عالقأ بين الماضي وبينها لاستطيع نسيان
الماضي ولا تجاوز طفله قلبي.........
بقلﻤ..... نغم
_________________
جفلت من شفت اديها ورجليها كلها دم وهي تبجي
مشيت حتى اشيلها -: ريهاانه
شالت راسها ملابسها كله تراب عيونها مغورگه بالدمووع
حجت بطفولية-: ادم
شلتها كل شعرها تراب -: شنوو صار شبيها رجلج
ريهان : وکعث ( وكعت )
ادم : تمام يلا كوومي ميخالف كوومي
ريهان : ادم ابوي يريد ياخدنا من هناا
ادم : هسه كومي ننظف ملابسج شعرج بعدين نحجي
ريهان : مااا ماريد
لازمت اديها امشيها مااتمشي -: ريهانة ماعيب انتي
صرتي بنيه جبيرة هسه هيج ملابسج وصخه
ريهان : ماريد اروح فدوة خليني هناا
ادم : تمام هسه خلي اوديج للبيت يلا امشي
ريهان : تلزم ايدي...
ادم بابتسامه : جيبي..
مشينا لبيتهم دكيت الباب طلعت عمه ابتسام -: ريهان
وين جنتي شغلتي بالي شصااير لرجلج
ريهان : ماريد احجي وياج
عافت ايدي وركضت ليجوة وكعت يم الدرج
ركضنلها اني وامها -: كوومي كومي
ابتسام : لج ماما ليش تركضين تعورتي شبيها رجلج
ريهان : عووفوني
كامت تمشي بعرج رحت لازمت اديها -: شتريد
ادم : وين رايحه
ريهان : توديني لبيت عمه سهام كلهم هناك
ادم : خلنعقم رجلج بالاول لو گدرتي تمشين اخدج
ابتسام : هسه اجيب المعقم والكطن
ريهان : مااريد معقم يعورني
ادم : تمام انتي جيبي اني اعقملها
جابت المعقم والكطن وريهانه بعدها تبجي -: لج ماما
هياته الكركوك عليش البجي
ريهان : مااريد اروح كل ثديقاتي هناا
ادم : صديقاتي
ريهان بصياح : شعليك انت
ابتسام : عيب ماما مانحجي هيج وياه اكبر منا
اعتذري لعمج ادم يلا
ريهان : مو عمي من وين صاار عمي صديقي هو صديقي
ادم : زين ياابه مو عمج هسه انتي عليمن معصبه
شنوو المضوجج
ريهان : مادري ضايجه
ادم : خلي اعقم جرحج ونطلع برا
ريهان : تلعب وياي ماتعووفني ابدا.....
YOU ARE READING
عندما تشرق الشمس
Randomانا ظلام دامس انا التي انظلمت ولم اظلم ابدا انا نقطه النور في عين سجين لم يرى الضوء لسنوات... انا سجين الذي انسجن ظلما ولم يذق طعم الحريه ابدا انا العقل و القلب معا..... انا النور و الظلام... انا الخوف و الفقدان... انا الكراهيه والحب ... انا الاس...
