🍂✨ وقعت في شباك محجبة ✨🍂 البارت: 30 ✨ كنزة مداتهم ليه: هاك اولدي حشومة دخل بيديك خاويين انا شفت فيها وشديتهم من عندها بدون اي كلمة تقدم عمي احمد ودق وانا من موراهم مهياا الا تانية حتى تفتح الباب. محمد: اهلا مرحبا مرحبا احمد سلم معاه: ترحب بك الجنة عثمان تقدم حدا احمد ومد يدو ايسلم عليه: السلام عليكم محمد مد يدو تاهو صافحو : وعليكم السلام مرحبا بكم بدخلو متبقاوش واقفين فالباب دخلنا كلنا بعد مسلمت عليه حتى انا ووجهنا الاصالون جلسنا وجلس معانا تهو تيعرغو عمي احمد علينا احمد: واهانتا اسي محمد هدا سي عثمان وهدا هو ولدو هيتم وهادي المدام كنزة مرتو محمد: مرحباا مرحباا تشرفت بيكم عثمان: لنا شراف اسي محمد فاطمة دخلات لعندهم: السلام عليكم الكل: وعليكم السلام فاطمة سلمات على كنزة: مرحبا بكم عندنا كنزة: ترحب بك الجنة اختي بقنا تنهدرو تادخلات إمرأة باينة اتكون الزاوجة ديال سي محمد لقات علينا التحية وسلمات على الواليدة وجلسات بعد مرحبات بينا مزيان محمد موجه كلامو لفاطمة: اوا فينهما البنات اجيبو اتاي فاطمة نعتات ليه لباب صلالون لداخلين منو ضحى وأسماء هازين صينيه داياي وطباصل دالحلوى: هاهوما نيت جايين البنات: السلام عليكم الكل: وعليكم السلام من غيري انا لتصدمت اممتيقش هادشي لتنشوف كفاش ضحى ومعاها نفس البنت لسلمو على عمي احمد فالمطعم وعلى مفهمت فديك ساعة بلي هوما خواتات مي اشتيديرو هنا من بعد ملقاو التحية سلمو على الواليدة وحلفات لاطلقات من ضحى لشداتها تعنق وتبوس بقيت غير مبرق عنياا وتنشوف فيها لبدورها مهزاتش فينا عنيها حدها شافت الواليدة وانا متأكد منين غطلع عنيها اتصدم كيف تصدمت حتى انا حيت لفهمت من هدرت الواليد فصباح بلي مزال متعرفو علينا حدهم عمي احمد دوة مع سي محمد أسماء سلمات وجلسات حدة مها: مرحباا بكم عدنا عثمان: مرحبين ابنتي بارك الله افيك ضحى حدها سلمات وجلساتها كنزة حداها اهيا حانية راسها وساكتة محمد بعد كب اتاي مدو ليهم واحد واحد تاوصل الهيتم لي ساهي وصدمة مزال شداه:تفضل اولدي هيتم هاك اتاي انا ضرت شفت فيه بعد مكنت ساهي فيها مديت ايدي وشديت من عندو الكاس بإبتسامة: شكرا فهاد الحظة هزات فياا عنيها جاو عنيها نيشان فنعنيااا بقينا انشفو فبعضياتنا باينة عليها صدمة غير من عنيهاا. _______ضحى_____ تعشات العشية وانا وختي وجدنا كلشي بقا لينا غي نوجدو ريوسناا دخلت البيتي قبل ختي تحممت وهزيت حوايجي لبست كسوة معا كاب ديالها فالاخضر وصبات عالي اسود معا شال اسود وختي حتا هياا بعد ملحقات عليا وتحممات وخرجات لبسات كسيوة هابطة فزرق مع شال ديالها اطالو فنفس لون وجدنا راسنا وجلسنا تنهدرو انا وياها حتى تنسمعو دقان فالباب طلات ختي بان ليها بابا مشا حل الباب سمعاتو تيرحب بيهم عرفاتهم هوما لجاو جات خبراتني لبي وصلو حسيت القشعرييرة فدااتي كرشي حسيت بيها تنفخاات فديك الحظة بقيت نتأفأف حتى دخلات العندنا ماما اوصاتنا نخرجو العندهم انحطو اتاي زدنا الكوزينة هزيت صينيه داياي وأسماء صباسل دالحلاوي دخلنا الصالون بعد ملقينا عليهم التحية وسلمت مع ديك المرة وانا تنقول فايت لياا شايفاها فشي بلاصة مي