نزلت للاسفل لتجد جدها في مجلسه المعتاد
لتهرول إليه ليستقبلها مرحبا بها
عبدالله : اسف يا حبيبتي معرفتش أرحب بيكي باللازم امبارح حقك عليا بس انا وقتي ليكي وبس
حور تقبل يده: يكفي اني عارفة انك فرحان يا جدي ربنا يبارك لنا فيك يا بركتنا
عبدالله : بكاشة قلبي بس الطيبة
لتتعالى ضحكات حور بعدما فهمت مقصده لا احد غيرها نور مفتعلة المشاكل
حور : ممم المهم مش هتقولي عملت اي من غيري والهبابة نور عملت حاجه
عبدالله : كتير يابنتي بس اللي جد بقى أميرة
حور بتساؤل : أميرة ...مالها
عبدالله : هحكيلك
في غرفة اخرى نجد تلك النور تحدث صديقتها ميرا : زي ما بقولك حور جت امبارح من غير ما نعرف مع ابن عمي كمان
ميرا : والله يابت فرحتيني سلميلي عليها
ولا اقولك بفكر اجي
نور: تعالي ياختي ، اه صح عملتي اي في جهازك خلصتي
ميرا: فاضل شوية حاجات تنزلي معايا ؟
نور : ايه المقابل
ميرا بقرف: مادية حقيرة
نور : كله بمجهوده ياختي هههههه
اغلقت معها لتنزل كالعاده بمرحها
مقاطعة حديث الجد وتلك الجالسة معه
: جدوو جدو جدووووووو
عبدالله بفزع : ايه ايه في كارثة يعني
نور ببراءة : جدو ميرا جاية
عبدالله بنرفزة : لو شوفتك ثانية كمان قدامي هنفخك
لتجري نور مسرعة
نظر عبدالله لتلك التي تضحك : عجبك اللي انا فيه دا هتموتني في يوم
حور ضاحكة : اعمل ما بدالك علقها لو عايز
قاطعها دخوله بطلته المشرقة
ليتقدم من جده مقبلا كفه : صباح الخير يا جدي
عبدالله بحب: صباح النور يا حبيبي
ادم ملقي تحيته ايضا على تلك الجالسة : صباح الخير يا دكتورة
حور دون النظر إليه: صباح الخير .. احم جدو هروح المطبخ اشوف الفطار بعد اذنكم
بعدما رحلت
جلس كلا من ادم والجد يتبادلوا الحديث
إلى ان انضم اليهم والده وأعمامه
ثم اجتمع الجميع على مائدة الإفطار في جو هادئ ولطيف
قطع ذلك الهدوء حديث الجد لادم : صح يا آدم عايزك تقنع مازن نعمل الخطوبة هنا في الحديقة احسن حاولت معاه ومرضاش
ادم : حاضر يا جدي انا كده كده رايح المستشفى الوقتي
احمد والده بتساؤل : فيه مشكلة ولا اي
ادم: لا قولت بس طالما انا هنا هنزل اشوف اي الدنيا و .. و عندي حالة جراحة هتولاها بنفسي
والدته ملك: ربنا معاك يا حبيبي ويوفقك يارب
حور لجدها ووالدها : بستأذن منكم ممكن اروح لمي النهاردة محتاجه اكون معاها عشان التجهيزات
نور بسرعة: وانا يا جدو بالله اروح عشان خاطري
عبدالله: انتي بالذات لا
نور ببكاء مصطنع: عاااااا ليه بتعملوا معايا كده هو انا كنت بنت البطة عااااااا
أنت تقرأ
القلب ذاااب في حب حور
Short Story- لا أريد عشقاً كالافلام أو قصة كالروايات أريد أن أرى فيك مسئولية أبي خوف أمي .... حنان اخي سأكون لك كل شىء فكن لي كل شئ .... روايتي .... بقلمي.. 𝓝𝓪𝓭𝓪
