مصيبتي مع الكوميسير 🍇مكتملة🍇

الجزء 39🍇

🐞مصيبتي مع الكوميسير🐞
🍇الجزء39🍇
🐼بقلم:
منال برنيش🐼
سعيدة باستها فراسها وعنقاتها:على سلامتك احبيبة على سلامتك
سندس كتافات بابتسامة صغيرة وغير كتشوف وساكتة
فتيحة:باش تتحسي احبيبة باش
سندس بصوت شوية ممسوعش:بوالو امي والو
فتيحة عينيها غرغرو:نت غير مين حليتي عويناتك هادي هي الدنيا ومافيها
دخل عندهم الطبيب هضر مع سندس شوية تجاوبات معاه طمن فتيحة بلي حالتها مزيانة من بعد يومين ولا تلاتة تخرج من بعد مشاو كاملين خلاوها ترتاح
غير خرجو تكات على جنبها حطات يدها على خدها وغمضات عينيها وبداو دموعها كنزلو شلال واخا كانت فسبات دماغها مزال فيه آخر لحظة فاش كانت فايقة مزال عاقلة على كلشي مزال عاقلة على الظلم وعلى الحكرة لعياات متصبر لهم ولكن هاد المرة لااا تفكراات شنو دارت فراسها ومفكراتش وتمتمات وسط دموعها:ياربي تسمح ليا
ضارت ومسحات دمعتها ولكن مزال تبعوها وحدين آخرين وتتقول فدماغها علاش كديرو ليها هكا علاش كحاربوها وهي كتقاتل على طرف الخبز علاش حيت داقعات على شرفها ومسلماتوش رااسها شنو دار فيها ونتاقم منها وكانت سباب باش غتنهي حيااتها
فتيحة كانت مزال حدا الباب دالكلينيك فرحانة وتزغرت وتعيط على الناس وتقولها ليهم كانت جاية جات على مسامعها*بنتي فاقت من الغيبوبة*وهي توقف ضارت شافت فيها بقات شحال واقفة كتشوف فيها مبتاسمة وحتى هي بتاسمات بلا متحس حتى هي احساس زوين تفك الكربة لكنت فيها قربات عندها ونطقات:على سلامتها اشريفة
فتيحة شافت فيها فرحانة:الله يسلمك اللالة حمدالله ربي كبيير رجعي لبنتي وحفضها ليا ما كنت نسمع كسيدة نقول هادي اللخرة
حنان فرمشة عين رجعات للواقع تفكرات ولدها واخا معارفاش فتيحة شكون ويلي بنتها هي لضرب ولدها فرحات ولكن تفكرات بلي هي مزال واحلة ومعارفاش فين غتسالي