أوكازيون البهجة

الاقتباس الأول

اقتباس من الرواية الورقي😂💜
حسيت إني لازم أعمل زي الناس اللي هناك دي😂💜

_____

-وكده مرمتش ودنك؟!

دافع "سيف" عن نفسه هاتفًا:-
-مكنتوش بتأكلوا ساعتها تفرق أنا اتصنت أه بس لما تخلصوا الأكل لكن وأنتم بتأكلوا ليه مبخافش ربنا، وبعدين الراجل مسح بكرامتك الأسفلت بصراحة وعماله تقوليله أنا بلوجر وكأنك وزيرة الري يعني.

-أنتَ بجح يعني أتصنت عليا ومشيت ورايا، لا وكمان بتتريق عليا وبعدين مش المفروض لما تلاقيني في مشكلة تيجي وتدافع عني مش دي الشهامة مش سايبني مع راجل غريب.

ضيق "سيف" عيناه، فما الذي تقوله تلك المعتوهة؟! حتى هى أنعقد لسانها وشعرت بالحرج الشديد فما الذي تفوهت به، هو أيضًا غريب، ما الفارق بينهما حتى لم تكن تعرف أسمه عرفته فقط منذ دقائق...

تحدث "سيف" في نبرة مرحة لا يدري هل يحاول أن يخفف عنها الحرج أم يفعل ما هو عكس ذلك:-
-عندك حق، حقك عليا يا أم العيال بعد كده اللي هيبصلك بصه يقول على نفسه يا رحمن يا رحيم، هشقهولك اتنين.

-أم العيال ايه أنتَ اتجننت؟!.

قالتها في حرج شديد وقد أحمرت وجنتيها غضبًا وخجلًا فعقب "سيف" على حديثها في عتاب:-
-معقولة عايزة تتهربي مني ومن العيال وبعدين ما تديني واحده قابلني والأشواق فى عنيه سلم، سلم وخد ايدي فى ايديه، وهمس لي قالي الحق عليه، نسيت ساعتها بعدنا ليه، فين دموع عيني اللي ما نامت ليالي، بابتسامه من عيونه نسهالي، أمر عذاب وأحلى عذاب، عذاب الحب عذاب الحب.....

_______

الرواية ورقي فقط💜

اللي مهتم هنزل الاقتباس بتاعتها هنا وهى والرواية الورقي الصادرة عن عام ٢٠٢٢ "نقوش ملعونة"

اللي موجودة في صالة واحد c8

أما أوكازيون البهجة

الرواية موجودة في صالة ٢ جناح a33

هكون متواجدة في المعرض مستنياكم يوم ٢٨ ويوم ٣١ يناير

ويوم ٣ فبراير 💜💜

هكون فرحانة بوجودكم حواليا زي السنة اللي فاتت والروايات الورق يدي بنعيد أمجاد عشق خالي من الدسم  وأعمال لايت🫠😂😂😂😂💜

واللي حابب يعرف تفاصيل أكتر يبعت برايفت

والروايات هتكون متوفرة بعد المعرض وخلال المعرض توصلكم أونلاين وهنزلكم كل التفاصيل

هنا💜💜💜💜💜