ومااقسى ضلم الدنيا

التحمل 💔 جزء 2

زوجت مروه جابر وسافرت ويا لمكانه محافضته متعرف احد بيها. جابر عده اخوان اصغار صارت مروه ام الهم واعتنت بيهم. جابر ميحب مروه يعني زواج تقليدي رغم هذه الشي تحملت مروه وصبرت. وصار عدها طفله بنيه. جابر جان ميطلع لشغل بلمرات هيه تخاف تحجي ويا تكول اله اطلع اشتغل لان جان شخص قوي وعصبي والعصبيه دائما على وجهه. تحاول هيه تدبر اكل حته توكل اخوته او طفلته وهوه. وتهتم بااخوته نفس جهالها. وره فتره قصيره هم حبلت مروه لان تريد ولد تحس زوجها ميحبها لان جابت بنيه. من حبلت وجابت طلع ولد سمو كرار جانت بأمل راح يحبها ويتعايش وياها وتعيش حياة حلوه وسعيده. بس نفس شي هم مااهتم. هوه فرح بس مو فرحه من كل گلبه. كبر الولد شويه ميتقرب اله دائما. يسوي نفسه مشغول حته يتهرب من البيت. وكون من يرجع للبيت يلكي اكله موجود واذا ماكو اكل ساعتها يصير هذه اليوم لمروه اسود. هيه تحاول تدبر الااكل حته ماتصير مشاكل. مروه عاشت هيج حياة لسنوات صار عدها بعد كرار بنات اربعه يعني صارن خمس بنات او ولد. او اخوان جابر كبرو شويه صارو شباب. وهيه بعدها تهتم بيهم. تصير مشاكل بينها وبين جابر بس تتحمل على مود الاطفال او اخوانه لان يحسونها امهم. يحبونها اكثر من اخوهم جابر. او ابو جابر جان رجال جبير لايكدر يتشغل ولا عده سلطه على ابنه لان كبر بلعمر. لهذه سبب جابر جان متسلط قوي محد يكدر يحجي ويا شي. بس جان نفسه طيبه اليدك بابه مايرجعه خائب. جابر جان يضرب ابر بس هوه مو دكتور بس يعرف. الناس اليمه كلها تجي اله حته النسوان. الاطفال بعد مرور زمن قصير. اكو جار يمهم جان مسافر اسمه احمد رجع لاهله مزوج وحده بس هاي الناس تكول عنها كلام محلو يعني اصلها مامعروف وعليهم سمعه مو زينه وهيه جابها من غير مكان من مكان يعتبر مو زين بيئه سيئه. اهل هذه الولد عشائر مقبلو هيج يصير خيرو ابنهم يااما زوجتك فرح هاي الجبتها وياك مانعرف منين. يااما اهلك وحلالك. اختارها هيه وفصخو اهله وعشيرته منهم وماعترفو بي. بس مابعد عن اهله بقه بنفس المنطقه العشائريه. فرح من جابها جانت عدها بنيه اسمها وفاء يعني مزوجه جانت واحد قبل احمد وعدها طفله جبيره. شويه. او احمد جان مزوج قبل فرح اثنين نسوان بس ميصير عده جهال. من ازوج فرح وجابها لاهله وماعترفو بي عافهم. بس بقه بنفس المنطقه صارت حامل فرح الكل كال هذه طفل مو من احمد لان احمد مزوج قبلها اثنين ومصار عده اطفال. بس هوه ماعترف بحجي ناس. جابت فرح الطفل طلع ولد سمو مصطفى. سوت فرح اشكال حته تاخذ حق احمد او ابنها او ترجعهم للعشيره. وفعلا اخذت حصه من اهل زوجها وكعدو يمهم بس محد يحجي وياها ولا احد يتقرب منهم. ولا اي جار يوصل يمهم. الا بيت جابر او مروره تعرفو عليهم. وصارو احمد او فرح جوارين جابر او مروه. جان يتمرض احمد دائما او يوكع بلفراش او يحتاج احد يضربه ابر. يجي جابر يضربه ابر. او هيه فرح هم جانت من تتمرض يضربها جابر ابر. او من تجي فرح لجابر تبقى تشاقه وتضحك ويا كأن اصدقاء عمر صارلهم. هنا مروه تشوف وتسكت تكول يجوز عله نياتها هاي المره تشاقه وي زوجي. مستحيل افكر بشي مو زين لانها مره مزوجه. أمنت مروه وماتفكر بشي مو زين من ناحيه فرح وجابر. هيه فرح حلوه. مروه حبلت للمره السابعه بس متعرف الجنين بت او ولد. جانت تعاني الجوع وتعب وصار عدها ضعف بس تحملت. وتشوف زوجها يروح ويرجع لبيت احمد على اساس يضرب احمد ابره لان مرض احمد اشتد هواي بعد مايكدر يجي لجابر حته يضربه ابره. فتجي فرح تاخذ جابر حته يضرب احمد ابره. احمد شويه جبير عمر اكبر من فرح بهواي او اكبر من جابر.............