"بين ظلماتهم"
"وَ ما فَقدُ الأب إلا بَترٌ فى الروح."
___________________________
قراءه ممتعه...
«2»
الحمدلله بابا طلعوا الجيش وصار هوه وهذا الي نسجن اصدقاء كلش ومرت الايام وبابا قرر يأخذنا لبغداد
رحنا وتونسنا كلش ضلينه بلفندق تقريباً اسبوع وفرينا بغداد واحنه تنفتر مرينا من يم مول "الكراده"
اني صفنت ضليت اباوع للمول ومشينا وختفه
من انظاري
المهم وره كم يوم رجعنا للانبار ورجعنا لحياتنه وكلشي عادي مقضيها لعب
وخلصت سنه "2013"
ودخلنه سنه "2014"
مرت الايام وماما طلعت "حامل" وكلتلهم
ايه:أن شاءالله ماما متجيب بس بنيه
شهر
شهرين
ثلاث اشهر
وبدت الأوضاع تتغير بدت تطلع ناس أشكالهم غير الي جان اسمهم "الدولة الإسلامية"
اول مدخلوا كلها تحبهم تعاملهم حلو وكلشي
"عادي"
2014/1/9
وفعلاً ولدت ماما وجابت بنيه فرحتيي وره مولدت ماما جنه يم بيت جدي أهل ماما اني عندت اله اروح يم ماما وكالوا يلا بوكتها جان عمري 6 سنوات شلت جنطتي الصغيره وحطيت حمرتي "البنفسجيه"ومرايتي ومشطي ورحت للمستشفى وفتت للغرفه الي جانت
بيها ماما وشفت شي صغير وبسرعه رحت اشوف
ايه : هاي اختي تخبللل اني اسميها
جديتي :يا شنو انتي تسمهيها
ايه : مااااااااا اله اني اسميهااا هاي اختيييي هئ هئ
وفعلا اني سميتها
"مايا"
الاسم الي جنت أعشقه جنت ادحك على قناة نون واكو بنيه اسمها مايا واني متتت على الاسم
وسميتها
جانت ضعيفة وره فتره رجعنه لاهل بابا ومايا الي دلعناها "ميوشه " واني بيبي جانت دلعني "توته" واختي عائشه ماكو لقب
وره شهرين اختي الصغيره صارت سمينه مدبدبه واحنه نكزكز واختي عائشه تغارر واني يعني مو كلش
المهم بهاي الشهرين بدت الأوضاع تتغير وداع١١ صاروا يبينون على حقيقتهم البشعه الناس بدت تتهجر من بيوتها وحسب مسمعنه محتلين الموصل كلها
ومن هنا بدت معاناتنه...
صاروا كل يوم يجون ياخذون بابا ويرجعونه عمتي وزوجها وأطفالها طلعوا لبغداد
قبل ميطلع زوج عمتي كال لبابا وكل اهلي كالوله بس
مقبل وضل
إلى أن اجا اليوم الي غير حياتنه كليأ....
"2014/11"
(ما اذكر اي يوم ومكدرت اسئل اهلي)
كاعدين اني وأهلي بالاستقبال ومثل كُل مره لازم
نسمع صوت إنذارات مال سيارات
طلع بابا هوه وجدو والفضول كتلنه وطلعنه وره بابا وجدو حته نعرف شكو وياريت ما طلعنه
شفنه أشكال وجوهم أكثر من القذرة ملتمين يم الباب اني وأهلي جان يكول واحد بيهم
:تفضل ويانه شغلة خمس دقائق ونرجعك
بابا راد يروح يجيب السياره مالته بس كلوله
:تحقيق بسيط ونرجعك تعال ويانه
اخذو بابا وضلينه ننتضر بالكراج وتأخرو هواي وطلعنه برى بالشارع ننتضر
صارت ب11 وبابا ما اجه
فقدنه الامل وفتنه جوه
ضلينه نروح عليهم ونرجع وماكوا اي خبر ...
البيت صار توتر واني مفاهمه اي شي اختي الي عمرها بالله شهرين انحرمت من بابا !!
وعدت اشهر وداعش احتل بعض المحافظات
ومعاملتهم بدت تسئ!!
وصاروا يوم بعد تروح شباب مثل الورد