بكترت تواتور لشدني مقديتش نبقاا تنفكر فين شفتها جلساتني حداها بعد مسلمت معاها عنقاتني مزيااان وباستني فجبهتي حسساتني كأني بنتها كفح ليهم بابا اتاي امدو لينا حتى تنسمعو قال تفضل اولدي هيتم هاك اتاي بسرعة مطاح لياا مسيو هيتم فراسي خصيصا منين سمعتو قاليه شكرا هزيت راسي بسرعه وتلاقاو عنينا لتاني مرة لتقاو كفحال اوال لقاء لنا انا ويااه بقيت تنشوف ليه فعنيه وأنا مصدوومة امقاداش نزيح عنيااا من عنيه لي اصلاا لي فايتلي قلت بلي عينو كفحال المغناطيسي بقيت تنشوف فيه وانا موسعة عمياا صدمة بااينة عليااا وكفاش متبانش فياا ومسيو هيتم لا لا اكيد تنتخيل ماشي حاقيقة نزلت عنياا وهزيت اديا حكيتهم مزيان باش نيت نتأكد بلي متنحلمش وطلع بلي بصاح مسيو هيتم براسو عدنا مي اش جاي ادير عدنا معقول اكون هو لغيطلب ادي الزواج تلفت العند المرة لحدايا لكانت جالسة وتتفرج فينا كفاش مصدومين عاد دابا تفكرت فين شفتها وهيا الام ديال مسيو هيتم فيقني من شرودي صوط أسماء لجات جلسات حدايا أسماء بهمس مصدومة تاهيا: ضحى واش اتتشوفي لشفت أنا هضرت بهمس كفحالها:ممتيقاش اشتنشوف أسماء: صافي سكتي هاهوما تيهدرو عثمان: سي محمد كنضن بلي نتا عارف علاش جينا العندكم.. محمد حرك راسو بالإجاب:اييه عثمان كمل هدرتو: اكيد سي احمد عاود ليك كلشي بلي فشفناها وعجباتنا ودابا اسي محمد جينا طالبين راغبين بيد بنتك لزواج بولدي هيتم محمد: اسي انا معندي منقول الكلمة ليها ادا نعاجبو معندي منقول الا الله اكمل عليهم بالخير احمد: داكشي لكاي اوا اشقلتو اوليداتي القرار دابا بين يديكم عثمان شاف فيهم: تبان لياا نخليوهم بحدهم هو الأوال اهدرو مع بعضياتهم وديقررو محمد: اييه ماقلتي عيب بنتي ضحى انا حانية راسي وجاوبتو بـ:نعام محمد: نوضو ابنتي البيت لاخر وتافقو فيه بيناتكم انا مزنكة تنحس بصهدة طالعة معايا: احم واخا نضت خرجت الصالون صغير لمقابل مع الكوزينة وتبعني تاهو دخلت جلست وجلس هو مقابل معايا وانا شوية ونسخف بقينا مودة ساكتين حتى نطق هيتم حمحن تاهو متوتر بغا اكسر داك سكوت مي ملقا باش ابدا من غير:احم اا..حم كيف عاملة على اخير مرة شتك انا منزلة راسي تنفرك فصباعي: الحمد لله ونتا هيتم: الحمد لله انا شفت فيه اعاوت نزلت راسي حتى عاود نطق :هيتم: ضحى انا اليوم جيت نطلبك الزواج واخا مكنتش عارف بوالو اراكي عارفة بلي فهاد 6 يام سفرت الأمريكا ومنين جيت عاد خبروني وفهاد صباح نيت بلي فالعشية ايخطبو لياا تعصبت حيت مكان والو فخباري وجيت الشاريكة داكشي علاش لقتيني تنكمي باش نهدن أعصابي مي جيتي نتي وحليتي لياا عنياا على شحاال من حاجة وتنحمد ربي حيت حطك فطريقي باش توديني الطريق صح بعد ماكنت ضايع قررت نرجع نتوب وتقدي تقولي بلي انا دابا تايب واي حاجة حرام مبعد منها من ديك دقيقة لنصحتيني فيها افديك دقيقة فين عرفت انكي نتي لكنت تنقلب عليها هاد سنين كلها إنسانة واعيا ومتعلمة كاملة مكمولة تم فين قررتي اني غنجي العندك نطلب منك تكوني سريكت حياتي وكنت عوال فالعشية هاد البنت لغنشوفها انقوليها كلشي حيت ميمكنش نضلمها معايا ونضلم راسي معاها وانا عقلي وقلبي عند وحدة اخرى مي تصدمت فاش شفتك قدامي وفنفس الوقت فرحت حيت محطنيش الله فشي موقيف موحريج فين نشرح لشي وحدة اخرى كفاش مبغيتهاش..