[Complete] [BL ]မင်းအပြုံးလေး တစ်ခုနဲ့တင် လုံလောက်ပြီ💟

အပိုင်း (17)

(17) မူလဝိဉာဥ်

စီးခုန်ချီယာ့ဟာ သူ့ရဲ့ မူလ ဝိဉာဥ်ကို ကျူးကျော် လာတဲ့ အင်အားကြီး ဝိဉာဥ် ဘာတွေ လုပ်နေခဲ့ သလဲ ဆိုတာကို အသိစိတ်ပင်လယ် ထဲက နေ အမြဲ စောင့်ကြည့် နေခဲ့တယ်။

ထိုသူက ကြီးမြတ်တဲ့ ရောင်ဝါ ရှိနေပေမယ့် အတွေးတွေ ကတော့ မဖြစ်ထွန်းတဲ့ လူစား မျိုးပေ။ သူ့ရဲ့ အမတော်ကို ထိုသူက ပုန်ကန်ဖို့ အတွေး မရှိတဲ့ အပြင် ကပ်ဖား ဖို့တောင် လုပ်နေခဲ့တယ်။ သူ့ကိုယ်ကြီး နဲ့ ကပ်ဖားလို့ ဘယ်ဖြစ်လိမ့်မလဲ သူ့ရဲ့ အမတော် အကြောင်းကို ချီယာ့ အသိဆုံးပဲလေ။

အမတော်က ပြုံးနေတဲ့ မြေခွေးလို့ ပြောရင်တောင် သူ့အလွန် မဟုတ်ပေ။ သူအမဘယ်လောက်ထိ ရက်စက် သလဲ ဆိုတာ သူကလွဲလို့ ဘယ်သူမှ မသိနိုင်ပေ။ သိပ်မကြာခင်မှာပဲ ထို အင်အားကြီး ဝိဉာဥ်က ဖူးပွင့်စ ကောလေး တစ်ယောက်ကို အသုံးတော် ခံလိုက်တယ်။

ပြီးတော့ ကျန်းနန်အိမ်ကို ပြန်ပြီး ကပေါက်တိ ကပေါက်ချာ တွေလုပ်တယ်။ သူ့ခမျာ ထိုသူလုပ်နေတာကိုပဲ ဘာမှမတက်နိုင်ပဲ ကြည့်နေရတယ်။ သူ့ရဲ့ ဝိဉာဥ်က ထိုကောလေးနဲ့ ထိတွေ့ ပွတ်သပ်တိုင်း စွမ်းအား ပြန်ပြည့်လာခဲ့တယ်။

ကြည့်ရတာတော့ ထိုကောင်လေး က သန့်စင်တဲ့ ကိုယ်ခန္ဓာကိုယ် ပိုင်ဆိုင်ထား သူ ဖြစ်လောက်တယ်။ ထိုအင်အားကြီး ဝိဉာဥ်က ကစားစရာလေးတွေ အများကြီး ကြိုက်ဟန် မပေါ်လေဘူး။ ထိုကော အသေးလေး ကိုပဲ အာရုံစိုက်တယ်။ ဒါကြောင့် အမတော်က သူ့ကို ကောအမျိုးသားတွေ ကြိုက်တယ် ထင်ပြီးတော့ နာမည်ကြီး ကော အမျိုးသား အလှလေးတွေကို ရွေးပို့လိုက်တော့ တာပဲ ။

ဒါပေမယ့် အဲ့ အင်အားကြီး ဝိဉာဥ်က ပြောရဆိုရတာ ခက်ခဲတဲ့ ကောအမျိုးသား တွေနဲ့ ညှိနိုင်ခဲ့တယ်လေ။ ဟုတ်တာပေါ့ အဲ့ထဲမှာ လက်ပေါက် အကပ်ဆုံးက သူ့ရဲ့ ဝမ်းကွဲ စီးခုန် မေ့ဟွားပဲ ဖြစ်တယ်။

စီးခုန် မျိုးနွယ် ရဲ့ နာမည်ကို စီးခုန် မျိုးနွယ် က မွေးတဲ့ လူတိုင်း မရနိုင်ပေ။ စီးခုန် ဆိုတဲ့ နာမည်ပါတဲ့ သူတိုင်းက အများနဲ့ လုံးဝကို ကွဲထွက်နေကြတဲ့ သူတွေ ပဲ ဖြစ်တယ်။ ဒါကတော့ သပ်သပ် ဇာတ်ကြောင်း တစ်ခုပေါ့လေ။