صباح يوم مُشرق بنسمات الهوة الباردة
فتحت عيوني بتثاقل واحس بثگل علة بطني
أنتبهت عليه حاضني حيل وكأني راح انهزم منة وخرت أيدة
علة كيفي حتة ليفز
شكلة وهوة نايم يبين هوة بريء بس هوة عكس هالشي
دنگت طابعة بوسة خفيفة علة گصتة
أخذت ملابسي ودخلت للحمام
وگفت جوة المي وشردت بأفكاري
متذكرة عاصف
وينة هوة هسة وشنو وضعة
هزيت راسي بنفي
هوة ماتربطة اي علاقة بية هوة خاين ملازم افكر بي اصلا
رفعت شعري مرجعتة لورة مسحت سديت المي
ومسحت وجهي وتنهدت بعمق
لبست ملابسي ألي هية عبارة عن هودي رمادي وبجامة بنفس الون
طلعت من الحمام
عقدت حواجبي بأستغراب لان شفت باب الغرفة مفتوح
اني متأكدة سديتة
دخلت للغرفة ملگيت صميم
شو مسمعتة من فتح الباب معقولة
طولت بالحمام ومچنت منتبهة
جففت شعري و رفعتة ذيل حصان ولأنه قصير بقت خصلات متناثرة علة رگبتي
رفعت التلفون أتصل يطلعلي مشغول
نزلت جوة لگيتهم ملتمين بالمطبخ گاعدين عالطاولة يتريگون
أستقبلتني سوران بأبستامة بشوشة علة وجهة
_ صباح الخير حبيبتي جيتي بوكتچ تعالي تريگي ويانة
رديت عليهة بنفس الأبتسامة
_ صباح النور سوارن لا ماكو داعي ما أكل الصبح اني بس ماشفتي صميم وين راح
_ هممم نزل قبل نص ساعة وچان مبين مستعجل ويحجي بلتلفون يجوز عندة شغلة طارئة وهسة يلا تعاي اكلي وبلة ماريد وهاي الحركات
تقربت مني وملامحهة تغيرت للزعل وحچت بهمس
_ ادري بيج متردين تاكلين لان اهلي گاعدين لتخافين مراح ينزعجون منج انتي ممسوية شي
ضحكت وجاوبتهة
_ لا لا ماكو هيج شي وهسة راح اكل وياج
ضربتني علة كتفي بخفة وضحكت
_ اي هيج من البداية
وگفت گدام الطاولة وصبحت عليهم
باوعتلي الحجية بأنزعاج وهزت راسهة اما البقية
الحجي صالح واحمد اخو صميم الصغيرة
والبنية الشابة ماعرفتهة لهسة بس مچانت تباوعلي اصلا
أنت تقرأ
لَهيب البارود (ضَباب أسود)
غموض / إثارةإن بغيتني جنٍ فجن وإن بغيتني إنسٍ ف انس ولدت من رَحِم العنف والضُلم ازهاق ارواح تعنيف أسري قتل الأب فُقدان الأم وموت الضمير والغُربة ماذا سَيولد؟ بلتأكيد شخص لايرحم يرى الحياة مجرد لهوً وضلامـ وأتنقام تتجول حرةً مُبعثرة الشعر بطريقة مرتبة ...
