عناد القدر

الفصل الرابع عشر 14

راقبت مغادرته وهو يفرك بيده ويمسح رقم هاتفها شعرت بغصه تقتل قلبها والم لا يمكن وصفه صعد سيارته وصفع الباب بقوه وانطلق بها بسرعه

ظلت تراقب السياره حتى اختفت عن عينيها الحزينه
التفتت لفارس عندما سحبها من يدها
( انا كنت خارج عندي موعد على العشا لكن هلغي كل حاجه عشان خاطرك يا سمسمه)

ابتسمت له وعادت تنظر للطريق الذي اختفى منه عثمان
( مالك يا سمسمه في حاجه مزعلاكي.....)

التفتت اليه وحركت رأسها بلا
( لا مفيش حاجه.... ندخل)

اومئ لها برأسه وسحبها خلفه للمنزل فتح الباب ودخلو
توجه فارس بعد ان خلع سترته للمطبخ وسألها
( تحبي تشربي حاجه ولا نطلب اكل....)

تقدمت وجلست على الاريكه وقالت
( مش عاوزه حاجه يا فارس تعالا انا عاوزه اقعد معاك)

رفع حاجبيه من حالها اقترب وجلس بجوارها وضع يده على يدها
( ممكن تحكي اي الي مدايقك انتي مش على بعضك.)

زفرت نفسها وقالت له
( بعد الحادثه انهالت عليا الشركات ودور الازياء عشان اتعاقد معاهم)

فرح لها فارس وتكلم وهو مبتسم بسعاده من اجلها
( طيب دي حاجه تزعل المفروض تكوني مبسوطه صح... مش انتي بتحبي شغلك اوي ايه اتغير دلوقتي)

نظرت له وهي تستمع لنبره صوته الحنونه وقالت له
( ايو انا بحب شغلي اوي.... لكن ماما مصره اسيبه ولو رفضت هتغضب عليا.... مش عارفه انا مبسوطه في الي وصلتله دا انا في قمه الشهره مش عارفه ليه ماما خيرتني بين شغلي وبينها)

اقترب منها واحتضنها وهو يملس شعرها
( هو دا يلي مزعلك.... اي رائيك اتكلم معاها انا وممكن تقتنع مني....)
تشنجت وهي داخل احضانه ابتعدت عنه بخفه حتي لا يلاحظ عدم رغبتها بلأقتراب منها بهاذه الحميميه

( سمر انا عاوز احكيلك على حاجه كدا حصلت وانتي غايبه)

رفعت نظرها له وهي تنتظر تكمله حديثه
اعتدل بجلسته وهو يتهرب من عينيها التي تخترقه وقال
( انا ما بحبش اخبي عليكي عشان ما تعتبرش خيانه..... هيه بعد الاشاعات بخبر موتك جتلي)

التفتت بجسدها بأكمله حتى تواجهه وسألته
( هيه مين...)
حمحم وقال بتردد
( سما.... جتلي واتكلمنا مع بعض.... وكمان.....)

امسكت بيده حتى تحثه لاكمال ما يخاف ان ينطفه
( اتكلم وما تتوترش يا فارس....)

اركى يديه على اقدامه وقال بعيون حزينه
( حكتلي سبب تركها ليا.....)

وضعت يدها كتفه وقالت
( ويا ترا السبب مقنع تسيبك بعد قصه حب كبيره ما بينكم)

اومئ لها برأسه نظرت لعينيه الدامعه
زمت شفتها وقالت
( فارس اكتر حاجه بحبها فيك صراحتك معايا... اكيد مش هتصرف كشخص لامبالي واسمعك وانتا بتحكيلي عن بنت كانت في يوم حبيبتك... انا هكون مراتك قريب ومش عاوزاك تكون معايا بجسمك بس وقلبك وروحك معاها هيه.... لو بعدك بتحبها ارجوك متكملش معايا.....)