مــعـجـزة عشــقـي🔥
الحلقه (1)
بقلم مروان فرج
.
.
.
.طبعا الاسماء بس متغيره والباقي كله حقيقي
.
.
السلام عليكم ورحمه الله اسف على التأخير بس زي ماتعرفو كلمنا روايه مُـعذبـي وخدينا راحه شوي واي حد يبي يقرا روايه مُـعذبـي يلقاها كامله يخش علي حسابي الشخصي يلقاها كامله في البوم روايه حلوه وننصحكم تقروها❤️
واليوم جايكم بروايه واقعيه واحداثها كلها من الواقع ان شاءالله تكون حلوه و تعجبكم ❤️
نعرفكم ع نفسي اسمي عائشه عمري 24سنه امي متوفيه
من وانا عمري سنتين كنت صغيره هلباا وخداني خالي من لما توفت امي ورباني معاه وتوا تعرفو القدام ليش خالي خداني معاه🔥
بوي اسمه صلاح زي اي حد لما تموت مرته رح يتزوج قعد فتره متاع شهرين وبعدها تزوج مراه تانيه ويلي هيا سميه يلي عايشه معاها في نفس الحوش ماعنديش خوت من امي وعندي 3 خوت من بوي خوه واحد وزوز خوات طبعا خداني بوي من خالي بعد تزوج وكان عمري 5سنوات عشش ف حوش بابا معا مرت بوي💔
عشت عمري كله زي الخدامه في الحوش وطبعا بوي طبعه عصبي ولاكن عصبيته هادي كله براا الحوش بمجرد مايخش لحوشنا يبدا زيه زي الحيط ماعنداش كلمه في الحوش بكل ومرت بوي سميه هيا الي متحكمه في كل شي وبوي من اول ماتزوجها كان يخاف منها ويسمع في كلامها
ع فكره كان بابا ف بدايه حياه يحبني لانا كنت نشبه ماما ف هلباا حاجات بس من اول مابوي تزوج وسميه هادي قعدت تكره فياا
وحاولت باكثر من طريقه عشان تتلخص مني بس ماقدرتش
ع شان بابا كان خايف يلحوني ف الشارع وتصير مشكله ماعلينا خلوني نعرفكم ع باقي خوتي يلي من بوي 🙂🔥
خواتي الاتنين
ريم عمرها 22 سنه وموده عمرها 19 طبعا خواتي هدم مايحبونيش بكل معا اني نعامل فيهم كويس بس الحقد كان امهم من اول ماجو تعلم فيهم وتقولهم هادي خدامه مش اختكم 💔🥺شوفو الحقد لعند يوصل بالرغم من انا موده لما كانت صغيره كلنا ديما نلعبو معاوبعض وجونا حلو بس مرت بابا سميه بمجرد مانشوف موده تلعب معاي ع طول تجي وتضربها وتقولي معاش تلعبي معاها هادي وياما ضربتني ونا ماليش دنب بكل
خوي يلي من بوي اسمه مراد عمره 16سنه بس مدلعينه اكتر واحد بس كان يعامل معامله عاديه لاني كنت اكبر منه بسنوات وهوا كان صغير فماكانش يرد علياا زي خواتي يلي من بابا💔🥺
طبعا من وانا صغيره انا يلي ديما نضف ونكنس ونغسل مواعين وريم وموده ماعمرهم دارو شي في الحوش حتا الماكله انا يلي ديما نطيب كنت نروح من المدرسه كنت بالرغم من اني كنت صغيره في العمر نقرا في الاعدادي
بس كنت نطيب وكلا هدا كنت ساكته ع خاطر نبي نكمل قرايتي عشان كنت خايفه لو رح نتكلم مرت بابا رح تبطلني من المدرسه كنت متفوقه في قرايتي هلباا وديما نطلع بتقدير ممتاز ❤️
طبعا ف فتره الإعدادي تقدمولي اكتر من واحد بس للاسف مرات بويا كانت ترفض فيهم منغير اي سبب ممكن لانها كانت تبي تبيني نخدمها هياا وبناتها 🔥
تعرفوو كان حلم حياتي اني نطلع من الحوش هدا مليت من الظلم يلي انا كنت عايشه فيه كانت عندي صديقه وحده تقرا معاي في نفس المدرسه اسمها ارجوان بنت كويسه هلبااا وكنت نحبها وديما نحكيلها في كل شي يصير معاي من معاملة بابا لياا ومعامله مرت بوي وخواتي
