حواء💕

ادري بيج تعبانة يعمري😞💔

ركزي وياي✨️
كلامي لكل البنات بدون استثناء💗
باعو بنات ادري بيكم من الداخل مكسورين اكو نقص عاطفي عدكم كل بنية عايشة بلعراق بدون استثناء لأن الضروف الي مرت علينا وعلى اهلنا كلش صعبة بلتالي حالياً دنتدفع الثمن صحتنا تتراجع يوم بعد يوم شعرنا يوكَع هالات تحت العين وصلت للخد بشرتنا تعبانة الخ.... آني بنية وادري بيكم وحاسة بيكم 😞
بنات!!!!!!♥️
اتركو الماضي سوو له Delete خلص اريدكم توعدون نفسكم ان تنسون الماضي احذفي الناس السلبيين من حياتج انتِ ممجبورة تكملين وياهم نضفي قلبج من كلشي محلووو من الحقد والكراهية اي كراهية تجاه احد احذفيها بسرعة تصالحي ويا نفسج وحبي نفسج انطي فرصة لنفسج وابدأي صفحة جديدة بس هلمرة مو ويا أحد لا بس ويا نفسج ابدأي هاي الصفحة بداية صحيحة واسمعي كلامي حرفياً حتتغير حياتج 180 درجة وفري مكان للراحة لنفسج حتى لو معندج غرفة خصصي مكان بسيط للونسة افرشي بي فراش مريح ومكتبة صغيرة للكتب الي انتِ تحبيها ومطارة او قنينة مي💧و يلا تعالي وياااااي لعالم البنات العالم الي مبي أي سلبية العالم الخالي من الكراهية العالم الي مليان حب وإيجابية حنتعلم آني وياج كلشي حلووو حنتعلم نحب نفسنا حنتعلم وصفات للبشرة والشعر والجسم ونصائح لفترة المراهقة والحب والخطوبة والزواج حنتعلم طبخ وصفات جديدة وحلوة حنتعلم الترتيب بكلشي من الألف للياء حنتعلم كلمات انكَليزي ممكن تفيدنا بحياتنا تعالي وياي يعمري وتعلمي لنفسج قبل كل الناس هاي الاشياء تفيدج انتِ قبل كلشي💗
✨️حسابي الأنستا hawaaiq