(في الديره)
كانت حنين واقفه تشوف الرز و حور تقطع البصل و رغد مالها خلق تسوي شيء ف جلست عند الجده
حنين:الا حور
حور:ها
حنين:احنا ان شاء الله ما بقى شيء ونخلص الاختبارات ونروح ثالث صح؟
حور:اي
حنين:طيب شرايك اذا خلصنا من ثاني ندرس برياض لان هنا المدرسه خايسه وضعيفة و ودي اتخرج من ثنويه حلو و ادخل الجامعه
حور:تدرين حتى انا فكرت كذا بس مدري اذا ابوي بيوافق
حنين:انتي كلميه وحاولي فيه
فجاء دخلت وعد
وعد:هايييي
حور:بسم الله
حنين:يوه وعد ما شفناك اليوم
وعد(وهي تاخذ ماي)يوه يابنات راحت علي نومه و امي نسيت تقومني و رحت متاخر
حور:رحت صفك ادور عليك ولا حصلتك مالت بس
وعد:قولي اشوه ما راح علي الاختبار الا جده صاحيه
حنين:اي
وراحت وعد وهي تركض عند جدتها
وعد:هاييييي جده
الجده: هلا والله بوعد وينك اليوم ما شفناك
وعد(وهي تبوس راسها)والله تاخرت بنومه ولا جيت
رغد:والاختبار ما شفناك هناك؟
وعد:تخيلي صليت و رجعت نمت لين٧:٥٤ ولا ابوي يدق الباب وتعرفين ابوي دقه قوي ويقول لي تاخرتي رحت لبست ورحت ويلا يلا دخلوني
رغد:اشوه الا كيف الاختبار
وعد:حلو حلو ،الا جده كيفك
الجده:على حالي الحمدلله
وعد(وهي تطلع من شنطتها حلوى )شوفي وش جبت
الجده:الله يا وعد ودي فيها من اول
وعد:ابشري والله بس نتغدى و اسوي شاي و قهوه ونجلس بالحوش الله
الجده:الله يخليك لنا
وعد(وهي تحضنها)ويخليك
رغد:وانا بعد
ورحت ادخل معهم بالحضن
عند حنين و حور
فجاة بدت حور تصيح لف حنين وهي مستغربه
حنين:وش فيك يا بنت؟
حور:كله من البصل ذا الله يقلعه
حنين:حماره يلا عجلي
بعد ما خلصوا الغداء راحوا يصلون الظهر
دخلت حنين غرفة جدتها بعد الصلاة
حنين:يلا بنات صلوا على ما احط الغداء
طلعوا البنات من الغرفه و حنين قربت من جدتها عشان تحطها بالكراسي و ياكلون باصالة
حنين(وهي تدز الكرسي)يا اني سويت لك مكبوس دجاج يحبه قلبك
حور(وهي تحط السفره )حنين ارسلي احد بيبسي
رغد:خذي ٥٠و جيبي حلويات عشان القهوه
حنين:طيب
اخذت حنين جلالها وطلعت تطل من باب الحوش وحصلت بزر يمشي
حنين:هي
لف لها البزر وعلامات الاستغراب ماله وجها
حنين:ايش اسمك
...:محمد
حنين:اسمع يا محمد خذ هذي ٥٠ رح لبقالة ابو زياد وجيب لنا بيبسي حجم الكبير و الباقي جيب فيه حلويات وخذ لك ١٠
محمد:ابشري
وراح يركض
دخلت حنين وسكرت الباب وراحت تساعد حور وتحط السفره
دخلت رغد المطبخ وهي تقول
رغد:حنين ترا العيال بيجون يبون يجلسون عند الجده
