البارت الثاني
طلع اخوية الجبير طبعاً اخوية طبعة عصبي كلشش ويشك بكلشي واصلا هوة مجان راضي على انو اني ادرس بس امي بلگوة تقنع بي المهم
اول ما شافني كمشني من شعري وطببني للحوش وشمرني بلكاع وامي اتصيح عليه والناس كلهة تباوع علية اباوع على اعمامي وجوهم كلهة شماتة وچان صديق اخوية موجود الي صارلي 5 سنوات ما شايفتة اني چنت مدنگة راسي و ابچي و امي تصيح على اخوي وتحاول تهدي وصديق اخوية الي هو محمد هم يحمي بية من اخوية اعمامي چانو يهدون اب اخوية رغم اني اكرهم بس همة يحبون يسترون ع ابسط الامور ويطمطمون السالفه حتة لو جان الحق الهم اسمع صديق اخوية شلون يحجي ويهدي اب اخوية
سجاد. عوفوني خل اكتل هاي العار واخلص منهة ومن عارهة
محمد . سجاد شبيك اوكف خل تحجي البنية خل نفتهم السالفة
سجاد. لك شتفتهم فهمني اني ادري بيهة راح تجيبلنة العار
الام. ولك سجاد لا تكتلهة الناس شيكولون علينة
سجاد. يمة كلة من وراج كتلج خل ابطلهة يمة خل ابطلهة ما رضيتي هسة احسن هسة ارتاحيتي من جابتلنة العار
هدى. اني بس ابچي واسمع امي دكلة الناس شيكولون علينة يعني ما مهتمة البتهة اذا ماتت لا مهتمة ب الناس وشكالت الناس وشحجت الناس
ضربني سجاد بوكسي على وجهي ودفرني دفرة ابطني احس مصاريني طلعت ومستمر يضرب بية بس محمد وخرة من يمي بعدين دفع محمد وخلة السلاح براسي وگال اتشاهدي على روحج
الام. سجاد عوفهة ولك سجاد اتخبلت
هدى . عمي صاح على اخوية كلة زوجهة اي واحد يجي وفض السالفة
سجاد . عمي ياهو اليزوووووجهة هااا بس كلي يا گوا.. يزوجهة اتشاهدي على روحج خليني اغسل عارج يا عار
هدى. گمت اشهگ واني اتشاهد على روحي فجئا
محمد. انييييي ااااازوجهة
هدى. باوعت على محمد مصدومة وشعري على وجهي والدموع تارسه وجهي لوخشمي ينزف دم وحالتي حالة
سجاد. محمد شجاي تحجي
محمد. شنو شجاي احجي جاي اكلك اني ازوجهة هاي گدام الناس اگول عمي اني اريد بتكم على سنة الله ورسوله واليوم اجيب اهلي يخطبوهة واذا تردون هسة اخذها و اعقد عليهة
هدى. محمد يحجي واني مصدومة چان يحجي بكل ثقة وهوة يباوع على اخوية ونضراتة حادة بعدين باوع علية صارت عيني بعينة نزلت راسي واني منتضرة ردة فعل سجاد اعمامي گالوً اي خل يزوجهة هذا مو صاحبك ؟ خل يزوجها ويستر عليهة
( طبعاً اعمامي ما عدهم ولد بگدي كلهم زغار لو عدهم ولد جان زوجوني وما انطوني للغريب)
باوع سجاد على امي كانما يسئلها امي باوعت عليه كلتلة اي زوجهة احسن من ما تكتلهة وتروح للسجن
وسمعتنة تصير علچ بحلوگ الناس خل ياخذهة لا مهر ولا عرس ولا شي
هدى.اني فرحت من حسيت بسجاد شوية هدأ وصار يفكر ب الموضوع
سجاد. باوعت على محمد فكرت بحچي امي صحيح ليش اكتلهة و اخسرالدنيا و الاخرى وهوة هم صديقي و اخوية
سجاد.محمد اليوم بليل تجون تعقد عليها وتاخذها بدون عرس
محمد. تمام بس سجاد بداعة صداقتنة بداعة امك و ابوك لا تسويلهة شي اني اليوم اجيب اهلي واجيكم هاي امانةً عدكم منا لليل لا تجيسونها العباس عليكم
اعمامي كلولة خلص ما نسويلهة شي بليل جيب ابوك و اعمامك وتعال
هدى. گومتني امي ودخلتني جوة للغرفة ومحمد راح امي جابتلي ماي وقفلت الغرفة علية وراحت اسلوبهة جان بارد كيفت لان ما عصبت علية وضجت لان ما سئلتني وحاجتني مثل ام وبتهة طلعت ملابسي وخليتهم بجنطة طبعاً اني ما البس گلبيات لبسي كلة تراكسود عريض واكيد ما نسيت الموبايل الي بي التسجيل ضميتة بالجنطة بعدين باوعت ب المراية على وجهي شلون صاير وعلى رگبتي بيهة اثار اني بشرتي حنطية وشعري قصير الحد چتفي طولي 157 وباقي ملامحي عادية ناعمة الشي المميز بية عيوني رسمتهن حلوة ورموشي كلش كثيفة وطويلة احس عيوني هنة الي محليات وجهي ضليت افكر انوب متت من الجوع ما ماكلة شي باوعت الساعة ب ٣ الفجر نمت بدون ما احس على روحي گعدت على صوت الباب خفت كلش عبالي سجاد طلعت امي جابتلي اكل وهم اسلوبهة بارد باوعت علية بنضرة حزن وراحت وصلت الباب گالت شوية وتجيچ بت خالتج سارة وراحت قفلت الباب
