كانت دينا مستلقيه على السرير بعد ان نقلوها للغرفه الثانيه و كانت لا تزال غائبة عن الوعي كانت العنود ممسكه برأس دينا و تقرأ عليها آيات من القرآن و بعض الاذكار
كانت لارا منهاره عكس تارا التي تحاول الثبات
حضنت شهد لارا و حاولت تهدئتها لتقول بمزاح:الله وينها هذيك الدلوعه الي تهاوش الرايح و الجاي ولا يهمها احد
لارا ببكاء:دينا...اختي بتروح منا بالله يا شهد سوي اي حاجه!!
شهد و هي تمسد على ظهرها:ماعليك ان شاء الله نلقى حل
كانت مشاعل واقفه على احدى الزوايه تحاول الاتصال على اخوها و كانت تقضم اظافرها من شدة التوتر لدرجة انها قضمت جلد اصابعها إلى ان نزفت بدون ان تشعر و اخيرًا رد
مشاعل بسرعه:الو مشعل!!
مشعل بقلق:وش فيك؟
مشاعل:بسرعه تعال احتاجك مساعدتك
مشعل:عسى ماشر وش صار؟!!
مشاعل:مافي وقت تعال بسرعه و وقف سيارتك عن بوابة السكن
مشعل:ابشري الحين جاي!
التفتت مشاعل نحوه لتقول:يلا تغطو و غطو دينا مشعل الحين جاي و بنروح عند الشيخ
تغطو و تساعدوا على حمل دينا ليخرجوا لبوابة السكن رأهم الحارس ليذهب عندهم ليقول بقلق:عسى ماشر وش صاير شفيها صحبتكم؟
مشاعل:تعبانه و بنوديها المستشفى و لو سمحت جيب كرسي و افتح لنا البوابه
احضر الحارس الكرسي ليجلسو دينا عليه بينما العنود تمسح على وجه دينا بالماء بينما تقرأ عليها
و بعد فتره قصيره جاء مشعل ليدخل و يجد دينا مغشيّا عليها اسرع نحوهم لتقول له مشاعل بسرعه:شيلها بسرعه بقولك السالفه في السيارة
حملها ليدخلها السياره ليتبعوه البنات ليدخلوا هم بدورهم
حكت مشاعل لمشعل كل ماحدث معهم لتخبره ان يأخذهم لشيخ موثوق
______
دخلت مشاعل و مشعل و هو يحمل دينا إلى الشيخ
و باقي البنات كانوا جالسات في السياره يدعون لدينا بالشفاء
بعد ان شرحوا للشيخ ماحدث لها بدأ بالرقيه الشرعيه
كانت دينا تتلوى و تتصبب عرقًا و بدأ الجني الذي داخلها بالصراخ ليخرج منها كائن اسود بشع
كان يصرخ بشده لكن الشيخ كان ثابتًا إلى ان استطاع اخراجه منها
فتحت عينيها بفزع لتجول مقلتيها نحوهم بعشوائيه لتلمح مشاعل لترتمي في حضنها برعب لتمسد مشاعل على ظهرها لتطمئنها
عادوا للسياره لتذهب دينا و تحتضن اختها الكبرى التي بدأت بتقبيلها و البسمله عليها
و في هذه الاجواء السعيده القت شهد احدى تعليقاتها السخيفه كالعاده:يوم كنا في القريه الي في اخر الدنيا و مليانه وديان و اماكن مهجوره ما طقنا شيء و يوم جينا للمدينه و في اول يوم برضو صار الي ما صار
______
بعد صراعات بينهم اين سيسكنون حتى تنتهي هذي السنه الدراسيه اقترحت عليهم تارا ان يسكنون معهم في منزلهم و اقنعوا بذلك ليذهبوا معهم
مشعل و هو ينزلهم:إذا احتجتوا شيء اتصلوا علي و بجي على طول
شهد و هي تشعر انها سمعت كلام مشابه لهذا لتتذكر حديث فايز عندما اوصلهم للسكن
-في الفصل 10-
لتمتم بغيظ:ناس تتمنى و ناس تتهنى ليت الكريه الي عندي يتعلم
سمعها مشعل ليضحك بشده و يقول:ماعليك بعلمه
شهد:بتسوي فيني خير
دخلوا المنزل ليجدوه مليء بالغراب و الاتربه
ليكحوا بشده لتقول العنود و هي تمسح الغبار من على احدى الطاولات:من متى ماتنظف ذا البيت؟!
لارا:اصلًا ذا البيت مانجيه إلا وقت الاجازه و نادرًا نجيه
نزعت شهد الغطوه لتقول:استعنا على الشقا بالله
مشاعل لفريده:روحي اقعدي في الحوش عشان لا تنكتمين و إذا خلصنا بنناديك و اقعدي في الفيّ لا تخلين الشمس تصفقك
شهد بسخريه:الله وش ذا الاهتمام لو انا كان قلعتيني
مشاعل و هي تحتضن فريده بذراعها:عاد فوفو اختي الصغيره لازم اهتم فيها
العنود:خلصوا حب خل نبدأ ننظف
استمر التنظيف لمدة ثلاث ساعات بسبب حجم البيت الكبير لكن لأن عددهم كثير استطاعوا إنهائه بوقت اقصر
بسبب اعتيادهم على النوم مع بعضهم البعض و لم يريدوا النوم في غرف منفصله ليأخذوا المراتب و يضعوها في المجلس ليرتموا عليها بتعب
شهد بتعب:لو صار الي صار لا تصحوني
مشاعل:انخمدي بس
_____________
انتهى الفصل
أنت تقرأ
و على اراضي الديره التقينا
Romance«على اراضي الديره التقيتك و وقعت في حبك يا فارسة قلبي» . قصة ثلاثة اخوه يذهبون للديره لتحصل لهم الكثير من المغامرات و الاحداث العجيبه
