كانت رِيوان تتجهز بغرفتها بهدوء اعتراها غريب شعور يلامس قلبها يجبرها تكون بهالهدوء له سلطه عليها ولا لها سلطه عليه اليوم الود وكل الود بنسبه لها مكتبه ابوها وورقه وقلم وهي تدري انه ما يمانع لاكن مهلوك ويتوارى عنهم فيها وهلكته هلكتها قطع سرحانه صوت جُمان تناديها:يهو الي ماخذ عقلك يتهنابه!!
لفت لها ريوان بزعل:صح النوم صح النوم للي مو معبرتني اليوم!
كانت جُمان حرفيا ناسيه الي وراها والي دونها لانها وقت تنشغل بشي ياخذ كل بالها وتنسى الي حولها رفعت حاجبها باستنكار وتنحنحت رِيوان:بسيطه يا ست الحسن والجمال تاريخ اليوم ما يعني لك ؟
فتحت جُمان جوالها تناظر التاريخ وشهقت:يعمريي الي كبرت يعمري
صدت ريوان تطلع لها ملابس وضحكت جُمان:يزينوو الزعلان يناس كل عامم وأنا اختك الي تنشب لك بكل شي وتحب تقولك اليوم بهالمناسبه انها بتلبس بلوفرك
ريوان بضحكة سخريه:جربي يا حبيبة ريوان وعيونها
دخل ليث وهو يدندن وانسدح على سرير ريوان:ما خلصتي؟
هزت رأسها ب لا وتربع وهو يناظرها تتجهز وضرب يد جمان الي مدتها تسحب سماعته:لا يا ماما انتي لا يا البيبي حقنا الي ما يعرف غير يسرق مافي!!!
فطست ريوان ضحك وهي تناظرهم من نبرة ليث الي تغيرت تلقائيا وهو ما يحب احد يشاركه باغراضه ابدا
سمعو صوت امهم تبلغهم بقدوم عمانهم وتنحنح ليث:شوفي لي درب بنزل لا ينلعن خيري
جُمان:طيب ثواني خلهم يدخلون ما بنزل الحين عيب!!
رفع ليث حواجبه بتعجب:عشان ابوي ياخذني رايح جاي صح؟
تنهدت ريوان وقامت تشوف له طريق وابتسم وهو مار وباسها وهو يناظر جمان: حبيبتي ههذي ماهو انتي
جمان بتعجب:أقول توكل بس
ليث:ماهو الحين بس بعدين
فهمته جمان وقمطت وناظرتهم ريوان:بتمشون ولا مشيت!!
طلع ليث وطلعت جمان ورا ريوان ينزلون تحت وابتسمت اول ما لمحت عمتها رِنام: سبحان الله اليوم يا عمه ما تلمحيني!!
لفت لها رنام بابتسامه:عيون عمتك انتي كيف ما المحك!!
همس بضحك:ريوان ترى ترقعها
ابتسمت ريوان بعبط:ادري بها بس شسوي أحبها
لفت نظرها بالمجلس وما شافت امها وتوجهت للمطبخ:امي
انهار: عيوني يا امي
أخذت القهوه والاكواب من يدها:لالا ام ريوان بالمطبخ وريوان موجوده؟؟
ابتسمت انهار وهي ترجع شعر ريوان وراء ظهرها:اجل انتبهي يا امي الحين اجيكم بس اكلم عمتك فاطمه
هزت ريوان رأسها ب طيب ودخلت المجلس ممنونه جدا انه جمان ما لحقتها لأنها تتوتر إذا كانت مع شخص لوحدهم وشافتها مندمجه مع رنام وهمس بسوالف وابتسمت براحه ماهي الا ثوانِ وجت عمتهم فاطمه
وعمتهم شهد زوجه عمهم تيم عمتهم رنا وخالتهم سفانا كان البيت مليان سوالف وضحك وروح مبهجه وما تخلى سوالفهم من مواقف طفولتهم ابدا
ابتسمت ريوان تنسحب من المجلس لانها فاقده خوالها وعمانها وكلمتهم وقالو لها انه الاولاد ببيت الشعر ويا سعدها
دخلت المجلس وابتسمت بخجل من ترحيبهم لها
رعد بابتسامه شرع لها يدينه:حيي بنتي
حضنته وهي فاقدته لدرجه ما يتصورها ورفعت نظرها له وضحك بهمس:لالا ما اتفقنا كذا والله ما اتفقنا!
مسحت دموعها بعشوائيه وتوجهت تسلم عليهم وترحيباتهم وكلامهم لها يجبرها تبتسم غصب وما تخفى عليها نظرات ابوها ابدا استاذنت منهم وطلعت غرفتها
ببيت الشعر
تعالت ضحكات رواد من خرشه جهاد الي ما استوعب:ولدددد
ليث بتعجب وهو داخل:وش ذي الحوسه
تحرك الضب الي كان بجنب جهاد لجهه هتان الي سحبه يطلعه:الله ينظر في حالكم جلطتونا
عدل جهاد جلسته وهو يناظرهم:محد خاف ياخي خلاص!
ليث:اي بغيت تودع ما خفت
ناظر ريان رواد الي يلعب مع جهاد ووجه سؤاله لليث:ابوك نزل كتاب جديد!