والان من هادشي كامل ادا قبلتي تزوجي بياا وتكوني شريكت حيااتي انكون فرحان بزاااف أنا بقيت تنسمع ليه وتنتصدم فكل كلمة قالها هزيت راسي فيه بعد معرفت ولقالي بلي من هاد نهار هو تايب الى الله نطقت بعد تفكير طويل: موافقة هيتم بفراح مكرهش انقز اعنقها ويهزها اضرور ببها ويقول بوط عاالي صاافي ولات ليااا: واخا امكن لينا دابا نخرجو ونخبرهم بهادشي أنا وقفت وإبتسامة خفيفة على وجهي ابوحديتها: واخا تفضل خرج سابق وتبعتو من وراه دخلنا العندهم الكل منا جلس شاد بلاصتو هيتم جلس فبلاصتو تقاد فجلستو عاد هدر: احم كفما عرفتو حنا دوينا اتفقنا بناتنا وحنا موافقين على إثر هاد الكلمة طلقات كنزة تزغيرتة: لولولولولولولوي مبروك اوليداتي الله اكمل عليكم بالخير محمد: مبروك اوليداتي عثمان بإبتسامة واسعة: دابا مبقا لينا الا نحددو موعيد العرس محمد: شاف فضوحى اشبان ليك ابنتي واش بغيتي نديرو ليك العرس أنا حانية راسي وحشمانة: لا بابا غي عشاء عائلي باركة محمد شاف فهيتم لبدورو جاوبو بنفس جواب ضحى عشاء عائلي بعد ضريب لاكط باركة.. داز اسبوع غير فتوجاد مع ختي وماما واليوم نهار ضريب لاكط الخلعة شاداني من صبع رجلي صغير وجت راسي لبست كسوة طويلة بيضاء ومزوقة بوريضات فالبنفسجي وفيها حتا لون الخزيي موالما لهاد اليوم لبست صبات عالي ابيض معا شال ابيض وكلست امام المرءاة تنقاد فشالي وختي مورايا لابسة حتى هياا كسوة حجابية بيطاء طوسبة ولفوقاني ديالها اسود ودارت شال ابيض جات فنة هزات بوشيطها منين سمعنا ماما تتعيط علينا نزلو التحت حيت جااو خرجنا من بيتنا لقينا ماما واقفة حدا الباب فاطمة: سربيو ابنتي راهم التحت تيساينو فيكم أنا: واخا ماما هاحنا مشينا فاطمة شداتها عنقاتها: الله بناتي صافي كبرو اولاو تيخويو علياا دار أسماء من موراها: مزالني هنا اماما انا مغديا فين فاطمة عنقاتها حتى هياا: ربي يوفقكم ابناتي ربي يسعدكم فحياتكم ويحقق ليكم مبتغاكم أنا وأسماء: آمين فاطمة: يللا سيرو ابناتي بلا متعطلو عليهم كتر من هوكاا خرجنا العندهم انا وختي مشادات لقينا هيتم وباباه وبابا وعمي احمد محمد: يللا ابنتي سربيو را تعطلنا أسماء: واخا ابابا هانا محمد: بنتي ضحى طلعي العند هيتم حنا انمشيو مع سي عثمان أنا قرصت أسماء: اويلي كفاش انركب معاه بوحدي أسماء بهمس: وعلاش اشفيها راه من دابا لساعة ايولي راجلك أنا غرقت فحوايجي عمرني حشمت لهاد داراجة معاه تال اليوم ضار هيتم لكان واقف لابس كومبلي فالكحل مع قاميجة بيضاء مخشيا فسروال ضار حل لياا باب لوطو وطلعت والباقيا طلعو مع عمي عثمان ضارت تاهو طلعو دار صمطة عاد ديمارة وحناا غي ساكتين حدو قالي هيتم شاف فيها طلعها اهبطها كانت زوينة والكسوة لي لابسة زادتها جمال:احم كيف عاملة لاباس عليك انا حنياا راسي مقداش نهزو فيه: الحمد لله نتا بخير هيتم صور راسو تيشوف فطريق: الحمد لله بقينا ساكتين تا وصلنا مكتب العدول نزلت ونزل تاهو جا وقف حدايا بقينا تنساينو عمي عثمان ابلاصي لوطو ديالو وينزلو _______هيتم_____ وصلت