#البارت الاول
#أحببت هولاكو
في منزل بسيط يتكون من ثلاث غرف وصاله ومطبخ وحمام.
نتجه الي غرفة تلك الفتاة التي تنام علي السرير بعمق
يدخل اخوها أدهم: مريم …أنتي يا ضابط الغفلة انتي يابت… قرب من أذنها وقال بصوت عالي مريييييييم سيادة اللواء عايزك.
مريم بخضة ونوم :سيادة اللواء فين ...مين هنا.
كان أدهم واقف مش قادر من كتر الضحك عليها وعلي شكلها.
أدهم بضحك شديد:صباح الخير يا فنانه انتي لسه في البيت قومي يلا عشان تروحي الشغل.
مريم بغيظ وغضب: اعمل فيك ايه يا شيخ منك لله.
أدهم:ولا حاجه قومي يلااا و عالله تنامي تاني يا مريم يلا عشان تعملي الفطار انتي وحنين اما اروح اشوفها هي كمان.
خرج أدهم من عند مريم وراح لحنين خبط محدش رد
فتح الباب وبرق من اللي شافه حنين واقفه قدام المرايا بترقص وحطه السماعه في أذنها و حاطه ماسك القهوة علي وشها و الدولاب مفتوح ونص الهدوم علي السرير و الارض.
أدهم بصدمة: ايه ده البت أتهبلت ...وراح عندها وشال السماعه من ودنها… حنين صرخت لأنها كانت بتغني ومش سامعه حاجه.
حنين بغيظ: مش تخبط ولا تعمل صوت.
ادهم بسخرية: لاء وانتي اللي كنتي سامعه يعني خبط و مردتيش وبعدين ايه ده و شاور علي الاوضة دي اوضه ولا مقلب زبالة في حد بيجيب هدوم كده كل حاجه في ناحيه وايه القرف اللي علي خلقتك ده.
حنين بحنق: ماسك القهوة قرف ده فوائده رهيبة استنا احكيلك.
أدهم بصوت عالي:بااااااس مش عايز اعرف لمي المزبلة دي وتعالي عشان تعملي الفطار مع استاذه مريم عما اعمل كوباية قهوة و أقفلي الاغاني الناس تشغل قرأن مش اغاني علي الصبح ...وخرج.
حنين بصت في أثره بتوتر وقالت في نفسها: ياتري هيعرف ان استخدمت قهوة من بتاعته في الماسك
…و كملت يلااا متغلاش عليا حاجه…وبدأت تعين الهدوم في الدولاب.
دخل أدهم المطبخ يعمل القهوة وكانت مريم داخله تشرب.
ادهم من بين أسنانه: مين اللي فتح كيس القهوة وخد منه.
مريم ببرود: أكيد حنين يعني مش محتاجه…افتكر ادهم لما قالتله ماسك القهوة.
أدهم بصوت عالي الجيران سمعته تقريبا: حنيييييين.
حنين في الأوضه ب تولول و تلطم: ياختاااي ياااختاااي ده عرف هموت النهاردة…وطلعت تجري علي بره لقت أدهم جاي وقفت ورا السفرة.
حنين بسرعه: استنا هفهمك.
أدهم ضحك بسخرية: تفهميني ايه... بقي الكيس القهوة جاي من تركيا تخلصيه علي خلقتك وانا اقول كل يوم والتاني عامله ماسك قهوة منين يا حنين ده انا شرياها...ده أنا هولع فيكي النهاردة.
أنت تقرأ
أحببت هولاكو (تم تعديل السرد)
Ficción General(تم تعديل بعض الاحداث) متي جمعني بك القدر لا أعرف ولكن اعرف انني احببتك كثيراً نوفيلا صغيرة عبارة عن ضحك وكوميديا ورومانسية.
