وأجا موعد خطوبتي صحيت من الصبح سبحت وجهزت نفسي واجت عليه عيون ورحنا للصالون
حف ومكياج وتسريحه وكعده من الصبح بحيث انسطلت بس هل مره اكو شعور ثاني غريب انا ك عبير ما اعرف شنو هل شعور
جان فستاني كلش بسيط لون بيچي حجزته بيومها من الانستا(عود انزل صورته😂) جنت طالعه حلوه وره مخلصنا ورحنا للبيت دخلت على الهلال ولاغاني جانت اغنيه اسراء الاصيل ستوها نازله مال عروسه..
وراي بربع ساعه دخلت ام محمد وياها جنتها سبحان الله اول مدخلت قشعر بدني منها بس امه صح جبيره ولكن ممبين عليها يعني لبسها ومكياجها جدآ حلو ومرتب ومبينا انسانه محترمه اجت باستني وكلتلي عين البارده عليج يازين مختار ابني
باستني وكعدت بصفي اجتي وراها جنتها مرت حماي من بعيد سلمت بشمئزاز صراحه قهرتني كللش😞
فعاد شاورتني ام محمد وكلتلي ما عليج منها هذا طبعها ابتسمتلها كتلها لا عادي بعدين صاحونا على العقد حطولي كرسي وره الباب ولبسوني مال العقد وصار يسألني وكتله موفقه وعليت صوت الهلاهل طلع السيد وطببوني للغرف حتى نطلع سويه
توترت من شفته بس هوه جان طالع بيرفكت من شافني ابتسم ومد ايده ترددت بس لزمتها ورحنا كعدنا والي يركص والي ايغني والي ياكل والي يسولف بحيث تعبت كللش وعيون كل ساع بكان خطيه هيه كامت بلحفله وامي فرحانه هم صارن هيه وام محمد صديقات طول الحفله وهنا ويه بعض للسبعه تقريبآ وانتهت الحفله وصار كل واحد يروح لبيته بعدين فضولنا المكان حتى نكعد انسولف عشتوو
من شفت الكل راح اول سؤال خطر على بالي ليش حسين سوه هيج
من سألته
محمد توقعت هل سؤال وراح اجوبج عليي حسين من شافج رزنه وما تحجين ويه احد حط عينه عليج وكال هاي هيه الي راح اتخليني اوصل للسياره الي اريدها وبيومها تراهن عليج هوه وصدقاءه
بس اني سحبت نفسي منهم وحاولت انصحه وفاد وبيوم جنا اني ويا واكفين اشرلي عليج كلي انو انتي الي تراهن عليج اني حولت اوكفه وما اخلي يسوي هيج ويتراهن الي بتراهن ع وحده يا امه يسويلها شي او يعشمها بحبه ويعوفها
حجيت وحجيت وفاد طبب ع جتفي بيومها وراحلج مطول شوي ورجع كال اجيبج يعني اجيب وضل كل يوم بمحاوله جديده الى ان صرتو اصدقاء وبهل فتره كل يوم اجي وانصحج وانتي اطرديني عبالج اريد اصادقج لو شي وانتي الله يسلمج رحتي تركضين تكليله ومن يومها اني ويا تخاربنه لان اجه هد عليه لان خاف اخرب عليه خطته وسياره بس بقيت اراقبكم من بعيد لحد متركج بيوم العرس
عبير طيب واهله الي جان وياهم
وداليا اخته شنو ذولي
ابتسم ابتسامه بمكر وكال
داليا هاي وحده صديقتهم من غير قسم ولاهل ذولي جوارينهم ناس فقره وبلكوه مدبرين الكمه وكلشي يسوون حتى يسدو جوعهم وعيشتهم
والبيت الي جان موهمج بي هذا مو...
كملت على كلامه وكتله جان بيت ياجرو الناس يوم يومين شهر شهرين صح
محمد بلظبط
واما اني عن نفسي جنت معجب بيج وبثقتج وبخلاقج بس مجانت عندي القدره الي اجي واحجي وياج ما عندي المؤهلات ولمن صار كلشي عندي ونرزقنا جيت اخطبج جان هوه سابقني وخاطبج وهذه كلل الموضوع وهسه انتي صرتي ملكي وحدي ومستحييل اخلي احد يمسج صرتي نصفي الثاني واوعدج وعد شرف ان اني راح اكون كلشي بتتمني بحياتج
ابتسمت واني احس الفرحه تتسلل لقلبي كلي اني استأذن قبل ليطلع كلي ممكن تلفونج كتله ليش كلي بس شويه اريده كتله لحضه رحت للغرفه جبته واني افكر شيريد بي
انطيته اياه كلي الباسوورد شكد كتله مواليدي عاد كتبها ضليت صافنه منين يعرف مواليدي كلي لتستغربين شبيج ميرادلها شي شوي ونطاني اياه كلي كتبت رقمي ودكيت علي حتى ينحفظ كتله اي عادي سلم عليه وطلع اجتي عيون تركض ها شحجيتو
سولفيلي صار ساعه ذاني عند الباب ارد اسمع شي ماكو ضرتبتها بجتفها كتلها ياداخل بين القشره وبصلتها ما ينوبك بس ريحتها وركضت وهيه تسب عليه اي ام السان طلع السانج هسه 😂😂😂
دخلت الغرفتي سبحت وبدلت حطيت راسي ونمت نومه عمييقه لثاني يوم الساعه 12
الصبح فتحت عيني بساع لزمت الجهاز لكيت خمس مكالمات وثلاث مسجات من محمد ضحكت رحت غسلت وجهي وطلعت نعمت صوتي وخابرته بساع رد كلي
من البارحه وادك اخير شي خابرت اختج وكلتلي انج نايمه
كتله اي والله من التعب كلي نوم العوافي يارب كتلله شكرآ
كلي جهزي نفسج بل 6
اجي عليح نطلع عازمج على العشه
كتله انشاالله استأذنت منه ونهيت الاتصال
نزلت جوه جانت عيون مروحه من الصبح
دخلت على المطبخ سويت ريوك وصحيت امي
حتى تتريك ويايه
كام ابويه كلي اي واني شنو اهنا متصحيني وياها شكو قابل عدوج
كتله عفيه جاوبت نفسك بنفسك
هز ايده ورجع نام
رحت للمطبخ وامي اجتي ورايا بشويه
كعدنا نتريك واحنا انسولف على الحفله وتكلي على ام محمد انها كللش حبابه بس جنتها معجبتها
كتله اني مالي دخل بيهم علي ببنفسي وبمحمد
كلتلي عفيه وصارت تنصحني كم نصيحه
خلصنا ريوك وغسلت لمواعين ونظفت البيت وامي جانت تركب بلغده
خلصنا فتت سبحت ومشططت شعري ونزلت اتغده وكلت لامي اني راح اطلع ويه محمد محجت شي
