي سلطان/يبه
______
كانوا واقفين و ينظرون إلى الجدار و كانت الجده فاطمه تضربهم بالخيزرانه و هي تصرخ عليهم بغضب:اخ منكم يا داشرين تدشرون و احنا قلوبنا طاحت عليكم من الخوف لا يكون صار لكم شيء
الجميع بنفس واحد:اسفين ماراح نكررها
__________
انتهى الفصل
أنت تقرأ
و على اراضي الديره التقينا
Romance«على اراضي الديره التقيتك و وقعت في حبك يا فارسة قلبي» . قصة ثلاثة اخوه يذهبون للديره لتحصل لهم الكثير من المغامرات و الاحداث العجيبه
