ودق القلب عشقاً (متوقفة مؤقتاً)

الفصل الخامس

في قصر عائلة الجارحي كانت داليدا تشرف على تحضير طعام الإفطار وتساعدها فرح والدة آدم و زين فحين هبطت نيرة زوجة جاسم الجارحي الابن الرابع لرحيم الجارحي وهي تتذمر من ابنتها وابنة داليدا فهما لا يستقيظان بسهولة

داليدا:_ مالك بتبرطمي كده ليه علي الصبح يا نيرة

نيرة بغيظ:_ بسبب الزفتتين اللي فوق دول الشباب صحيوا وهم لسه نمسيتهم كحلي

فرح بضحك:_ طب اهدي بس يا حبيبتي انتي عارفة انهم بيسهروا مع بعض للصبح

نيرة بغيظ:_ اموت واعرف بيسهروا مع بعض بيهببوا ايه لا وايه اجاي اقول لسيلا انزلي اشتغلي مع باباكي وعمك تقول ايه انا هتجوز و افضل في البيت والتانية اقولها قومي ذاكري كلمتين عشان تشتغلي لما تخلصي تقوم تقول نفس كلام الزفتة التانية

داليدا:_ خلاص يا نيرة طلعتي الفطار لبابا

نيرة:_ اها طلعته وشوفت الشباب بيلبسوا ونازلين كمان شويا

فرح:_ طب والبنات مصحيشوا لسه ولا ايه

نيرة:_ لا جبت مياه ساقعة وكبتها عليهم عشان يصحوا ودلوقتي بيلبسوا وهينزلوا

فرح بضحك:_ يخربيتك يا نيرة مياه ساقعة في الجو ده دول ممكن يتعبوا

نيرة:_ يستهلوا عشان بعد كده لما اقول يصحوا يصحوا من اول مرة مش افضل راحة جاية عليهم

فرح بتساؤل:_طب شوفتي نجلاء صحت ولا لسه

نيرة بصراخ:_لا بقا مش كفاية عليا البلوتين دول كمان عايزني اطلع اصحي الحرباية اللي فوق دي لا كده كتير

داليدا:_ بس بس خلاص ايه انتي ما بتصدقي حد يقولك كلمة عشان تفتحي البلاعة دي

نيرة:_ مهو انتوا بتحلموا اني اطلع اصحي الحرباية دي

فرح:_ يا شيخة ده انتي لسه نازلة من عند ولادها دلوقتي اشمعني بقا

نيرة:_ الحمدلله أنهم مش شبه امهم في حاجة وطلعوا لابوهم الله يرحمه في الشكل والطبع كمان

داليدا:_ طب بس خلاص عشان زمانها نازلة مش عايزين مشاكل علي الصبح ويلا عشان الاكل جهز خلاص

وعلي طاولة الطعام جلسوا جميعا يتناولون الطعام وجلس مراد في الجانب الأيمن من الطاولة وبقي المقعد الذي علي رأس الطاولة فارغ دلالة علي أنه يخص رحيم الجارحي

نيرة بتساؤل:_ هو جاسم هيرجع أمتي يا مراد

مراد:_ كمان يومين وهيرجع يا نيرة متاخفيش هو هيخلص الصفقة وينزل علي طول

نيرة:_ بس هو المره دي اتاخر اوي عن كل مرة انا كلمته امبارح وصوته كان تعبان

مراد:_ مفيش حاجه متقلقيش هو الصفقة دي كانت محتاجه شغل جامد عشان كده تعب بس لما يرجع أن شاء الله هياخد إجازة يومين وأكمل وهو ينظر للشباب مهو للاسف مفيش غير عمر وعبد الرحمن اللي بيديروا معانا المقر هنا