محمد. مرت ساعة كلمن راح على غرفته وهدى بغرفة البنات بابا تخبل من سمع التسجيل لان هوة كلش يحب هدى ويحب اخوانهة گال ناخذ حق هدى عشائريا بس گال هذا الشي راجع العشيرة هدى احنة ما نگدر ندخل رحت على غرفة البنات وگلتلهن ينضفن الغرفة ورحت للحمام سبحت طبعًا الحمام صاير ب الطابق الثاني قريب ع غرفتي المهم اخذني گلبي للغرفة الي بيهة هدى دخلت الغرفة لگيتهة نايمة اجيت تمددت يمهة ع الچرباية واني امسد على شعرهة ما ادري ليش دائما احب امسد على شعرهة
. اااخ يبت گلبي شسوو بيچ بس والله الة اخذ حقچ وعيون محمد
حضنتهة بكل قوتي ونمت
زينب. لج حوراء حوراء تعاي شوفي
حوراء. خير شكو
زينب. ولج محمد رايح الغرفتنة ونايم بصف هدى ولو تشوفين شلون شابكهة عزااا
حوراء . يا اختي ليش محسستني هدى بت الجيران ترة همة مزوجين عادي
زينب . لج والله مو قصدي بس منضرهم يخبل😁
حوراء. الحمد لله على نعمة العقل
زينب. عابت 😒
ساعة 7:00م
اخلاص. سوينة العشة سالت على هدى ومحمد گالن البنات فوگ نايمين ب الغرفة رحت للغرفة فتحت الباب لگيت محمد شابك هدى و نايمين
(هسة دگولون ليش احنة وافقنة على زواج هدى من محمد احنة قبل 8 سنوات توفى ابنة الي اسمة علي علي چان يحب بنية ب الجامعة وراد يخطبهة بس اني و ابو حسين ما قبلنة بيهة لان البنية مو من طبقتنة عدهم حرية وتطلع بدون حجاب عادي و اهلهة اغنياء يعني باختصار احنة والبنية ما نتراهم ضل علي يلح على ابو وصارت مشاكل بيناتهم ف مرة علي تعارك وي ابو على مود يزوج منار صارت مشكلة چبيرة بيناتهم علي طلع من البيت بسيارتة عصبي ويسوق سريع ورة ساعة ونص تقريباً اجانة اتصال انو ابنة متعرض الحادث رحنة للمستشفى بس نا استلمنة علي استلمنة جثة ميتة بقة ابو حسين بحالة صدمة ويگول كلة من وراي لو رايح وخاطبهة الة بقة شهرين منعزل وما يحجي وي اي بشر كلش تندمنة لان ما خطبنالة البنية اليحبهة ف من اجة محمد وگال احب هدى واريد ازوجهة ما ردنة نعيد نفس الغلطة وخفنة على محمد) نرجع
اخلاص. محمد محمد گوم يمة تعال تعشة
محمد . ااممم هسة گايم
اخلاص. يلى يمة اكعد وگعد هدى وياك اني نازلة
محمد. راحت امي
محمد . هدى هدى يلى اگعدي
هدى. ها
محمد . شنو ها ولچ اگعدي الساعة ب 7
هدى. گعدت ولفيت نفسي ب البطانية اذكرت الصار
هدى. محمد
محمد . ها
هدى . شراح تسوون
محمد .عليمن
هدى . ااء على مود التسجيل
محمد. راح نگاومة عشائريا
هدى . ياا محمد صدگ تحچي شنو تريدني انفضح