حنين:حياهم الله ،يلا روحي قولي لوعد ترتب المجلس
طلعت رغد و راحت هي و وعد يرتبون المجلس و يبخرونه
بعد خمس دقايق دق باب الحوش وراحت حنين تفتح وكان الولد الصغير
محمد:خذي هاذي اغراضكم
حنين:يعطيك العافية الا انت ولد من؟
محمد(وهو يأشر على بيت نهاية الحاره)ولد ام فارس الي هناك
حنين:اهااا يعطيك العافية
محمد:مع سلامه
وراح ابتسمت حنين على لطافة محمد ودخلت
وجلسوا على السفره وهم يسمون وياكلون
حنين(وهي تاكل الجده) ها شرايك؟؟؟
الجده:تسلم يدك حلو
حور:ترا حتى انا سويت معها
الجده:الله يعطيكم العافية
الكل:امين
وبداوا يأكلون ويسولفون
الجده:الحمدلله شبعت
حنين:بس هاذي اخر لقمه
الجده:والله شبعت
حنين:افا يا جده ترديني؟
الجده:ابد بس
وعد:لا ابد ولاشيء اكلي عشاني
الجده:اخ منكم تمام بس هاذي
واكلت
حنين:بالعافية
قامت حنين وهي تاخذ الجده عند المغسله عشان تغسل
و دق باب الحوش قامت حور واخذت جلالها وطلعت تفتح الباب وكان علي و سلطان و بلال
علي:بعدي عشان ندخل ولد عمي معنا
حور:طيب وراحت تدخل الصالة
دخلوا الشباب المجلس وكان مرتب ومجهز
وراحت حور عند حنين الي في الحمام
حور:الرجال جو
حنين:طيب حطي لهم الغداء وش تنتظرين
حور:يربي
وراحت حنين تودي الجده الغرفه عشان تعطيها الدواء
حنين:يلا قولي بسم الله
شربت الجده الدواء
الجده:خليني هنا شوي ابي اقراء قران
حنين:ابشر انا بروح اساعد حور
طلعت حنين من الغرفه و راحت المطبخ وهي تساعد حور
حور:من يدخله الحين
حنين:انتي؟
حور:سلطان موجود
حنين:اها اجل حطيها عند الباب وبس
طلعت حور وهي تحط الصحن و المشروب ودقت الباب وراحت طلع علي وهو واخذ الاكل ودخل
بلال:من قال لهم نبي غداء
علي:شعرفني المهم اترا آكل حنين ما بتفوت ابد
سلطان:وانت صادق
وسموا
(في الرياض)
كان سعود متكي في المجلس وجالس يلعب بلاستيشن دخل عليه حسين وهو فرحان
حسين:عند لك خبر جميللل
سعود:يلا قل وشو الخبر الجميل
حسين:عطوني اجازة
سعود:يهن شسوي لك
حسين(وهو يجلس)جايك اشاركك فرحي اخر شيء كذا ردت فعلك
افا سعود
سعود(وهو يضحك)فاتك صار اليوم
حسين:وشو
سعود:(قال له سالفه الصباح)
مات حسين من الضحك
حسين (وهو يضحك)يربي تخيلت اشكالهم
سعود(وهو يضحك)لا وبعد تقول ليكون ماتت
وجلسوا يضحكون
عند نرجس
نرجس:يا وخيتي تراها بالغلط يعني مو مقصودة
فرح:يعني بالله عليك من يلعب كورة الصباح؟
نرجس:معليك من ذا ايه انتي جايه بدري اصلا
فرح:خلاص اجزنا
نرجس:بالله عليك!
