كل ساع ايعيدها خابر على ابنه وكللها هسه تجي للبيت بسرعه وما جذب خبر اقل عشر دقايق واجه ابو عرفه علينا وصار يفهمه على الي حجينا ومحمد كام هم يحجي وياه هوه هم انصدم وكام يم اخته حضنها وكللها لا تنزلين ادموعج ع واحد ميسوه بهل لحضه شكد تمنيت لو اني مكانها شكد تمنيت عندي لو ابويه مميت او على الاقل اخ يساندني هيج نزلت دموعي رفعت عيني اجت بعين محمد هوه مثل الي فهمني هزلي براسه ان اهدي اني كلشي بحياتج مدري ليش هيج حسيت نضرته تحجي وتكول
حيدر كال الابوه بويه هذا حرام انعوفه هيج بدون من ربيي اكيد راح ينصب على غير بنات والبنات عرض يابويه شنسوي
صفن اشويه ابو حيدر بعدين كال لبنته رقيه
ابو حيدر رقيه اتصلي علي وكوليله اريده بموضوع عشان فتره الخطوبه احجي ويا زين لا تحسسي بشي
كامت رقيه جابت تلفون واتصلت بي وكلتله لازم يجي للبيت
اني كلت لمحمد ان اروح للبيت
عاد كمانه عشان نرجع للبيت بس ابو حيدر مقبل وكال تبقون عمود ليجذب ويشوفكم موجودين اهنا
اضطرينا نبقى عندهم لحد مأجه راح حيدر فتح الباب ودخله
جنت فد مقهوره عليها وعليه وعلى الوضع الي احنا بي
دخل هوه سلم ومن شافنه ضل صافن حيدر انطه دفره وكع على وجهه صرخت اني ورقيه بصوت واحد حيدر هد عليه بوكسات ومحمد يفاكك بيهم وماكو فايده
اني ورقيه لازكات بعض ونبجي اخر شي عاط ابو حيدر بأبنه حتى يبعده
عن حسين راح ابو حيدر لزم حسين قميصه وكله اني اعرف الرجال يستر عرض الناس قبل ميستر عرضه
وانت تريد تضحك على بنتي اشر علي وكله وفوك هذا اتجذب وتشهر بعرض الناس جذب كال لحيدر هذا تاخذه تخلي بلمخزن لا اكل ولا شرب لحد ميجون عشيرته سحله حيدر وداه للمخزن واحنه سلمنه عليهم وطلعنه بعد ما عرفنه ان راح يسوونها عشائريآٓ
ركب بلسياره يمكن هذي الحضه الي حسيت ااني انتصرت على اكبر هم جان بحياتي اجذب اذا اكول متشمتت بي بلعكس الماضي انعاد بس مو ضدي لا انعاد وصار بصالحي المخزن الي عشت بي اسابيع هسه حسين راح يكعدبي افكر مع نفسي وابتسم لا اراديآ
محمد اعتقد كلبج برد هسه
عبير فوك ما تتصور كللشي انعاد بس كلووو بصالحي المخزن الي عشت ابي الضرب الي انضربته كلله صار من نصيب حسين
محمد لزم ايدي وباسها ربج ميضيع حقك احد
وصلت للبيت مقبل يدخل وصلني وراح او مدخلت استلمتني امي رزايل غسلتني غسل هيه ترزل واني مبتسمه
صحيت ع روحي بلنعال الطاير على راسي 😂
يا ماما اهدي بس اكلج شصار بلكوه سكتتها وكعد اسولفلها على كوول الي صااررر كلتلي حيل بي يطبه مرض عسا بزايد ياربي
عدت الايام بين الفرحه و الراحه
