*المانيا
الساعه ٥الصبح كان يمارس رياضه الجري وهو معتاد على ذلك كل صباح
ذهب الي منزله واخد شور سريع وارتدى ملابسه بنطال اسود وقميص اسود ووضع عطره
ذهب الي المستشفى
ادم :صباح الخير
مدير العلاقات العامه في المستشفى (سامر):ادم بيه مبروك اختاروا مستشفى حضرتك لتدريب الطلاب اللي قدموا للبعثه
"طبعا بالالماني بس مترجم"
ادم : تمام كويس اوي ، هما هيجوا امتى
سامر:المفروض كمان اسبوع
ادم :تمام اتفضل شوف شغلك
-----------------------------------------------------------
استيقظت من نومها وهي مبتسمه عندما تذكرت اليوم الماضي .
نور خبطت ودخلت:ايه يا حاجه مش هتجهزي نفسك ولا ايه مفروض هتسافري بعد اسبوع
حور: في حاجه اسمها صباح الخير الاول
نور بضحك:مش في قاموسي يا اختى
حور:طب غوري علشان اخد شور وانزل افطر
نور:طالعه ،يا ساتر
حور اخدت شاور سريع وارتدت ملابسها وهاتفت مي
حور:السلام عليكم مي هانم
مي:وعليكم السلام ،طالما هانم يبقى في حاجه، انا هببت ايه
حور:حضرتك المفروض تجيلي ولا انا هروح لوحدي المول ، انتي عارفه اني بخاف من الاماكن ديه
مي:يا لهوي على الخايف ،بتخافي يا بيضه
حور:بطلي يابت
مي:طب مانتي عندك نور خديها
حور:لا انا عايزاكي انتي وهي
مي:هقول للحاجه فاطمه ، بس مضمنش انها توافق
حور:لا دي فطومه حببتي هتوافق عشاني
مي:ماشي يا واثق ،هروح بقى اقولها واجهز
حور :سلام.
---------
على السفرة ، نزلت حور والقت السلام وقعدت جمب جدها وكملوا فطارهم
خبط الباب وفتحت الخادمه، كان الحارس
الحارس وباين عليه التوتر :عبدالله بيه
عبدالله :خير في حاجه
الحارس:اصل .....اصل
محمد بقلق:انطق فيه ايه
الحارس:احمد بيه عمل حادثه في طريقه للشركه وهو في المستشفى
هب عليهم الخبر كالصاعقه
مصطفى :مستشفي ايه بسرعه
الحارس :مستشفى#..........#
ذهب الجميع الي المستشفى وكلهم قلقانين
كانت ملك منهارة وتبكي بقوة ، راحت لها حور :اهدي هيبقى كويس
ملك بدموع:يارب يارب
***********************
..راح ادم مكتبه وبدأ في عمله
تليفونه رن....كانت والدته
ادم :السلام عليكم يا لوكه
ملك بدموع:ادم بباك عمل حادثه وهو في العمليات
ادم اتصدم:انا جاي النهاردة متخافيش هيبقى كويس
قفل ادم مع والدته ، وهاتف مازن
مازن:ايه يا دومي وحشتك ولا ايه
ادم بجدية:مازن روح حالا عند بابا المستشفى هو عمل حادثه وخلي بالك من ماما،انا جاي في اول طيارة
مازن :طب اهدى وقولي انهي مستشفى
ادم :مش عارف ، روح القصر واسأل
مازن :طيب متقلقش سلام
ادم قفل مع مازن
وحجز اول طيارة لمصر و جهز حاجته وراح المطار بسرعه
خلص اجراءات السفر وحتى اتى وقت الرحله لمصر
بعد خمس ساعات وصل ادم مطار القاهرة
وكان مازن بعتله اسم المستشفى فاتجه باتجاه المستشفى
*********
في المستشفى......
وصل مازن وسال الموظف الاستقبال عنه
وقاله :في اخر الممر الاوضه العمليات رقم ٣
مازن:شكرا
راح لهم
لقى احمد واسماعيل واقفين في الممر والجد عبدالله قاعد وجمبه ملك وفتاه غايه في الجمال والبساطه تهدأها وتصبرها،والباقي واقفين
مازن :السلام عليكم ، خير هو عامل ايه دلوقتي
محمد:كويس الحمدلله بس انت عرفت ازاي؟!
مازن:ادم قالي وانا جيت
ملك وهي بتعيط :ادم قال انه جاى
مازن :ايوه هو لسه مكلمني وقالي انه وصل المطار واديته عنوان المستشفى وجاي على هنا
هدى:يجي بالسلامه
اميره: اوو ادم جاي غريبه الصراحه بعد اللي حصل
مصطفى بغضب:اميرة مش وقته
طلع الدكتور كلهم راحوا عليه
عبدالله :طمنى ابني كويس
الدكتور :الحمدلله كويس الاصابه مكنتش خطيرة بس فيه كسر في رجله و ايده
ملك:طب هو هيخرج امتى
الدكتور:احنا هننقله اوضه عاديه وهيقعد النهاردة في المستشفى لحد ما يتحسن شويه
**************
حور استاذنت ونزلت تجيب مايه من الكافيتيريا وهما راحوا يشوفوا احمد
في نفس الوقت وصل ادم وسال الاستقبال وقالوله على الاوضه اللي احمد فيها
وهو ماشي بسرعه خبط في بنت كانت ماشيه ووقع منها المايه"كانت حور"
ادم :انا اسف جدا
حور باحراج ووشها في الارض:خلاص مفيش حاجه
وراحت تجيب مايه تاني
ادم خبط ودخل :بابا
ملك وهي تحضنه :ادم حبيبي وحشتني اوي يابني
ادم وهو يبادلها الحضن :وانتي اكتر
ادم راح لابوه:سلامتك يا حبيبي
احمد بابتسامه:الله يسلمك
ادم :حاسس بايه بقيت كويس
احمد:بقيت كويس لما شفتك
جه صوت عبدالله الجالس على الكنبه :شكلك نسيت جدك
أنت تقرأ
القلب ذاااب في حب حور
Kısa Hikaye- لا أريد عشقاً كالافلام أو قصة كالروايات أريد أن أرى فيك مسئولية أبي خوف أمي .... حنان اخي سأكون لك كل شىء فكن لي كل شئ .... روايتي .... بقلمي.. 𝓝𝓪𝓭𝓪