فرح؛اي ليه كذا مستانسة
نرجس:باقي حسين و ماجد وبعدين بنسافر الديره
فرح:يخي الديره حلوه بس النت مره خايس بالقوة يطلع لك
نرجس:هذا احسن شيء عاد
دخلت عليهم شهد
شهد:بالله وحده منكم تمسك حمده ابي اسبح حماده متعبني
فرح:تعالي يا روح عمتك انتي
جت حمده بهدوء جنب فرح وجلست
شهد:انتبهوا لها
وطلعت
نرجس(وهي تناظر حمده)ياخي ذي ما تشبه اخوها ابد هاديه بشكل غريب
فرح(وهي تحضنها) ما فيها شيء بسم الله عليه بعدي عيونك عنها
نرجس:من زينها
وطلعت
دخلت نرجس المطبخ
نرجس:الله يا الريحه يالله تراني ميته جوع
ام ماجد:بدال ما تساعدين تقعدين تقولين يلا
نرجس:افا ابشري ويت اطلع سناعتي
اخذت شهيق و زفير و وراحت تساعد امها بعد ربع ساعه دخل عليهم ابو ماجد
ابو ماجد:السلام عليكم
نرجس و امها؛وعليكم السلام
ابو ماجد:غريب نرجس هنا وين شهد
ام ماجد:تسبح ولدها مسكينه متعبها
نرجس:شقصدك يبه يعني انا ما اساعد امي
ابو ماجد:لالا كملي بس
وطلع
دخل ابو ماجد المجلس و يشوف العيال يلعبون بلاستيشن
ابو ماجد:السلام عليكم
حسين و سعود؛وعليكم السلام
ابو ماجد:وين ماجد
سعود: ما جاء
حسين:يبه ابشرك انا طلعت الاجازة بس بقى لنا عمر و ماجد
سعود:لا عمر طلع الاجازة
ابو ماجد:وينه ما شفته اليوم
سعود:كان عند اخويا يسون مشروع ونام عندهم وجاء الصباح وهو ميت تعب وراح نام وقال قوموني الساعه١٠
حسين:الساعه١١:٢٠
فز سعود :بسم الله وين نرجس
وراح يركض
دخل على نرجس وهي في المطبخ
سعود:نرجس قومتي عمر؟
نرجس(وهي تشهق وتركض)لاتععععغ
وركضت وراها سعود وراحوا غرفه عمر دخلت نرجس اول وبعده سعود وحصلوا عمر جالس يتعطر
سعود:اشوه قايم
عمر:الحمدلله ماخذ إحتياطات وماني واثق فيك
نرجس:وربي نسيت من خرشة الصباح
عمر(وهو طالع من غرفه)ليه وش صاير
لحقه سعود وهو يقول له السالفة ويطقطق على نرجس
نرجس:اي ذا وقت يا سعود ما غير تضحك علي ما ردك لي
عمر:خبله ذي
ونزل يسلم على امه
وراح المجلس
عمر(وهو يحب راس ابوه) كيفك يبه
ابو ماجد)الحمدلله وراك مختفي اليوم
عمر:والله اشغال الا متى ناوين تسافرون؟انا طلعت الاجازة
حسين :وانا
سعود:وانا
نرجس:الحمدلله انا عندي أجازة و فرح أجزت اليوم
ماجد(وهو يدخل)وانا اخذت الاجازه
ابو ماجد:ماشاءالله اجل نتحرك بكره؟
نرجس:وعععع مسرع يبه
ابو ماجد:مالي خص فيكم جهزوا من الحين وبكره العصر بنتحرك
حسين:تم
دخلت فرح ومعها حمده الي اول ما شافت ابوها راحت عنده ؤهؤ حضنها
فرح: الغداء جاهزه
راحت نرجس وهي تعلم امها انه بيتحركون بكره ويا فرحت امها وهي تعشق الديره
نزلت شهد ومعها حماده وهو مرتب
ودخلت المطبخ
شهد(وهي تدور حماده) شرايكم بوليدي
نرجس:من بعيد نسمي عليه من العين ومن القريب نتعوذ منه
راح حماده وهو ياخذ الحلاوه الموجود فوق الطاولة وهرب
نرجس(وهي تبتسم):الحمدلله مو حقتي حقت سعود