اني فرحت لان سارة راح تجي لان هية اقرب صديقة الية وكل اسراري يمهةً خلصت اكل صارت الساعة ب٤ العصر تذكرت انو اني راح اتزوج محمد طبعاً اني معجبة بي منزمان من جان عمري ١٤سنة تقريبا وجان بيناتنة نضرات اجت ايام وراحت ايام وانتقلنة لغير منطقة تبعد ساعة تقريباً عن بيتهم وبعد ما شفته بس اخوية بقة يتواصل وياه ودائما اسمع صوتة و اشوف صور هوة و اخوية و استغفر ربي واكول مجرد اعجاب اخوية بقة يروح للمنطقة القديمة لان عندة شغل هناك وهم يمر على محمد همة صداقتهم كلش قوية واهلي يعرفون اهلة من زمان وصار عمري17 سنة سمعت صوت الباب واتملكني الخوف عبالي سجاد بس طلعت سارة اول ما شفتهة بجيت لا ارادياً واجت حضنتني وصرنة نبجي سوه حچيتلهة القصة بس ما گتلهة الولد يشتغل ب المدرسة خاف ادگل ال اهلي وتصير مشكلة
هدى . سارة هسة اني حايرة خاف اسمع التسجيل ال اهلي و اخاف من ردة فعلهم
سارة. هدى تدرين من تسمعين التسجيل الاهلج شراح يسوون
هدى. شراح يسوون؟ ؟
سارة. راح ياخذون التسجيل ويسمعونة اهل الولد وتصير سالفة عشاير وراح يزوجونچ الولد الي اغتص.بچ بعدين انتي مو معجبة ب محمد منزمان وهسة راح تزوجون وصدگيني هوة يحبج مبين من التصرف الي سوا ترة
هدى. منو يگول يحبني انكسرخاطزة علية وراد يزوجني
سارة. يلا يلا عوفي هاي السوالف و تعاي خل اضبطچ قابل ترحين هيج
هدى. شراح تسون باوعت عليهة لگيتهة جايبة ادوات حفافة وعطورات ومنضفات جسم ومكياج وتراكسود ثنين وهاي الشغلات
حفتني ونضفت جسمي بس متت من الوجع گالت يلا گومي اسبحي ولا تخافين سجاد ما موجود كمت للحمام سبحت وشفت الاثار اتذكرت هذيج الليلة و اتهسترت بقيت افرك ب الاثار حيل حتة رگبتي طلع منهة دم من اضافيري وابچي واذب على روحي مي راسي كلش يوجعني من الضربة بقيت هواي بلحمام تقريباً ساعة ونص بعدين صاحت علية سارة
سارة. يلا هدى شنو وين صرتي
هدى. يلا هسة اطلع
طلعت وصارت صلاة المغرب توضيت ورحت للغرفة صليت ولزمت القرآن الكريم وگمت اقرا وابچي گلت يا ربي اريدك تفرجهة اني يتيمة ومالي احد غير اني و اخواني خلي گلبهم يحن علية طبعا ابوية متوفي منزمان من چان عمري ٣اشهر حالتنة المادية يعني زينة مدبرين امورنة واحنة عائلتنة زغيرة اني وامي واخواني ثنين يعني اربع نفرات اجتي سارة
سارة. هدى حضري نفسچ راح يجونج هسة خابرو بالطريق
هدى من سمعت هچ گلبي گام يدگ سريع وخايفة
سارة. باعي هدى صح انتي مريتي بضروف صعبة وراح تزوجين بضروف صعبة بس حاولي تجاوزين وتنسين الي مريتي بي لخاطر نفسج والخاطر محمد هدى ترة محمد شاب يعني هوة المفروض ينخطب ويعيش ايام الخطوبة ويسوي عرس و حنة بين جماعتة حالة حال اي شاب محمد ضحة اب بهاي الامور ضحة اب اجمل الايام الي ممكن يعيشهة وازوجچ حاولي تغيرين شخصيتچ وانسي الي مريتي بي اعرف صعب تنسين بس الخاطر الي نقذچ من الموت ونقذ اخوچ من السجون ونقذ سمعتچ وسمعة اهلج احجي ويا بحنية و بدلال عوضي على هاي الايام الي خسرهة على مودج
هدى. من حچت هيچ سارة كأنما وعتني على الدنيا كلامهة كلة صحيح اني چنت ماخذة الامور عادي بس من حچت على محمد وعلى الي سواه علمودي حبيتة اكثر وحسيت نفسي مديونة لمحمد بهواي شغلات
سارة. يلا گومي جبتلج فستان گومي البسي قبل لا يجون
هدى. مستحيل سارة انتي تدرين زواجي شلون ترديني البس فستان شيگولون عليه بعدين تدرين بية ما احب البس فساتين
سارة . لا حبي ام محمد مخابرة وگايلة الامج ع الاقل خل انلبسها بدلة فستان لان هي عازمة گرايبهم هم عيب شيكولون العروسة هلسة ملسة 😂 وبعدين الفستان بسيط ما مبالغ بي ومن النوع اليلوگلچ اني اعرف شنو يلوگلچ وشنو لا ويلا تعاي اضبط شعرچ مادام بعدهم ما جايين وانتي شعرچ قصير بسرعة اخلصة
هدى. طبعاً سارة تعرف بهاي السوالف لان هنة عدهن صالون ويعرفن الموديلات وشنو يناسب الوجه وكلشي ف لهذا السبب هية جابتلي فستان وكريمات و انطتني وصفات استخدمهن الوجهي خلصت شعري ولبست الفستان و سارة خفت الاثار الي برگبتي ب الميكب هاي صورة الفستان
