سلام حبيباتي كيف حالكم ان شاءالله بخير ان شاءالله مب متأخرة عليكم عشان انزل البارت
اتمنى دعمكم لي الروايه و اذا فيه شي مو حلو قولوا لي بس اخليكم مع الرواية
بس لتذكير "غيث تعال العب معي ماراح تنفعك حبيبتك
فهد بصوت حاد:وبعدين معاك وانت لمتى ماراح تترك بنات الناس وتلعب بمشاعرهم
غيث: خف علينا على اساس ماكنت نفسي
فهد : قلتها كنت مو الحين
غيث : المهم
عبدالعزيز : المهم تعال العب معي
غيث : جيت جيت يا المزعج
" عند البنات "
يقين : يوه يابنات من زمان عن المزرعه
وِئام : وانتي صادقه يمكن اخر مرا جينها قبل ثلاث سنوات
اريام:وئام وراه اخوك صقر ماجا من زمان عن فاطمه
وِئام : والله مدري عنه بس كل ماكلمنه قال الشغل و الشغل
راحوا البنات يشفون المزرعه بعد نص ساعه تقريبا
عبير بصوت عالي عشان يسمعونها البنات : يا بنات يلا تعالوا الغداء جاهز و يا اريام روحي قولي حق العيال
اريام : ابشري يما
" عند العيال "
كاظم كان قاعد يدخن و الباقي كانوا جالسين يسالفون دخلت اريام
كاظم على طول طفى الدخان و شاله
اريام: كاظم وش عندك خفت؟
مالك : مالك شغل وبعدين وش دخلك وليش جايبك عندنا
اريام: كاظم تدخن ؟
مالك : انا هنا اكلمك
اريام: مالك دخل انت انا قعده اكلم كاظم
كاظم: اي ادخن عندك مانع وان سمعتك علمتي احد ياويلك
عبدالعزيز: بنت وش مجيبك عندنا
اريام: اوهههه بس جيت اقولكم الغداء استوى وبعدين وش ذي الحركات تدخن وتعرف لانو جدي مايرضى
عبدالعزيز: بنت تكلمي عدل وطلعي برا وان سمعت لانو جايبه خبر لي اي احد ياويلك
اريام: وش تعطوني ؟
عبدالعزيز: نعطيك زوجك بس اطلعي
اريام: مافهمت وش ذا الكلام بالالغاز
غيث: بعدين بتفهمين بس اطلعي
اريام: اففففف طيب
طلعت وراحت عند المرايات حق الحمام وطلع وراها كاظم و غيث وتخبت في احد الحمامات
كاظم: ياخي مابيها
غيث: ياولد استهدي بالله وان شاءالله مع الوقت راح تحبها
كاظم: اول شي هي صغيره ثاني شي انا ماحب اسلوبها شفتها قبل اشوي وبعدين احس حركاتها حركاتها بزرنا وغير جوها غير عن جوي بكثير ياخي اريام ماتصلح تكون لي زوجه
غيث: وش دعوة كل ذا فيها ترها حلوه بس انت حييل مكبر الموضوع ترا مع الايام راح تتعود على حركاتها و تحبهم بعد
كاظم : ولا افكر اصلا احبها
غيث مارد عليه تعب وهو يعلمه بس هو مايفهم وطلعوا و تركوا روح نهارة وراهم
اريام طلعت وعيونها حمره من البكا و طلعت من حمامات و راحت مكان بعيد وقعدت تتكلم بينها وبين نفسها
اريام: انا حماره كيف حبيته ياخي انا اصلا مدري كيف حبيته يعععع اكرهك اكرهك ياخي مالت على القلب الي يحبك بس اكيد ما راح تركك بذي السهوله راحت وهي تمسح تدموعها عشان محد يحس
يقين بهمس حق اريام: اريام فيك شي؟
اريام: لا مافيني شي ليش؟
يقين: مدري بس احسك متضايقه
اريام: لا وش دعوة اتضايق على وش
يقين: مدري والله
امل: بتضلون ماراح تكلون انتوا؟
اريام: يوه الحين بناكل ي المزعجه
"بعد الغداء"