العندهم انا والواليد وعمي احمد بقينا تنساينو فيهم اخرجو شي 5 دقائق عاد خرجو بقيت ساهي فيها كانت فقمة الجمال كيف ديما الكسوة لي لبسات وتاتها وبيناتها بلي عروسة ضرت حليت ليها الباب ركبات وزت ركبت تانا ديماريت عاد شفت فيها وسولتها واش بخير جوباتني بالحمد لله ونتا جاوبتها بنفس جوابها وبقينا ساكتين حتى وصلنا المكتب دالعدول نزلنا وقفت حداها تنساينو فالواليد ابلاصي لوطو تمو جاين وقفو حدانا بعد مبلاصة لوطو ديالو وزدنا دخلنا الداخل لقيناهم كيساينو فينا حيت ديجا علمناهم بلي جايين دخلنا جلسناا امام العدول لي بدا. العدول: بسم الله نبدااو "شاف فهيتم" هيتم البراقي واش نتا قابل بالانسة ضحى فلاح تكون زوجة ديالك على سونتي الله ورسوله بدون تحت اي ضغوطات من شي واحد أنا شفت فيه ادرت شفت فضحى لطلعات عنيها فيا: موافق العدول ضارت عند ضحى: ضحى فلاح واش نتي قابلة بمسي هيتم البراقي اكون زاوج ديالك على سنة الله ورسوله بدون تحت اي ضغط من شي واحد ضحى سكتات واحد شوية عاد جوبات: موافقة العدول مع أسماء و احمد : واش ننتوما شاهدين على هاد زواج أسماء و احمد: شاهدين العدول مد العقد لهيتم وضحى:تفضلو سنيو هنا سنيت انا لول ومديت ليها ستيلو تاهيا ومضات العدول صافح هيتم: مبروك اصبحتم زاوج وزوجة أنا مديت ادي صافحتو: الله ابارك فيك عثمان فاتح دراعو: مبرووك اولدي أنا عنقتو: الله ابارك فيك الواليد احمد: مبروك عليكم اوليداتي محمد لبدوىو عنق بنتو: مبروك ابنتي ضحى بخجال: الله ابارك فيك أسماء جراتها العندها: مبرووك والف مبروك اختي ضحى عنقاتها: الله ابارك فيك اختي عقبا ليك بعد مضربنا لاطك خرجنا كاملين الواليد وعمي احمد وحت ضحى وباها سبقونا عاد طلعنا انا وياها تال لوطو ركبت صمطة بعد مركباتها تاهيا عاد ضرت العندها اناشديتها من وجها وكحزت بستها فجبهتها: مبرووك عليناا ضحى بخجال غرقات فحوايجها: الله ابارك فيك انا ضحكت على الخجال ديالها ونطقت: انوصلك دابا الدار ونتي خلي ليا كارط ناسيونال متاعك ضحى هزات فيه براسها بتسأل انا شفت فيها عرفتها اتكون تتسأل اشبغيت لاكارط متاعها نطقت وانا مزال تنسوف فيها: كنصن بلي اي متزوجين تيدوزو شهر العسل فشي بلاصة بحال تركيا بحال باريس بحال مدريد مي انا ختاريت اكتار بلاصة اتعجبك ولي هياا مكة المكرمة ضحى شرعات عنيها ممتيقاش: بصاااح أنا شديت فيدها: اه وكلشي واجد نهار جمعة إن شاء الله انمشو ليهاا ضحى بإبتسامة: شكرا اكتار بلاصة ديما متمنيا نزورها أنا شفت فعنيها لباينة منهم الفرحة: معندكش علاش تشكريني امراتي" مع غمزة" 😉 الـــنهاية هادي هيا قصتنا لبغيت نوصل لكم فيها شحال من حاجة ونتمنى تنال اعجابكم ونبغي ارائكم ونتقاداتكم بناتي بغيت نعرف رائي ديالكم فالقصة من البارت لول تال البارت لخر نتلاقاو فقصة اخرى ♥️
أنت تقرأ
وقعت في شباك محجبة🧕🏻مكتملة🧕🏻
Lãng mạn💎مكتملة💎 ❌حصرية على الواتباد❌ 🚨🚨طوووط طوووط جوهراتي تجمعوا عندي هنا🚨🚨 🌙✨ بمناسبة شهر رمضان المبارك جبت ليكم قصة جميلة لأول مرة على منتدى القصص والرويات قصة تكتبات خصيصا لهاد شهر المبارك كتحمل فطياتها كل من الحب الطاهر.. الإخلاص.. الإحترام...
