عند بيت ابو فهد
تحديداً في المطبخ
عند فهد وام فهد
فهد دخل المطبخ وجهه احمر ومتوتر
ام فهد : ياوليدي وش فيك وش في وجهك كذا وبعدين وش جابك المطبخ وين مريم
فهد بحراج : ها اي تعبانه ماتقدر تعاونتس وانا بعاونتس
ام فهد : افا وش فيها طيب بروح اشوفها اتطمن عليها
فهد راح وراها ويحاول انه مايخليها
تروح لكم ماقدر يمسكها وراح ورها
الا تدخل الغرفه وتتفاجئ ام فهد
بوجود مريم حاطه رجل على رجل وتتمنكر ولا كأنها وحده تعبانه
ام فهد توسعت عيونها بصدمه ام فهد : دامتس بخير ومافيتس شيء ليه ماتقومين تعاونيني
مريم اضحكت بسخريه مريم ووقف : ههه ليه حياتي قالو لتس اشتغل عندتس
فهد بعصبيه : يامرهه بمعنى ( ياحرمه ) امسكي لسانتس احسن وتكلم مع امي عدل ترى زودتيها
مريم : بعدين من قال لك تكلم
فهد : لا رد
ام فهد بصراخ وعطت فهد نظره ولفت على مريم ام فهد : قطع يقطع الله لسانتس شكل امتس ماعلمتس كيف المره بمعنى ( الحرمه) تعاون اهل بيتها وكيف تتعامل مع زوجها وتتحترمه استحي على وجهتس كبر امتس اتكلمين كذا وبتجين معي المطبخ وبتعاونيني غصبن عنتس دام النفس عليتس طيبه لا اوريتس شيء ماشفتيه بحياتس خلصي قدامي ماعاد الا هي
مريم عصبت واطرت تروح المطبخ مع ام فهد قبل لاتروح مرت من جنب فهد وساسرته وضحكت بسخريه مريم : انا اوريك يروح امك ي ولد الماما الي راح يشتكي لأمه واضحكت وراحت
فهد : عطاها نظره غضب
مريم : تجاهلته ولا كأنه موجود
عند المطبخ
مريم وام فهد يصلحون الفطور ويرتبون يجهزونه
عند بيت الجد
عند نوف والبنات يعاونون بعض بالمطبح ونوف تعجن حنا لجدتها وامهاتهم جالسين يهرجون الجده والجده
وجاو الشباب عند الجده وابوسيف وابوعبدالعزيز
كلهم مجتمعيم بالصاله مع الجده والجد واحفادها وعيالهم حريم عيالهم
ام عبدالعزيز : لابسه برقع وجلالها
ام سيف : لابسه برقع وجلالها
أنت تقرأ
عيال عبدالعزيز
Hài hướcالقصه جداً مسليه وممتعه واجواءها حلوه وقديمه والقصه من وحي الخيال لكن فيها واقعيه واتمنى تعجبكم وتستمتعون بقرائتها فيها احداث وشوي من الاكشن والدراما فيها عاطفه وفيها فرح وضحك وحزن و قراءه ممتعه روايتي الثانيه ❤️❤️ لا احلل اخذ كتابتي ✍🏻: ريف...