ارجوان...كانت كل يوم لما نحكيلها ع موقف يصير في خوشنا لين تقعد تشوفيلي وهياا مستغربه😳 كيف انا قاعده عايشه العشيه هادي لانا ارجوان هادي كانت بوها مدلعها هلباا لانا عندها راس بنت وراس ولد اسمه ادم🔥
ادم يكون اكبر من ارجوان عمره 26خريج كليه قانون يخدم ع حاله ومش ناقصه شي يعني كانت حياتهم حلوه ومش ناقصهم شي
ارجوان...كيف قاعده عايشه في الوضع هدا ي عويشه🥺والله قلبي تقطع عليك 💔
انا....الل غالب مانقدر ندير شي هكي يلي صار
ارجوان...تقدري اديري وتفرضي شخصيتك بس انتي نحس فيك طيبه بكل وماتقدريش تردي الكلمه بكل
انا....😅 لانك ماتعرفيش مرت بوي مسمومه هادي بكل وحي لو نرد عليها برد احتمال تقتلني بكل
ارجوان...ياحبيتي ماتخافيش منها بكل انتي جربي روحي اليوم ولو قاتلك ع شي قوليها مش نديره انا تاعبه شوي ونشوفو شن يصير احني
انا....لالا مانقدرش ي ارجوان نخاف منها هلبااا🥺💔
ارجوان....ماتخافيش جربي المره هادي بس
انا....قعدت نفكر ف كلام ارجوان وقولت رح ندير يلي قاتلي عليه ويلي بصير خليه يصير 😅
كملنا الحصص انا وارجوان وكلنا نروحو معا بعض ع رجلينا وطبعا ارجوان حوشهم كان قريب علينا في نفس الشارع
طبعا بوه ارجوان وعليتها حالتهم الماديه كويسه بكل وكان ادم كل يوم بسياره ويمشي ويجي لانا يخدم ف مكان تاني نحكو علي ادم شوي ( ادم عمره26سنه اكبر مني بسنتين متخرج من كليه القانون ويخدم في مجاله يحب اخته ارجوان هلبا وكان مايرفضاش ف طلب بكل ضروري كل ما يروح يجبلها في هديه معاه لانه اخته الوحيد💔🥺
انيق ع روحه وتقيل هلبااا انا كنت نشوف فيه مره مره بس لانا كنت لما نطلع نمشي للمحل مراه نلقي فيه كيف مروح للحوش وهكي ولاكن اغلب وقته ف خدمته )
كملنا حصص وكالعادة روحنا معا بعض انا وارجوان للحوش وكانت ارجوان طول الطريق تحكي وتقولي ديري شخصيه لروحك عشان يخافو منك تحسابني عايشه زي ماعايشه هياا😅🔥زنت ف راسي هلباا لين قوتلها باهي وصلت ارجوان لحوشها وقاتلي راهو غضوا بتقوليلي شن يصير معاك تمام
انا....باهي وكلمت الطريق لعند حوشناا وصلت واستغربت 😳🔥لقيت بابا ف الحوش وكان واضح عليه انا بيطلع
خشيت للحوش وتلاقيت معا مرت بوي ف الباب سميه
سميه....اسمعي ي عائشه توا احني بنطلعو شوي للسوق بناخدو حاجات ونحو مش رح نطلعو ديري لفه ع الحوش وبيش اديري الغدي وطلعت من جنبي
انا...قعدت مستغربه😳 وشوي وطلعت ريم وموده من حنبي وركبو ف السياره ومباش يشوفيلي بكل
انا....مشيت لعند بابا في السياره وقوتها نبي نمشي معاكم كم ليا ماطلعت
صلاح....شاف لسميه وقالها خليها تمشي معناها وفجاه سميه قالت والله لو بتمشي عائشه انا ماني ماشيه بكل ودرت عركه وعياط وقصه😳🔥💔
بابا...خلاص مره تانيه توا نرفعك ي عويشه خليك توا ف الحوش اليوم
سميه...ايوا وراك تنسي يلي قوتلك عليه🙂
انا....مسكت دمعتي ولفيت علي وراي وخشيت للحوش وسكرت الباب وقعدت نبكي بحرقه معقوله هكي يعاملوني💔😞
