واية::نار الجحيم
للكاتبة:: ~يوليو ~
~~~~~~~~~~~~~~~~~~~~~~
فرشنه جوه احنه بصاله وهوه بل الديوانيه(استقبال) جاي انباوع على مسلسل والباب ادگ
رياحين::-ياستارر شصاير منو اجه
سارة::-يامطيي يدك الباب هيج اصلا منو يجي بهيج وقت
-رحت السجاد بديوانيه
رياحين::-سجاد سجاد اكعددد
سجاد::-هااا شبيججج صايرر
رياحين::-الباب يندك
-اندك الباب حيل
رياحين::-سجاددد كوممم دم وكف براسي
سجاد::-يله يله كايم
-كام وكل ما يتقرب يزداد دك الباب اقوى طلعت سجى وسارة وانا وياهن واكفا وراهن الصدمه والخوف مو هنا الخوف من سجاد فتح الباب ياالله الولد مصدوم واكف مثل الصنم دخيلك ياعلي
رياحين::-سس.. سجاد. ش. كو
-ضليت اتعلثم بل حجي باوعت على البنات واكفات مكانهن رحت سجاد ضليت اتقرب شوي شوي
رياحين::-سجاد شكو شبيك
-الولد مايحاجيني صحت بي .. رياحين::-سسسسججااادددد
-لولد نز التفت علي اول ماشافني سد الباب بسرعهه
سجاد::-شبيجج صيحينن
رياحين::-سجاد شبيك هيج مصدوم منو جان بل باب احجييي
سجاد::-ماكو شي ادخلن
رياحين::-سجاد -باوعلي هزيتلي براسي بمعنى شكو غمزلي وكال ادخلن جوه دخلنا ضليت يم باب الصاله اباوعله صفن على الباب استغفر الله دخلنا جوه سدد البيبان كلهن كال نامن باجر عمي يمكن يجي البنات نامن وهوه نام يمنه بل غرفه ماقبل يروح انا مااجاني نوم ضليت اتكلب رفعت راسي اله لكيته يدخن وصافن كمت باوعلي ضل يباوع شسوي انا كمت رحت شغلت القرآن الكريم على سورة الرحمن انا على هاي سورة يرتاح كلبي وأطمئن عدلت الصوره الي طاحت نسيت اشيلها رحت شربت ماي واجيت كعدت يمه الغرفه ماجانت ضلمه كلش يعني هيه طافيه بس اكلوب(لمبة) المطبخ جانت مشتغله وهم الحمام جانن الضوء مالهن يضوي على الغرفه ضوه وسط مو خفيف ولا قوي والقوه الضوه الشاشه باوعتله استغفر الله وحجيت
رياحين::-سجاد
سجاد::-هممم
رياحين::-اريدك تكلي شفت هناك اصلاً منو جان على الباب
-اخذله نظره علي وابتسم وكال... سجاد::-ماكو شي
رياحين::-سجاد ابروح الاعزاز كلي شكو
سجاد::-شوفي رياحين انتي كعدتيني اشوف منو بل باب غير رحت اشوف انا عبالي اخوج جاب. ابوج طلعو لو واحد من ولد عمي لو عمامي
أنت تقرأ
نار الجحيم"الاصلية"
Horrorقصه حقيقية الفتاه عراقية حدث معها احداث حزينه ومرعبه ولاكن لم تكن تتوقع مايحدث تابعواا القصه.... •♡
