عند بيت الجد
تحديداً عند الجده وحفيداتها على سفرة الفطور
في الصاله
الجده : اخخ ياقلبي يا نا ياويل قلبي ذا البنيه اقطعت قلبي والله اني البارح مامسيت
نوره: لبى قلبتس لاتخافين انشاءالله انها طيبه بعد سيف عندها وحولها وبيحطها بعيونه
الجده رفعت يدها وطالعت فوق الجده : يالله سبحانك الي سخر لها ذا الوليد
ام عبدالعزيز: اي والله مايقصر سيف والحمدالله على كل حال
عند مجلس الرجال
الجد وعياله واحفاده يتنقاشون عن حالة نوف
ابو عبدالعزيز : مااقول الا حسبي الله عليك يافهد كانك ضعيت بنتي وهي توها بشبابها
الجد: ليته مادخل حياتنا
ابو سيف : اي والله حسبي الله عليه لكن اليوم احسن من باقي الايام اشوفها ويا سيف
ريان : الحمدالله على كل حال
عبدالعزيز :الضرب الي جاء فهدد امس جاء مابرد قلبي
نايف : والله ولا انا مابرد قلبي
نواف : كان ودي افرم وجهه المثلث ذا
عبدالعزيز : الا سيف وينه فاقده
ابو سيف : مع بنيتي نوف
عبدالعزيز : زين
الجد : زين زين
في بيت ابوسيف
تحديداً في غرفه نوف وسيف
عند نوف وسيف
نوف الي طول الوقت ساكته
وكل مايرتب سيف شعرها ويمشطه تفكه عناد فيه
سيف : شلونتس يابعد الدنيا بخير اليوم
نوف : لايوجد رد بس نظراتت
سيف حاول يهرجها وعشان تتكلم وتتجاوب معه
سيف : ابتسم تذكرين يوم كنا صغار يوم نايف اخوي خذا منتس ارنوبتس الابيض الي كنتي تحبينه وجيتيني تركضين ودموعتس اربع اربع وتبيني افزع لتس واعصب يوم شفت ادميعاتس عاد تعرفين انتي حبي الاولي من ذا الطفوله واقوم واخذ عصا جدي واجلد نايف فيها لين وقعد يبكي وجبت لتس ارنوبتس واخبرتس من يومتس صغيره تحبين الارانب
نوف : لايوجد رد بس تطالع سيف نظرات
سيف الي فقد الامل انها ترد عليه ولكن رفض يستلم ف قرر انه يغير جو لنوف سيف : اي وش رايتس يابعد الدنيا اطلع لتس فستان حلو وازين شعرتس واحط لتس شوي مكياج ونروح لبيت جدي اكيد جده شتاقت لتس
نوف : لايوجد رد
سيف رد على نفسه : اكيد يلا
سيف بدا يطلع لها فستان من ذوقه
أنت تقرأ
عيال عبدالعزيز
Humorالقصه جداً مسليه وممتعه واجواءها حلوه وقديمه والقصه من وحي الخيال لكن فيها واقعيه واتمنى تعجبكم وتستمتعون بقرائتها فيها احداث وشوي من الاكشن والدراما فيها عاطفه وفيها فرح وضحك وحزن و قراءه ممتعه روايتي الثانيه ❤️❤️ لا احلل اخذ كتابتي ✍🏻: ريف...
