الحاج سعد: والله يا باشا ماعرف الناس دولك جم منين كله كان ماشي تمام والرجاله كانو هيربطوها لولا الراجلين اللي جم فاجئه بالعربيه
الطرف الآخر : علشان انت غبي انت مش معاك زفت مسدس مخلصتش عليهم ليه وجبت البت
الحاج سعد: يا باشا انا خفت يكونو حكومه عموما اهي البت وامها جايين الصعيد عن جريب وهناك هجبهالك متكتفه
الطرف الآخر: حماااار اهو ده اللي مستحيل يحصل هناك هتكون وسط أهلها ومحدش هيقدر يبصلها وانت السبب حسابك معايا لما ارجع غووووور
في مكان آخر .......
أميره : يالا يا بنتي اتاخرنا
جميله : حاضر يا ماما جايه اهو شيلي معايا الشنطه
اميره : اي كل ده يا جميله ده هم اسبوعين اللي هنقعدهم
جميله : يادوب يا ماما جبت الأساسيات اركبي انتي هعمل مكالمه واجي وراكي
جميله : الو صباح الخير
احمد : صباح النور مين ؟
جميله : مين ؟! اي يابو حميد انت هتخلف بالوعد ولا ايه انا جميله مش رقمي متسجل عندك ؟!
احمد : الحمد لله أن أنتي رنيتي يا جميله انا خفت لما تلاقيني انا مسالتش متساليش انتي عامله ايه
جميله: وانت مش هتسال ليه يعني هو في اي ياحمد
احمد حكالها اللي حصل بالظبط
جميله : ايه انت بتقول اي هو ازاي يعمل كده وانت ازاي تسمحله دي حريه شخصيه طيب انا لما ارجع هعرف اتصرف في الموضوع ده انا هقفل دلوقتي علشان هنتحرك اهو مع السلامه
ركبو عربيه أميره وتوكلو علي الله وشقو طريهم للصعيد
في مكان آخر ...
زينب : اسمع عاد يا ولدي أختك جايه انهارده هيه وبنتها مش عايزه مشاكل ولا دوشه وقول الكلام ده لإخواتك آني بتي وحشاني مشفتهاش أديلي واحد وعشرين سنه ولا اعرف عنها حاجه هيه غلطانه بس اللي فات مات يا ولدي أني شيعتلها كذا مرسال بعد ما ولاد الحلال دلوني عليها بعد زمن طويل ووافقت بالعافيه لو اتعرضتلها آني اللي هنقفلك سامع
سليمان : ايه اللي عاتقوليه ده ياما ازاي مش عايزاني اكلمها حتي دي جابتلنا العار والله اعلم الناس تكون نست ولا لا وكمان عتجيبيها لغيت هنا برجليها الناس تجول علينا ايه عاد
زينت : يولعو الناس بقالي واحد وعشرين سنين محرومه من بتي تقلي ناس يولعو الناس آني قلتلك يا سليمان والحديث انتهي علي اكده واياك عاد تقابلها بوش خشب اي نسيت عاد نسيت اختك اللي مكنش ليك غيرها كنتو سر بعض اخص عليك
بدأ سليمان يسترجع زكرياته مع أميره وايام ما كان هو في الكليه وكانت هيه لسه في الثانويه وايام ضحكهم ولعبهم وهزارهم ومهما كان اللي عملته هيه بردو اختو
وصلت أميره وجميله الصعيد ووصلوا البيت بعد معاناه من الطريق وبعد ما تاهو شويه لغيت اما سالو علي البيت ووصلو بأعجوبه طبعا كان باقي ثلاث ايام علي الفرح وفي الصعيد بيحتفلو بالثلاث ايام كأنهم يوم الفرح أنوار من قبل البيت بمسافه كبيره وده ساعدهم يوصلو بسرعه وقبل البيت بشويه صغيرين شادر كبيييير جدا فيه مسرح كبير بوسع الشادر لو قاعه مش هتبقي كبيره كده وفي ناس كتير موجوده وطباخ وناس بتوع شاي وعصير
جميله كانت بصه من شباك العربيه ومستغربه جدا من هيئة الناس ولبسهم وطريقة كلامهم وطريقة احتفالهم مكانتش بتشوف الحجات دي غير في الافلام
وطبعا أميره مش بنفس الاستغراب لأنها متربيه هنا وعارفه كل ده كانت بتتظتهر بالقوه إلا أنها كانت خايفه من جواها وأنها جات تاني بعد واحد وعشرين سنه بعد مقاطعة أهلها طول الفتره دي وأنها كانت بتقول مستحيل تيجي هنا تاني
أنت تقرأ
صعيدي واسكندرنيه
Romansحين رؤيتها لاول مره صمت الكون من حولي رحلت المخلوقات وكأنما انا وهي فقط علي وجه الارض يا الله كم أن عيناها ياخذانك إلي عالم آخر حيث الجمال والهدوء والسكينه ما اللذي جاء بكِ هنا مكانك مع الملائكة !!! عندما رأيتها أدركت أنها هي من ستزلزل كياني دون غي...
