أوكازيون البهجة

الاقتباس الأول من #نقوش_ملعونة

اقتباس🙈😂😂😂😂💜💜💜💜

_____

«طب إيه نبعت لمستشفى المجانين تيجي تاخدها، أكيد هربانة.»
وافق الأخير مردد بخفوت وصل إليها :
«أكيد، مش شايف لبسها غريب إزاي ومقطع!»
اقتربت من الاثنان صارخة بهم باهتياج وشراسة فزعتهم:
«أنا مش مجنونة، انتو اللي مجانين، أنا أعقل منكم، عشان كدة مش هصدق إني دخلت لوحة راسمها واحد متخلف زي ده.. . أنا دلوقتي بابا هيصحيني وهتختفوا كلكم هتختفوا.»
ابتعدت عنهم متحركة تجاه الرصيف القابع أمام المقهى جالسة أمامه محتضنة جسدها، ودموعها تسيل على وجنتيها.
تنهد الرجل وترك الفرشاة من يده متمتم بصوت عالي:
«خلاص يا رجالة نأجلها لبكرا، تشكروا.»
انصاعوا له وبدأ هو بلملمة أغراضه غافلًا عن مراقبتها له بعيناها الدامية، فما يحدث كأنه واقع.. . لكن كيف!
استجمعت شتاتها ونهضت مجبرة من مكانها، وقفت قبالته من جديد فلم يبالي لها حتى وجدها ترفع يدها المترددة محاولة لمسه لتتأكد من حدسها.
ضيق عيناه ولم يمانع لمستها المترددة التي ما إن فعلتها حتى ابعدتها واضعة يدها على فمها بصدمة ليست بـ هينة.
طرح سؤاله محاولًا الفهم منها:
«هو في إيه؟ أنتِ مين؟ وبتعملي إيه هنا ولابسة كدة ليه!
ثارت من سؤاله وعلقت بصرامة:
«أنتَ اللي بتسأل! المفروض أنا اللي أسأل، أنا جوه اللوحة بتاعتك إزاي؟ أنا إيه اللي جابني هنا؟ إحنا في سنة كام أصلًا.. »
ارتفع حاجبه الأيسر واستنكر ما تتفوه به:
«جوه اللوحة بتاعتي؟ أنتِ مجنونة لوحة إيه اللي أنتِ جواها.. »
أشارت تجاه المعلقة أمامه متمتمة بتيه وحسرة وعدم فهم لما يحدث:
«دي.»
رد ساخرًا عليها وعلى حديثها الذي لا يصدقه أحد:
«لا ده أنتِ مجنونة بقا، وأنا مش فاضيلك بصراحة.»
عاد يلملم أغراضه، مما زاد حنقها وجعل الدماء تفور برأسها متمنية الفتك به، وبدون أن تشعر نظرت لتلك اللوحة والتي تكون سبب فيما يحدث معها، ملتقطة إياها على حين غرة ممزقة إياها بغل وغيظ واضح.
اتسعت عيناه دهشة وصدمة شديدة، فقد مزقت تعبه، تلك اللوحة التي يقوم برسمها منذ أيام عدة، وحينما اقترب من أن ينهيها مزقتها دون تفكير أو رحمة.
صرخ منفعلا من فعلتها الحمقاء:
«يا نهار أسود على دماغك، إيه اللي عملتيه ده؟!»

____________

رواية #نقوش_ملعونة
صالة ١ جناح c8
#معرض_الكتاب