وبداوا يحطون السفره
وكانوا العيال جالسين بصاله ودخل حماده وهو ياكل الحلاوه
ابو ماجد:وش هزين
راح عنده حماده وابو ماجد يسلم عليه
سعود:مو كانه هذي حلاوتي
طالع فيه حماد وطلع لسانه وراح لحضن ابو ماجد
قام سعود ياخذ الحلاوه
ابو ماجد:صار بحضني اشوفك تلمسه
سعود:اوريك بعدين احصلك
دخلت نرجس وهو تحط السفره و بعدها دخلت شهد وهي تحط الغداء وبعدها دخلت فرح وهي معها المشروب وام ماجد معها السطلة وتجمعوا وهو يسمون
(في الديره)
كلوا العيال والحمد لله قدمت لهم حنين شاي و قهوه و دخلت الجده عليهم
سلطان:كيفك حنين ؟
حنين(وهي لابسه جلاله ونقابها) الحمدلله
بلال:محتاجه شيء قولي ما بتقصر معك والله؟
حنين:الله يعطيكم العافية الحمد لله الخير واجد وانا وجدتي بخير ونعمه
علي:يعطيك العافية
وطلعت
جو وهم يسلمون على الجده
بلال:هلا بجدتي كيفك اخبارك؟
الجده ؛الحمدلله الحمدلله
علي (وهو يبوس راسها) يالله كم اشتقت لك
الجده:حتى انا بس انتوا قاطعين
سلطان:والله شغل
علي:كذاب ما غير يفحط وابوي يجلده
سلطان(وهو يضرب راس علي)اص
ضحكت الجده عليهم وبداوا يسولفون
عند البنات
سوت وعد القهوه والشاي و جلسو في الحوش الي وراء البيت
حور:بنات طفش يربي بكره اخر اختبار وافتك الحمدلله
وعد:اي والله اني تعبت
وقفت حنين واخذت الاب حقها
رغد:وين وين ان شاء الله
حنين:بروح فوق السطح ابي نت
وعد:يابنت اعتقي نفسك خلاص مصروفك و يوصلك ليه تتعبين نفسك
حنين:كيفي انا ابي اطلع فلوس وش آلي ضريتك فيه
وراحت فوق
وعد:ما كنت اقصد..
حور:معليك المهم
وكملوا سوالف
عند حنين
راحت فوق السطح وكان هناك فراش بسيط و مظله جلست تحتها وهي تخلص عملها
بعد ربع ساعه
علي:حور
جت حور
حور:وشو
علي:يلا خذي الجده للغرفه تريح
اخذت حور الجده ودخلتها الغرفه وحطتها على الفراش
حور(وهي تبوس راسها)ارتاحي الحين
طفت نور وطلعت
ونزلت حنين من فوق وراحت تشوف جدتها دخلت الغرفه وكانت الجده نايمه راحت حنين عندها بهدوء وهي تبوس راسها وطلعت عند البنات الي كانت على جوالها والي كانت تدرس والي على روايتها
جلست حنين ومعها كتبها
حور:الله جابك تعالي اشرحي لي المسألة هاذي
قربت منها حنين وهي تشرح لها بعد تقريبًا ساعه ونص وهم يذاكرون ودق جوال حنين
لفت حنين وردت
حنين:هلا
...:هلا حنين انا ام صالح انتي قلتي بعد صلاه العصر بتجين بتراجعين لنوره صح
حنين:اي ياهلا بام صالح اي تمام
ام صالح:اجل انتظرك
وسكرت
رغد:شسالفة
حنين(وهي تطالع الساعه) نسيت عندي درس خصوصي لنوره اليوم
وعد:وكم بتاخذين
حنين:الساعه 400وهي طالبه ثلاث ساعات
حور:حلو
حنين:يلا باي استاذنكم بصلي وانتبهوا لجدتي
دخلت حنين الغرفه وهي تتوضى وتسمع صوت الاذن
اخذت السجاد وصلت وبعد ما خلصت مشطت شعرها القصير وربطتها ولبست عبايتها ونقابها واخذت جوالها وطلعت