هز ليث راسه ب نعم وابتسم:قبل ايام يتكلم فيه عن بداياته وقصته
هز ريان راسه بابتسامه:اول ما قريت العنوان جاء ببالي ابوك طلع كتابه
ليث بابتسامه:عقبالك يا شاعرنا!
ما فارقت الابتسامة ريان وهو يهمس:امين
عند ريوان
كانت جالسه تتامل بالفراغ بكل اجتماع لهم تفقد حس جدتها بشكل مُبالغ فيه وتحس بالحنين لجدها وجدتها ام امها بدون ما تعرفهم حتى كل المعرفه كانت قصص عنهم فقط لا غير لاكن دائما يقول خيالها كيف لو كانو معاهم؟
دقت همس الباب وتنهدت ريوان:ادخل
دخلت همس بهدوء وناظرت ريوان: ازعجتك؟
ريوان بابتسامه:لا يعيوني تعالي
توجهت لها همس وهي تقعد جنبها:فقدناك ولا قعدتي معانا تتغلين يعني ؟؟؟
ضحكت ريوان من نبرة همس وهي كل احاسيسها بنبرات:نتغلى يعني وش علينا تحسون قيمتي شويي
همس بابتسامه:بعيوننا والله
دقت الباب رنا وابتسمت ريوان وهي تقوم وتمد يدها لهمس تقومها معاها:يعيوني يا عمه أنا اجيك مو انتي تجيني
رنا بابتسامه:افا بس تاركتنا واحنا جايين لعينك؟حتى جُمان ضايعه بدونك
ناظرتها ريوان:اشكك جمان تلقى روح وجيلان تنسى منهي ريوان
ناظرتها رنا بابتسامه:اجل منتظرينك
هزت رأسها بطيب وناظرت همس:بتقعدين بغرفتي بترتاحين؟
هزت رأسها ب لا :بنزل معاك
في مكان آخر ومدينه أخرى"سنغافورة"
كان مجيد ينظر الى أوراقه بصمت اكتسى لسانه وعجز عن ملامحه التي تميل للتذمر:ياليلللل أنا وش حادني؟انا وش حادني بس أبي افهم دكتور نفسي يحتاج دكتور نفسي ان لله
كان فاقد حس ناس حوله يفهمونه ويفهمهم وفقد حس عيال انهار الي آخر مره شافهم فيها قبل ثلاث سنوات ويا كثر وحشته لهم سحب جواله يتصل لانهار وسرعان ما وصله صوتها الي سبقه يتطمن لحاله:يروح اختك كيفك؟
مجيد بابتسامه:بخير ناقصيني أنتو ما نويتو الجيه؟
انهار:قريب ان شاء الله الله يجيرك من عصبيه ريوان وليث اليوم وهي تقول ما فقدنا عاجبته بلادهم
مجيد بضحك:يعيوني أقبل العصبيه منهم بس يزينها وبلادهم،هلكت خالهم والله
سمع صوت جمان جنبها ونطق بلهفه:عطيني نتفتكم لا تصيرين انانيه!
ابتسمت انهار وهي تناظر جمان:اصير انانيه وهم عيالي كيف ما اصير؟
ناظرتها جمان وهي تعرف ملامحها ما تتغير بكل هالبشاشه الا مع خالها مجيد وقامت جنبها بسرعه:تكفين ياماما ابيه!!!
مجيد بضحك:ياماما عطيها تكفين
انهارت جمان ضحك من طريقه كلامه الي سمعتها وضحك من ضحكتها:حرام عليك يا انهار بتحرميني من هضحكه الي ترد الروح؟
انهار بابتسامه:ماقدر والله ماقدر
مدت انهار الجوال لجمان الي نطقت بلهفه:خالو ما فقدتناا؟
ابتسم بعبط: يقولون لا
جمان بتعجب:لا تسمع لهم انت وش تقول ؟
مجيد بضحك:فاقدكم يعيونه مين ما يفقدكم؟وين اخوانك واختك؟
ناظرت جمان ريوان الي متربعه تسولف لهم وابتسمت:ريوان مندمجه مع عماتي وبناتهم وليث ورواد ببيت الشعر
مجيد:يوهه يعني وقتي غلط خربت على امك؟
هزت رأسها ب لا:ملامحها قلبت ١٠٠و٨٠درجه اول ما اتصلت ولا كان ما عرفت انه انت
مجيد بابتسامه:يلا يا ماما ما اطول عليك إذا فضيتو اتصلو طيب؟
جمان:نفضى عشانك لو الدنيا كلها اشغال
مجيد:يابابااا يا خالو تبغيني امتر السماء الليلههه؟؟
جمان بضحك:لاا انتبه لنفسك مانبي نجي وانت مهلوك!
مجيد:من عيوني وسلميلي عليكم كلكم!
سكر وتنهد حسهم لوحده يجيب له العافيه رجع يفتح اوراقه ويجهز لتقديم عرضه بكره
أنت تقرأ
منت فاهم ياغلى من مر بعيون..
Actionتابع لروايه:لها حكم لقمان وصورة يوسف الكَتابه:شُتات احمد اكرم عزيزٍ بالعمر ما استذلاّ يسوق عمره للمشاريف سوقي اخترتك من الناس للقلب خله يا حيثك مرادي وكيفي وذوقي ما رحت أدوّر كل زولٍ تحلّى لولاك تسوى ما عطيتك خفوقي..
