عهد الأصدقاء

بسم الله الرحمن الرحيم
في ملحمة جديدة نلتقي وحكاية جديدة نروي...
نقص عليكم بعض الأحداث الشيقة آملين أن تنال إعجابكم.
# عهد الأصدقاء ♡♡
# مروش الدليمي
# مؤلم أنك تشعر بكل هذا الوجع ولا تستطيع البوح به
...
# وكأنني في متاهة لا مخرج منها أتألم كل ليلة وفي اليوم الثاني كأنني أكبر مئة عام
...
# ماذا عن صراخ مكتوم في داخلي وكأنني أبكم من شدة ضيقي لا أستطيع الصراخ
...
# ماذا عن # أرواح قد احترقت وااصبحت رماد
...
# أنا الذي أبدو من الخارج صلبا إلا اانني # روح متكسرة
# احسااس كاتبة ✍️...
# مشهد أول
نامية الساعة بالسته الصبح تقريباً وفزيت على صوت المطر عايفة شباك الغرفة مفتوح بقيت متمددة على فراشي واسمع صوت الرعد والمطر قوي. بقيت ادعي يكولون دعاء المطر مستجاب أول ما اجه ابالي اهلي امي ابويه اخواني بعدها دعيت الزوجي وعيالي. بعدين فكرت اصور المطر طفرة من فراشي جني وحده خبله كفشتي وأني والنعس لسى بعيوني بس جذبني صوت المطر وحبيت اصوره لبست قمصلة كرار جلد كلش متينه فتحت باب الصاله وبقيت واكفه بالباب اباوع للمطر شون ينزل وتأمل خير بكل قطره تنزل وادعي ربي يحقق احلامي ويغير ولو شوي من حالنا بعدها اجت عيني ع الحديقه شون صاير منضرها حلو بالمطر طلعت تلفوني وبقيت اجكجك صور نسيت روحي واخذني الوكت ماحس غير صوت كرار ورأي...
كرار: وينج يمعوده صدك جذب اتاخرت ترا ماضلي وكت
زينه: يمه فزيت فزه عزا العزاج ننوش اتأخر الرجال وهو على باب الله
والم الكفشه اللي جان يداعب بيها الهوا لا تخرع الرجال وبوجهي للمطبخ حطيت جاي وحضرت الريوك ركض ركض كرار كاعد يمي بالمطبخ ويدردم وكت تصويرج واخرتيني واني ماخذه وضع الصامت اخر شي كتله شبيك ترا الجو مطر وبرد منو يجي للمحل من الصبح.
كرار: ليش من يجي محل تجي العالم تشتري
زينه: خلصت الريوك وحطيته كدامه وكتله يلا تريك ولا ضل ادردم هو بس اليوم
كرار: هه هاي يوميه بس اليوم
زينه: ها جا منو يسويلك ريوك ويكعدك وانته اضل نايم يلا هسا تريك مالي خلك اتعارك
كرار: ورده أم علي وين اكو منج اهم شي مضوجين
زينه: هوا خليت بيها ورده انته بعدها تريك كرار وكمت سديت الباب وراه ورجعت عزلت المطبخ وطفيت الصوبه ورحت عزلت غرفتي وتمددت ع فراشي واخذتني الصفنه الذكريات الطفوله واايام الشباب...
هناء (أم زينه): كومي جيبي المشط خل امشط شعرج حتى ابوكم ياخذكم وياه
زينه: كمت جبت طاسه بيها شويه مي والمشط انطيته الأمي كعدت يمها حتى تمشطلي واروح ويا أبويه البيتنا اللي بالريف لأن اهلي ذوله معزبين بحلالنا بالبر وبيتنا وأهلنا بقريه ريفيه بس اختلافها بيها خدمات ودوائر حكوميه...)
ابقى هناك يم بيبيتي وعمتي علمود المدرسه جنا كل خميس نجي الأمي ونرجع السبت مرات الأحد جنت بوكتها بعدني ثاني ابتدائي واخويه آدم أول بذاك الوكت جنا بس اني وآدم عدها...
هساا خلي اعرفكم بعائلتنا. جدي مزوج ثنين نسوان كل وحده من محافظه الأولى من الكوت مخلف منها اربع بنات و٣ اولاد أبويه الأبن الاكبر وهو المسؤول من بعد جدي. اما زوجته الثانيه الزغيره من الديوانيه عنده منها ثنين بنات ولد واحد جدي ازوجها على كبر أبويه وأمي اولاد عم وازوجو زواج تقليدي لأن همه ناشئين بعائلة كلش محافظه وناس ذات عادات وتقاليد بالإضافة إلى انو همه ناس معروفين والهم جاهم وسمعتهم بين العشائر وحده من قوانينهم مجان عدهم زاج عن حب ولا تختار بكيفك هذا الشي متوارثينه اباً عن جد لاياخذون غريبه ولا ينطون الغريب بنت العم الابن لعم هذا قانونهم. لهذا صارت امي من نصيب أبويه رغم بعض المشاكل اللي تصير بعلاقتهم الزوجيه لكن الحمد لله على كل حال اما عمي الي بعد ابويه هم مزوج بنت عمه الي تصير اخت امي (خالتي) وهيج صارو خوالي مزوجين عماتي وعمامي مزوجين خالاتي... امي بعد سنه من زواجها صارت حامل أول حمل الها بنيه قبلي بس توفيت اثناء الولاده لأن امي صار عدها عسر بالولاده والسبب ماخذوها للمستشفى جابولها جده للبيت اتولدها وهي بكر (أول طفل الها) لذلك صار عدها مضاعفات...
ورى سنتين ومن بعد تعب ومعانات ومراجعه للساده ولاطباء يلا اجيت أني ونورت الدنيا بسنة الخمسة وتسعين ...
خلصت امي تمشيط لمت شعري وبدلتلي والاخوي بوستنا وصتنا نصير عاقلين ونحضر دروسنا. شغل ابويه سيارته وصعدتنا امي ورجعت حضنتنا وباستنا وكعن دموعها جان يباوع عليها ابويه وكلها لاتبجين وين رايحين للصلب لو يم اهلهم ردة عليه امي شسوي كلبي يضل يمهم حرك ابوي سيارته ومشينا طول الطريق احنا ساكتين خانكتنا العبره على امنا ومنضرها اللي ميروح من بالي وهي واكفه تباوع ورا السياره...