(في الرياض) بعد الغداء الكل انتشر ماجد اخذ شهد وعياله الخياط يفصل لهم و حسين راح يودي امه سوق الذهب و سعود ابتلش بنرجس و فرح و راحوا المول
فرح:يلا ندخل ذا
ودخلوا محل فساتين
نرجس(وهي تاخذ فستان )فرح شرايك
فرح:حلووو
سعود:لالا قصير
نرجس:شدعوة بس فوق الركبه بشوي
سعود:لالا رجعية
نرجس:افف روح ليههه جاي معنا انت
سعود(وهو يدزها)يلا حركي بس
وبداوا البنات يتقضون
بعد ساعتين كانوا يمشون في المول وهم يدورن على مطعم يجلسون عليه
نرجس:اهههههعع
سعود:وش بلاك يا بنت؟
نرجس:نسيت حنين عطتني فلوس وتبيي غرض
فرح:ليه وش تبي
نرجس:تبي لاب توب حقها بدا يعلق
فرح:اهااا
سعود:ليه تبيه هناك مافيه نت؟
فرح:الا فيه بس فوق السطوح و اماكن بعيده شوي
سعود:اي ادري بس يكون شوي ضعيف
نرجس:معلينا يلا نروح
سعود:آخ حركوا قدامي يلا
و وصلوا المحل واخترات نرجس الاب توب الي تبيه حنين
سعود:هي معطيتك فلوس
نرجس:اي ارسلته مع عمي قبل اسبوعين
سعود(وهو يطلع البطاقة)لا تدفعين من فلوسها خذي من فلوسي
فرح:غريببببب وش بلاك البنت عندها فلوس
سعود(بشك):يخي هي طفله نفسكم يعني من وين لها كل هلفلوس وهي اصلا ترفض تاخذ مصرفها من عندنا بس تاخذ حق جدتي والي هي خمس آلاف بشهر وذا الاب توب اصلا بسبع الف كيف؟؟
نرجس:ياعزتي لك بس خذ حاسب بعدين اشرح لك
اخذ سعود الاب وراح يحاسب وطلعوا من المحل
فرح:اي يلا نجلس في ذا المطعم جلسوا وقطعهم رن جوال سعود
سعود:ها حسين
حسين:قضيتو؟
سعود:اي الحمدلله بس بنتعشى ونجي وانت
حسين:والله عند سوق الذهب امي تسال نرجس تبي طقم ذهب الي ارسلته لك في الواتس واخذت لي فرح طاسة لانها عندها طقم من اول
سعود :انتظر شوي
طلع سعود من الاتصال ودخل الواتس و فتح الصوره
سعود(وهو يلف الجوال) ها تبينه؟
نرجس(بدون لا تطالع)اي حلو
سعود:طالعي شوفي
رفعت نرجس نظراتها
نرجس(وهي تهمس)مابيه بس امي بتهبدني ف خلاص قل له تم
سعود(وهو يرجع السماعه لاذنه)الو
حسين:ها
سعود:اي تبيه
حسين:تمام يلا
سكر سعود الجوال وطالع بنرجس
سعود:يلا قولي لي من وين لها الفلوس
نرجس:ما دامك مهتم بقولك اول شيء البيت ملك لابوها يعني مافيه إيجار ثاني شيء البنت تشتغل
سعود:تشتغل؟
نرجس:اي مثلا تعطي دروس خصوصية و تبيع اكلات و تسوي تقارير للبنات وشاطره مرههه في الهكر وذي الشغلات وايش بعد اي وبعض الاحيان تحني بس مو دايم
سعود:ماشاءالله تسوي ذا كله وهي بعمر ١٦
نرجس:ما بقى شيء وتدخل ١٧ معييي
سعود:نفس يوم ميلادك؟
نرجس:يسسسس
سعود:حمد الله وشكر
فرح:يلا نطلب
جاء العامل وهو ياخذ الطلب وبعد ما طلبوا كملو سوالف
(ملاحظة تم تغيير اسم البطله من حنين الي رنيم)
(في الديره)
طلعت رنيم من بيت نوره وهي تودعها
نوره:يلا مع السلامة نشوفك مره ثانيه
رنيم:أن شاء الله
و راحت وهي تمشي في الحاره حست باحد يسحبها من يدها و يثبتها على الجدار
