#طغيان_النجوم

البارت التاسع

مساء الخير ❤

كل عام وانتم بالف خير وصحة وسعادة دائمة يارب 🤲🏻🥺❤

._._._._._._._._._._._._._._._._._._._._._._.

 

راح أعلن سكوتي

أحب اسمع سوالف منك أهوايه 

بس أنت بخيل وماتسولفلي 

وأحب أگعد وأمشي وياك 

بس أنت أشوفك ما توالفلي 

وي غيري أشوفك بلبل الفتان 

وبس وياي وگفت بومه واگفلي 

شنهو الصار شنهو الغيرك گلي 

موأنتة الچنت دمعات تذرفلي 

موأنتة الچنت كل ساعة رايح جاي 

وتتوسل تريد أحچايه ياطفلي 

موأنتة الچنت سهران طول الليل 

ولوبسمك أصيح أزحوف تزحفلي 

بدر تقصير مني بعشرتي وياك 

أنطيني سبب بس لا تحلفلي 

لاگيلك ولف ثاني وتريد تروح 

أحچيلي بصراحه وبس لتحلفلي 

گول شماتريد أتگول زين وشين 

أقبل لوحچي مخربط تألفلي 

مليته السكوتك كافي يبن الناس 

سكوتك هذا وي الموت ناصفلي 

هذا أخر كلامي وياك دسمعني 

راح أعلن سكوتي هواي أشرفلي

.....................................

راح اعرفكم على حامد اشوي
حامد من سكنه منطقه اسمه قصرالاخيضر يم قرنه   فوك من كربلا وعنده بستان خير من الله ومشغل فلاليح وزارع اشجار فاكهة وخضروات  وعنده 200 رأس غنم
ومأجر كيتين كل شهر تطلعله خمس ملايين ويبيع كلشي وهذا ماغير الكيمر وجبن وحليب والفاكه وحته خضروات ايحمله كيه للبيت
ومرات اتمر شهر ميسوك لن عندة مسواك خير من الله
هسه عرفتو شنو شغل حامد

.......................................

غزل // انطينه التحاليل للدكتورة قرت التحاليت وكالت

دكتورة // مامه مبروك انتي حامل

غزل // ضليت صافنه واحجي بكلبي..حااامل شنو حااامل يمته جنت مصدومه اباوع على الدكتورة ودكتورة تباوع عليه ..حاااامل كلته بصدمه

دكتورة // اااي انتي حامل وحملج شهرين
شنوو متحسين بي انتي دخلتي شهر الثاني شنو ماحاسبه لو اول مرة تحبلين

غزل // لا لا ما اعرف هاااي اول مرة وسكتت شكول ثاني طفل هذا سكتت كتبت العلاج واخذت الراجيته منه