ذنب لم يكن ذنبي (تكملة)

الحلقة العاشرة

‏ألا ليْتَ الذي أهوى يراني
‏ويعلمُ أنّ حبّي قدْ بلاني
‏ويَسمعُ منْ كلام الشّعر بيتاً
‏لأخبرهُ حبيبي كمْ سباني
‏وأخبرهُ بأنّي ذبتُ عشقاً
‏وشوقي في عذاباتي رماني !

فجاه حسيت سحبه قوية وكعتني ليورة ردت اوكع بالكاع لزمني اول مفتحت عيوني اجاني راشدي قوي حيييل

الغياث:-شدتسوييين انتي مخبلة سدرة!!!!

ماحسيت بالراشدي صح قوي بقيت خاوية بين ايديه والدموع تنزل ومااتحكم بشهكاتي حجيت واني اشهك:-ليش سحبتني عوفوني ليششششش تعبتتتتت واللله تعبببتتتتتت

هزيتها واني لازمها:-وبعملتج هاي راح ترتاحين؟؟انتحار هذااااا

دفعته:-اموت  ولااعيش هل عيشه وبين ناس قذرة هو بالاول والاخير اني غاضبة رب العالمين

فركت وجهي بحيرة:-تمام اهدي كافي ماهر غلط وياج واني اعتذر وانتي مالج دخل

صرخت بوجه:-اصلا انته وماهر نفس القذارة

وسعت عيوني:-هااا؟فوك هذا ؟رحمة الله والديج

:-اي لاتسوي روحك نبي كلكم نفس الشئ
درت وجهي امشي عبالي راح يكلي اوكفي أصلا محجه اخذ سيارته وراح
مسحت دموعي وضليت امشي واتلفت شلون اجيت بهل طريق

وتهت ماعرف شلون ارجع حسيت روحي بصحراء اني مااخاف من الضلمه بس جانت ضلمة كلششش ماعرف منين افوت
فتحت فلاش جهازي امشي واضوي.... سمعت صوت جلاب قريب مني فزيت وكمت اتلفت
بسرعه اتصلت على غياث من الخوف ماعرف اني وين من جاوب حجيت بسرعه .....:- حباب تعال ضعت

:- والله محد كلج هبدي بالچول وحدج

:-والله محد جابني للچول غيرك!... صار صوت الجلاب قريب كلش عطت بخوف

:-جاي

:-لا لا لاتسدة....ضل ساكت واني فاتحه سبيكر وواكفه ارجف من البرد والخوف اول مرة اخاف جنت افتر منطقتي وهيه اخطر منطقة بالعراق وهسه اخاف من جلاب ....بين ضوة سيارته ركضت بسرعه وصعدت وهو داير وجهة ويسوق
بقينه ساكتين اخر شي حجيت.... مادري سيد موسوي يعوف بنيه وحدها بنص چول

:- هسه صرت سيد بنضرج؟ قبل شوية كلتي قذر ومسوي روحك نبي

بقيت ساكته ماريد اعتذر وادري بروحي غلطانه:- تمام صرت حمل ثكيل عليك رجعني لمنطقتي

:-رفعت ديدور عليج

لزمت راسي:-وين اروح لعد وييييين
بقى ساكت بس اعرف شيريد يكول حجيت بحده....اروى مااوصللها

:-اني حجيت؟

:-ادري بيك تريد تكولها

:-براحتج ماعليه

حجيت بغصه:-اروى عافتنا ودورت مصلحتها وراحتها عافت امي الي توها مشلولة وعافتني حايرة بمسؤليه البيت ... اصلا ماعدنه بيت وحايرة بابوي العركجي مااسامحها ابد ولايرف گلبي عليها ابددد