ابو صقر: يا ام صقر تعالي ابيك انتي و فهد و وِئام في الغرفة
ام صقر: ابشر
راحت تنادي وِئام و فهد و راحوا الغرفه
فهد: عسى ما شر يالغالي وش فيك؟
ابو صقر: والله كلشي خير اسمعي يا وِئام جا ولد عمك مالك يبي يخطبك
وِئام : هااا كيف بس ييا انا توني صغيره غير كذا مالك اكبر مني بواجد
ابو صقر: انا قلت لي عندي ولا باجي اخذ منك الموافقه جاي بس اقولك ومالك و نعم فيه رجال
وِئام وفيها غصه : بس بيا انت تعرف مالك اكبر مني وانا مابعد اتخرج من الثنويه كيف
ام صقر: انا لو مو مالك ماكان زوجتك وهذا تزوجت بعمر صغير غير احنا ماعطيناك رجال غريب وانا اقولك ي ابو صقر من الحين موافقه
وِئام بصراخ و دموع في عينها : يما ترا حياتي انا نو حياتكم وانا الي بعيشها ياخي مابيه ماحبه راحت عند ابوها يبا تكفى مابيه والله توني صغيره على زواج وانا و مالك مانصلح حق بعض
ابو صقر:بنت خلاص وش ذا الصياح وبعدين خلاص انا عطيت كلمه لعمك ولا تبين تحرجيني مع عمك
وِئام:بس مستقبلي
ابو صقر: ولد عمك ما راح يحرمك من شي وخلاصنا وانت يا فهد راح تاخذ يقين
فهد مو مستوعب: ها يبا كيف بس يقين صغيره علي
ابو صقر: مو قاعد اخذ رايك قاعد اقولك و غير كذا هي بعمر وِئام يعني عادي
فهد قام وهو معصب مايشوف احد اما ام صقر راحت وراه
ام صقر: يا فهد دقيقه اكلمك
فهد وقف عشان يسمع امه وش بتقول
ام صقر: يافهد ترا يقين زينه وحلوه راح تحون زوجه باره لا تعصب من ابوك صح ما اخذ رايك بس انت تعرف ابوي بس امنتك حتى اذا ماتحب يقين لا تعاملها بقسوه هي مالها ذنب
فهد وهو هدا اشوي من كلام امه : ابشري تبي شي ثاني
ام صقر: لا سلامتك
فهد :بروح جنب العيال
"عند وِئام"
ابو صقر: يا بنتي ترا مالك رجال لا تشلين همه صح هو عصبي بس طيب و حنون و اذا على مستقبلك لا تخافين
وِئام طلعت ولا ردت عليه
ابو صقر عرف لانو زعلت بس مع الوقت بترضى
"عند العيال"
دخل فهد و جلس جنب رائد
فهد: عندك دخان
رائد: شكلها سلفتك كبيره تعال نطلع برا وقولي كلشي
قاموا و فهد كلشي حق رائد
"عند البنات"
دخلت وِئام وعيونها حمرا
ياسمين بخوف : وِئام وش فيك
وِئام و دموعها على خدها جلست في حضن ياسمين وقالت كلشي
يقين بضحك : ماعليك ترا خوي طيب و يحصل لك مثله
وِئام و بتسامه على جنب : على اساس وانا و اخوك ميتين على بعض
الكل قام يضحك و قعدو يحولون يغيرون جوها
"
عند ابو صقر و ام صقر"
ابو صقر: اسمعي ترا اليوم في الليل الخطبه رسميه
ام صقر: ماكانوا استعجلتو ؟
ابو صقر: اي احسن عشان المدارس
ام صقر: شورك وهداية الله
راح ابو صقر و ام صقر راحت حق الحريم
ام صقر :ام مالك ابو مالك يبيك
ام مالك :ان شاء الله
-عند عبير
عبير :اسمعي ولد خالك اخطبك كاظم
اريام:تشوفين عمري مناسب ؟
عبير : اي مناسب وعدل لو كان ابوك موجود بسوي كذا
اريام :طيب
عزوز :اليوم الخطبة الرسمية وكلشي
اريام :طيب
الشخصيات والصوره موجود في حسابي تيك (mo_ni1120)