قعدت ساعه ونا نبكي وغيرت دبشي وقولت والله ماني دايره حاجه فتحت التلفون وقعدت نتفرج وبعدها بساعتين روحوو وخشت مرت بابا وهيا تحارف وتصاريف وكان مش عاجبها المشي عشان تبي تاخد كل شي🔥🙂 وبوي ماعنداش روحت ولقت كل شي مش ممسوم وجت الفصله علبااا
سميه....عائشه ي كلبه وينككككك مش قوتلك انا اغسلي الدبش وديري الغدي ولالا
أنا...اي بس نا مش رح ندير شي
سميه.... وعليش ماتبيش اديري يعني وقرنت حواجبها فيااا لين خفت منها🔥
انا...هكي لاني تعبت
سميه....توا نوريك وحاجبت عصا المكسنه وبدات فيااا ضرب في كل مكان وجت ريم تبدا تضرب فياا وتقولي خيرك ماغلستيش ملابسي قعدوويضربو فياا لين دخنت نا وسيبوني ومشوو
قعدت نتحرك بصعوبه وشوي وجت سميه وقاتلي نوضي اغسلي الدبش والل المدرسه معاش تحلمي نشوفيها بكل
انا...خفت اني معاش نقرا وقعدت نحاول ونساعد ف روحي ونضت بشوي ومشيت للحمام غسلت الدبش وكنت دايخه هلبااا🥺💔طلعت وطحت قدام الباب نضت لقيت روحي راقده ف داري ومباش حد يخش علياا بكل
قعدت لعند اليل وكنت تعبانه شوي ومانبيش نطلع خير مايقولي ديري هديكا الحاجه قعدت لعند الساعه12في اليل وكنت جيعانه هلبااا😅ونبي ناكل لعند معاش سمعت صوت مرت بابا طلعت من داري ومشيت للمطبخ درت نص كليته ونا طالعه كنت نسمع في صوت من حنب دار ريم وكانت تتكلم بالتلفون قربت منها 😳
وسمعتها تحكي معا ولد وكان جوها حلوو هلبا خف خد يشوفيني 🙈🔥رجعت ورقدت ف داري وكنت نبي نعرف من الشخص هدا يلي تحطي معاه ريم لين خداني النوم
تاني يوم الصبح نضت بكري ووتيت روحي وطلعت للمدرسه طبعا ريم وموده كانو يقرو ف مدرسه خاصه لين هكي تبي سميه ونا نقرا ف مدرسه عاديه وبوي كان مايقرش يقول لا بكل مشيت وتلاقيت معا ارجوان وكانت فرحانه وتبي تعرف شن صار معاي وكيف درت
بس اول ماشافتني وشافت وجهي انصدمت بكل ومابتش تسالي لانا علامات الضرب كانو واضحات😳
خشينا للحصص وقعدنا نقىرو وكانت ارجوان تحكيلي وتقولي اليوم دايرين عزومه ف الحوش في اليل ونبيك اتجي شن رايك
انا...عليش شن في ترا
ارجوان.....هههههه خليها مفاجاه المهم ضروري ضروري تجي ولو ماجيتيش رح نكلمك بابا يجيبك من حوشك فاهمه ولالا
انا...مش عارفه مانقدرش مرات مايخلونيش
ارجوان انتي ماعليك انا توا نكلم بابا
انا.... باهي قولي شن في عندكم اليوم بس
ارجوان ...ههههههه رح تعرفي مغير هيا خلونا نروحو وقت عشان بندير كم من حاجه انا باهي هيا
ارجوان...هيا وطلعت
انا...لفيت وجيت بنطلع من باب المدرسه خبطت في شخص رفعت راسي وكانت هنا الصدمه...😳🔥
#يتبع
الروايه رح يكون تنزل ع ايميلي الشخصي مروان فرج حطو متابعه
عطوني رايكم في حلقه اليوم ومزال مابديناش ف احداث الروايه مزال الأحداث القدام🔥
تفاعلو اهم شي عندي التفاعل في البدايه وصلوها 500لايك❤️نزلكم حلقه 2ع طول
#Marwan
أنت تقرأ
معجزة عشقي(منقولة_ليبية)
Romanceـ تحت الحاجب فيه بصيره ،مَ تنظر فِ والي غيره💜😴' ﮼معجزة،عشقي💜😴. بقلم، ﮼مروان،فرج💜😴. متكونة من 20حلقة💜😴. قرءاة نزيكة💜😴.
