rockstar

01. red haired guy

Цэцэглээгүй мод, дуусаагүй хайр.

Дундраагүй сэтгэл, төсөөлөөгүй төгсгөл.

_ _ _ _ _

Намуухан хөгжмийн аяс эгшиглэсэн дүүрэн хүнтэй энэ хуримын танхим. Үзэсгэлэнтэй цагаан даашинзаар биеэ, нүүр дүүрэн инээмсэглэлээр царайгаа гоёсон сүйт бүсгүй. Тиймээ тэр бол миний эгч. Би түүний жаргалтай инээмсэглэлийг хараад нэг сайхан инээмсэглээд босч агаар амьсгалахаар ухас хийлээ.

Урд минь тааралдах олон хүнийг сөрсөөр явахад яг хэн нэгний халуун цээжийг мөргөх шиг болоод энгэрийг минь даган хүйтэн зүйл урслаа.

Улаан тод өнгийн үстэй дунд зэргийн нуруутай, эрүүн дээрээ мэнгэтэй, цайвар царайтай туранхай байрын залуу байх ажээ. Ямартай ч тэр залуу ямар нэг дуучин байх. Эгчийн маань нөхөр нэг хамтлагийн менежер гэж байсныг санаж байна.

Тэр над руу зөөлөн инээмсэглээд "Уучлаарай санаандгүй зүйл боллоо" гээд бараг л ерэн градус бөхийж уучлал гуйлаа. Үнэхээр өндөр хүмүүжилтэй эелдэг юм шиг санагдсан бас түүний нэрийг мэддэг бол шууд л магтан дуулан сошиалд бичих байсан байх.

Би хариу бөхийгөөд "Зүгээр дээ би бас харсангүй" гэж хэлэхэд тэр санаа зовсон байртай "Та миний хүрмийг нөмөрчихдөө арай муухай болчихлоо" гээд гадуурх хар хүрмээ тайлан надад нөмрүүллээ.

Түүний үс нь нүдийг нь үл ялиг хаах агаад түүний эрүү нь үнэхээр нарийхан жижигхэн нүүртэй цэцэг шиг цэцэг ч хажууд нь ичим харагдана. Би түүнд баярласнаа илэрхийлээд тагт руу гарахаар зүглэв. Гэхдээ түүний хурц хоёр нүд нь хэнбугайн ч анхаарлыг татах байх гэж дотроо бодсоор онгорхой том тагт руу очив. Гадаа цаг агаар тогтуун, жаргах нарны туяа нүдийг минь гялбана. Үдшийн нарыг яг л ахиж харахгүй мэт ширтсээр. Яг л дахиж харахгүй мэт.

Хэн нэгэн "Даарахгүй байна уу?" гэх хүртэл. Эргээд харахад өнөө надад хүрмээ өгдөг улаан үст гайхал зогсож байлаа. Би инээвхийлээд "Даарах ч хаашаа юм жаахан сэрүүн л юм" гэхэд тэр бас даган инээлээ. Нимгэн уруул улам нимгэн болоод цагаан шүд нь ярзайн жижигхэн бамбар шиг харагдах аж.