عوضي الكبير رغم عمرها الصغير

مُقتطف من حياتهُم

مساء الخير ...

#عوضي_الكَبير_رُغمَ_عُمرِها_الصغير

٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ

•••• 𝐓𝐞𝐥𝐞 ـ ٭ @i0lllil ••••

i الكاتبة فاطم i

insta : ifll18l للتواصل

•••• 𝐓𝐞𝐥𝐞 ـ ٭ @i0lllil ••••

٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ

::ـ ما اهتم شوفي اليعجبچ سوي كافي تعبت مو بنيه بلوة

::ـ هيجج صارت موو؟

::ـ اگلچ تروحين منا لو لا؟

::ـ رايحة بس الله كريم يصير خير

طلعت من المكتب مالته صگيت الباب قوي وراي رحت الغرفتي گعدت بالگاع انتچيت ظهري على جربايه و لميت رجليه بحظني دموعي صارت تنزل ما عرفت شسوي

مر وقت هواي و أنهَ ابچي لا اجه سألني ليش ابچي و لا كلف نفسه اجاني اشعار من موبايلي فزيت افتحه تمنيتها هيَ تمنيت بسرعه سحبت الموبايل و عيوني مغوشه من الدموع فتحت الرمز لگيت رسالة

حچيت بگلبي اي والله هيَ والله وعلي هيَ اعرفهاا اول ما دزت الرسالة ما جاوبت گمت قفلت باب غرفتي و گُبل أتصلت بيها اول ما فتحت الخط نزلت صياح بيها بطريقة هستيريه ما صايره و دموعي تنزل

::ـ ليششش هيچ تغيبين ليشش شكو شبيچ أنتِ فهمينيييي مو على اساس صديقتي مو على اساس اختي و تعرفين بيه ثوله و ما اعرف اتصرف و هٰذا متخبل و طردني و كال شسوين سوي و انه طاقتي خلصت و البنات يسألن عليچ بالقناة اطلع الهن اعذار بس منو يطلع عُذري الييييي فهمينييييي يلااا فهمينيييييي أحچي ليششش ساكته يلا لا وعلي اكتل روحي يلا

سكتت اخذ نفس بطني صارت توجعني حامل ما اگدر اضغط علىٰ نفسي بس فقدت انتظرها ترد

::ـ جاووووبي گتلچ جاووووبيييييي

جاوبتني بكُل هدوء

فَاطم ::ـ وعليكُم السلام گلبي الحمدلله بخير أنتِ شلونچ؟

صارت مثل الصاعقة براسي شلون هيچ هااادئة هاي البنيه شلوووون ليششش كُل هالبرود بكل هالمشاكل وين تختفييييي و ترجع شايلة قوة العالم ؏ أچتافها

الف سؤال براسي و الف حچايه بگلبي مسحت دموعي حچيت و انه كازه على سنوني ...

رَنده ::ـ أنتِ وحده مخبلة فاطم خوش مخبله كُلش و ما اعرف شلون هيچ أنتِ گد المسؤوليات دائمًا او يمكن كُلهن ضربة حظ حقدت عليچ و على سُفيان العفو حَسن المُجتبىٰ اقصد