في صباح يوم مشمس جديد تفتح والدتها الستائر لتتسلل خيوط الشمس الذهبيه لعينيها فتفتح لؤلؤتاها ببطء لينعكس ضوء الشمس عليهما ليعطي لونا رائعا ذالك اللون العسلي أو البني الفاتح اللذي قد تعتقد أنه اصفر عند اتحاده مع الضوء وخيال رموشها الكثيف يجعل عينيها لوحة مرسومه
جميله : صباح الخير يا ست الكل
أميره ( والدة جميله ) : صباح النور يا حببتي يالا قومي استحمي كده وجهزي نفسك لاول يوم جامعه وتعالي علشان تفطري معايا تحت
جميله : حاضر يا مامي انا متحمسه اوي للكليه اخيرا
اي ده ثواني انا معرفتكمش عليها اوه سوري الحماس كان واخدني شويه 😁😂
بطلتنا اسمها جميله محمد عبد الكريم الجندي ٢٠ سنه من اسكندريه ( بتعشق البحر )
جميله اسم علي مسمي هي جميله جدا جدا بيضه بياض يسحر العيون سبق ووصفنا عينيها شعرها بني كلون القهوه الفاتحه ثقيل و طويل يصل لاسفل ظهرها ملامحها صغيره ورائعه شفايفها مرسومه ومليانه بشكل مغري مناخرها صغيره وخدودها تفاحيه دائمة الاحمرار أقل ما يقال في وجهها أنها ملكة جمال أما بالنسبة لجسدها فكانت تمتلك جسدا منحوتا بكل معاني الكلمه باختصار كانت آية في الجمال.
دخلت الحمام اخدت شاور وطلعت نشفت شعرها لبست تيشرت نص كم اسود دخلته في بنطلون مش واسع ومش ضيق لونه جملي فاتح سلسله فراشه اللي بتحبها ساعتها الدهب هدية باباها اللي دايما بتلبسها وهيه خارجه وشوز ابيض سرحت شعرها بس سابته مفرود لورا ولأن هيه جميله مش محتاجه اي نوع من مساحيق التجميل حطت روج خفيف وشوية بلاشر اخدت شنطه فيها بعض الاسكتشات واقلام ونزلت لقت مامتها بترص الاكل علي الصفره
جميله : ماما انا همشي اتاخرت في اللبس يادوب الحق
أميره : لا والله ابدا مش هتمشي من غير ما تأكلي حاجه اقعدي كلي بسرعه اي حاجه
قعدت جميله بتضجر اكلت سندوتش ومشيت جري وهيه بتقول لمامتها ادعيلي
مامتها: طيب ابقي اشتري حاجه كليها من بره لو جعتي ربنا يوفقك يا بنتي ويجعلك في كل خطوه سلامه ويحفظك من العين يا جميله
جميله كانت عايشه في البيت ده هيه ومامتها بس مامتها دكتوره ليها اسم كبير جدا في طب الاسنان والد جميله اتوفي من وهيه في اعدادي بسبب حادث غامض هنعرف أحداثه بعدين
ركبت جميله عربيتها الفراري السوده اللي مامتها جابتهالها هديه لما جابت كلية الطب البشري اللي كان نفسها فيها وحققت حلمها ساقت بسرعه ممكن نقول متوسطه وصلت ركنت العربيه برا الكليه نزلت بتمشي بخطواط سريعه لأن المحاضره كانت علي وشك أنها تبدأ وهيه ماشيه بسرعه بتبص في الفون خبطت في كتف شاب كان واقف عطيها ظهره رفعت راسها بسرعه مسكت كتفها لأن الخبطه حقيقي وجعتها حست انها خبطت في جبل لما اديرلها الشخص ده هيه بتلقائيه بصت في عينه كان بينهم مسافه مش كبيره قالتله : انا اسفه جدا انا مشفتش حضرتك جميله كانت بصاله بس مكنتش مركزه ف شكله اصلا كل دماغها مع المحاضره علشان، كانت عايزه تلتزم من اول يوم
الشخص : بيبص ف عين جميله بتمعن لدرجة أنها اعتقدت انو مشافش منها غير عنيها
: حصل خير انتي كويسه ولسه باصص في عينيها
جميله بدأت تخجل نزلت عنيها في الأرض وخدودها بدأت تحمر : ايوه انا كويسه الحمد لله اسفه لمره تانيه سلام ومشيت في ثانيه كانت عنيه متابعاها لحد ما دخلت الكليه
اللي كان واقف مع الشخص ( معلش هنعرف الأشخاص دي كمان شويه😂 ) باين عليها اول سنه يا لهوي يا جدعان في جمال كده البنت مفيهاش غلطه بقلك ايه تلزمني
الشخص بصله بصه فيها كل الردود اللي هو عايزها
صاحبه : خلاص يا عم مش عايز حاجه اشبع بيها بس من امته يا معلم بتبص لحد اصلا اوبا ده انت شكلك وقعت
الشخص : ببرود ولا وقعت ولا حاجه ( يارب سامحني علي الكذب ) البنت عاديه بس ملكش دعوه بيها شكلها محترمه
بدأت المحاضره الأولي دخلت جميله المدرج وهيه فرحانه اوي وقعدت في أول بنش طبعا وسط عيون كتير كانت متبعاها من اول ما دخلت الولاد طبعا كل واحد بيحلم تكون حببته والبنات بغيره وحقد من جمالها ونظرات الولاد ليها ما هيه تعتبر اجمل بنت في الكليه شويه ودخل الدكتور وقال السلام عليكم كله سكت وردو السلام جميله كالعاده قالت وهيه بصه في الموبايل واول ما رفعت عينها تتفاجيء ب.........
كده البارت الاول خلص حاولت مخليهوش طويل جامد محدش يتوقع انو فهم القصه لسه في أحداث ومفاجآت مش متوقعه .
اول مره اكتب ادعموني بكومنتات قولو فيها رأيكو وبقبل الانتقادات .
وتحبو انزل البارت الجاي امته هو جاهز ❤️❤️❤️❤️❤️❤️❤️❤️❤️❤️❤️
أنت تقرأ
صعيدي واسكندرنيه
Romanceحين رؤيتها لاول مره صمت الكون من حولي رحلت المخلوقات وكأنما انا وهي فقط علي وجه الارض يا الله كم أن عيناها ياخذانك إلي عالم آخر حيث الجمال والهدوء والسكينه ما اللذي جاء بكِ هنا مكانك مع الملائكة !!! عندما رأيتها أدركت أنها هي من ستزلزل كياني دون غي...
