عوضي الكبير رغم عمرها الصغير

البارت 3

مساء الخير ...

#عوضي_الكَبير_رُغمَ_عُمرِها_الصغير

٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ

•••• 𝐓𝐞𝐥𝐞 ـ ٭ @i0lllil ••••

i الكاتبة فاطم i

insta : ifll18l للتواصل

•••• 𝐓𝐞𝐥𝐞 ـ ٭ @i0lllil ••••

٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ

رحيم ...

‏هُزمت يا أمي ،
هزمني هذا الشوق
و هذه المسافات
و هذه الأيام الخالية منكِ ،
من صوتكِ ، من مواصلة محبتكِ ،
و عنايتكِ واهتمامكِ ...

٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ

•••• 𝐓𝐞𝐥𝐞 ـ ٭ @i0lllil ••••

٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ

و اعتذرت منها لأن اذيتها بكلام او فعل ... و وعدت نفسي اعوضها عن اللي سويته الها ضليت امسد على شعرها الناعم و احجي وياها و هيه نايمة ....

غفيت يمها ما حسيت بروحي ... گعدت لكيت نفسي بفراش رنده نايم و رنده ماكو فزيت مرعوب كلش ... اباوع يمين باوعت ع اليساره رنده اجت بادرتها بالسؤال ...

ـ وين چنتي .؟؟

ـ هاا مو شوف ... انا كعدت من النوم قبل شويه و كلش جوعانه فرحت للمطبخ اشوف شكو علمود اكل

ـ ليش ما گعدتيني .؟؟

ـ خفت تضوج

من گلتلي هيج حسيت انخمش گلبي يعني لهدرجة اختي تخاف مني حتى طريقة كلامها يدل على الخوف لأن من تحجي ترجف و تحجي بخوف ... تحسرت دنگت راسي و گتلــها ..

ـ تعاي رنده ...

ـ رحيم والله اسفه خاف ضوجتك

ـ لا حبيبتي بس تعاي

اجت و گعدت كدامي مسكت ايدها و گـتــلها...

ـ رنده ...

ـ هاا ..؟؟

ـ انتِ تخافين مني و من اخوانج مو ..؟؟

دنكت راسها و ما حجت شي ...

ـ أرفعي راسج و جاوبيني ..

ـ أي صح

ـ زين ليش ؟؟

رفعت راسها عيونها مليانه دموع و گالت

ـ انتو ترزلوني بدون سبب و تحجون عليّ و فؤاد و انت تضربوني و صرت اخاف منكم و انت گلت ماما ماتت بسببي ...