آدم بصوت طفولي: بوية ليش ماخليتني يم أمي أني ماريد أدرس ولا أروح البيت جدي أني أريد أضل يم أمي
عماد: شلون ماتريد تدرس شلون تتعلم تقرأ وتكتب بأجر من تكبر ما تعرف تقرأ واللي بعمرك كلها تتوظف وانته كلشي ماكو ترضاها
آدم: يلا ادرس بس هو شوكت تكضي المدرسه
عماد: هه شو جنك قافل ع المدرسه ولك
ادم: ماحبه اني أريد يم امي
زينه: اثناء الحديث مندمجين وصلنا بنص الطريق عطلة بينا السياره نزل ابوي يصلحها راد منها ماكو بعده يبحوش بيه جان يمر عليه واحد من منطقتنا:
أمين: السلام عليكم ها خيرك اليوم هنا ابو ادم خوماكو شي
عماد: عليكم السلام الف هلا والله خويه سيارتي مدري شبيها شو ماتشتغل وصلت هنا لنها طافيه
أمين: انه اخوك خاف كابريته لو باتري
عماد: لايخوي هي كلها تعبانه ناوين نبدلها إن شاء الله بس هالفتره احنا موفارغين جان بدلناها
أمين: تعال اصعد وياي خلها هنا يم اهل المحلّ قفلها وعوفها شعليها خل اوصلكم خطيه ذوله فريخاتك كتلهم البرد
عماد: رحمةالله والديك ماتقصر خويه أبو حامد
أمين: والديك خويه هسا شمسوين هوا احنا نفس الطريق ولد منطقه بعد أي شبعدلك وتسرح من الجيش
عماد: بعد سنتين تقريبا
أمين: هاالله كريم هانت السنتين قليلات خلصت الهواي وذني يعدن خوي
عماد: هو هم هيج صابرين خويه جا شكايلين
أمين: هه لامبين كلش طافره روحك
عماد: والله شكلك محد النا هنا متبهذلين ابوي رجال جبير وحلالنا وبيتنا مكسوم نصين هم يرادلنا والي
أمين: يخوي كلنا مرينا بهذا الظرف بس موبيدك مجبور
عماد: شنسوي خدمة الوطن واجب نزلني خويه يمك ومشكور يلا بويه نزلو
أمين: كل الهلا بيك وأمانة أي شي يحتاجونه أهلك خل يكلولي
عماد: ألف شكر ممنون منك مع السلامه
زينه: نزلنا يم باب بيتنا فتح الباب ابوي وطبينا. لكيناهم يتغدون
عماد السلام عليكم شلونكم
أم عماد وأبو عماد: عليكم السلام هلا يابه هلا شو تأخرتو
عماد: عطلة السياره واخرتنا
أبو عماد: هم عطلة هجر الهجرها وتالي منو وصلكم ويامن اجيتو
عماد: جابنا أمين ابن حجي عويد
أبو عماد: هاه خير إنشاء الله
زينه: خلصنا غدا وابوي سلم علينا والتحق...
أنت تقرأ
عهد الأصدقاء
Storie d'amoreقصتنا تتحدث عن ثلاث صديقات كل واحدة منهم عاشت حياة مختلفة لكل بطله في هذه القصة معاناة ومغامرات هؤلاء الفتيات اتخذوا عهدا على أنفسهم أن لا تفرقهم الحياة مهما دارت بهم الدنيا لكن هل يبقى هذا العهد على مر السنين في هذه القصة عبر كثيرة... قصة حقيقية خا...
