قامت انهار تمدد يدينها بعد ما انتهت جمعتهم وناظرت جمان الي انهلكت ونامت بملابسها بصاله وابتسمت:ياماما يا جمان ما بطلتي حركاتك
قعدت جنبها تحاول تصحيها ودخل رواد من المجلس وناظر امه:صباح الخير المفروض قمرنا نام!
انهار:شوف اختك بعدين تعالو كيف قمرنا تنام وانتو مشتتين يا رواد شوي وياذن الفجر
تقدم لها وهو يحمل جمان:ليث مع ابوي قدام بيت الشعر يسولفون وريوان معاهم تعبانه امي بترتاحين؟
هزت رأسها ب لا وابتسم بعبط: يقولون رواف يسال عنك اجل
ابتسمت انهار وهي تناظره طلع جمان غرفتها وغطاها ودخل غرفته وهو مهلوك مايبي شي غير النوم والنوم كل مناه بهالوقت
بِـ"سنغافورة"
طلع مجيد من الشقه وهو يعدل وشاحه وتحرك للمطار يستقبل وليد وهو طاير من الفرحه ما صدق يجي شخص يونسه بوحشه الغربه
ركب سيارته متوجهه للمطار وهو يدندن وكل من جاء من السعوديه له وكل هالمسافه عشانه شغل اغنيه عبدالحليم...
بالمطار
تافافت رولا بنعاس:ابوي 10ساعات جاني تشنج
وليد بضحك:يهون عشان عمك ولا ما يهون؟
رولا بابتسامه:لا يهون
تقدم خالد وهو حامل الشنط:وين امي؟
وليد:الحين تجي
دخل مجيد المطار وتوسعت ابتسامته اول ما شافهم:يالله حيهم
خالد بابتسامه:مو منورين ولا شي؟
مجيد بضحك:لا طبعا سنغافورة منوره من اول ما جيتها أنا
حضن خالد ووليد الي شد عليه:صيد ولا عرجاء؟
مجيد وهو يتنحنح:إذا فيه حل اوسط رضيت فيه
تعالت ضحكاتهم والتفت بعيونه يدور رولا:وينها!
اشر خالد على المقاعد:تتافاف من ظهرها تقول عجوز
ضحك مجيد وتوجه لها:شياطينك هاجده اليوم
ابتسمت رولا وهي تحضنه بضحك:فقدتك
مجيد بابتسامه:واضح جدا
رولا بعبط:يعني أكذب ؟
مجيد بضحك:لا استغفر الله من متى بنت وليد تكذب
طلعت حور وابتسمت وهي تناظرهم:اخذ بنتنا!
وليد بابتسامه:بنت اخته صارت خلاص
خالد:لو انك ي امي ما عطيتي رولا عمتي انهار وقتها الحين اقولها خاله ولا عمه؟
حور:اسالها وقت نرجع وهي تحدد أنا مليش دعوه خالص
تقدم لهم مجيد وهو محاوط اكتاف رولا:هيا؟بفطركم على حسابي هالمره
بيت رعد
دخل هتان غرفه همس بهدوء والتفتت له:صباح الخير
هتان بابتسامه:صباح النور ودك تداومين اليوم؟
هزت رأسها ب لا:مالي خلق ماعلينا شيء
هتان وهو يخلل اصابعه بشعره:خلاص اجل تجين معاي نفطر؟ محد صاحي هالحزه غيرنا
همس بابتسامه:قدام بس ابوي لا يدري
هتان بضحك:لا ماعليك الموضوع عندي ولا يهمك
لبست همس عبايتها وشغل هتان سيارته وتحركو للمطعم ووقف هتان عند مكان بناء وتوسعت ابتسامه همس:هذا مكان ريان؟؟
هتان بابتسامه: مكان اخوك ياروحي
أنت تقرأ
منت فاهم ياغلى من مر بعيون..
Actionتابع لروايه:لها حكم لقمان وصورة يوسف الكَتابه:شُتات احمد اكرم عزيزٍ بالعمر ما استذلاّ يسوق عمره للمشاريف سوقي اخترتك من الناس للقلب خله يا حيثك مرادي وكيفي وذوقي ما رحت أدوّر كل زولٍ تحلّى لولاك تسوى ما عطيتك خفوقي..
