((مشاهد متقطعه من الروايه ))
__________
-جنت كلش متحمس وقلق بلوقت نفسه!
هاهيه بعد مابيه مجال لازم اصارحها بمشاعري ..
جنت منتضرها انو تجي ..
شفتها وهي تدخل للمعمل .. جنت اباوع الها
بتوتر واكول شلون اصارحها
يمكن ترفضتني ؟
هسه تگول هذا شبيه
خاف عبالها اني زاحفف؟
توترت شوي
نوبه رحت ألها مباشرتا .. وگفت گدامها وگلتلها بتوتر
- شوفي اريد اكلج شي
- تفضل شنو ؟
- أحـبـج
''بعدني ممكمل جملتي وردت عليه بدون اي مقدمات"
- نـچـب!
_
______________________________
جنت اصعد الدرج واحسب بـ البايات ..
صعدت اول بايه
وثاني بايه
و ثالث بايه دااصعد الرابعه واسمع صوت الصياح و التكسير! من اتجاه المطبخ
رجعت انداريت باتجاه المطبخ وشفت منظر مستحيل انساه بحياتي!
ماما منهد حيلها وكاعده بالكاع و بابا يجيب المواعين ويكسرهن على راسهن!
ماعون بعد ماعون ..
قطعه من اخر ماعون كسره على راسها اجت بزندها
وشگت ايدها! من طول للطول
جان تتخربط وبابا جان لابس بسطاله
جاب ايدها وضل يدوس حيل على الجرح لحد مدخلت مقدمة بسطاله بنص الجرح!!
_______________________________
شفتها وهي شابگه قميصه لمليان دم شابگته بحرگه
وتبچي بقهر بندم بحسره .. ملامحه الحلوه
كلها متشوهه!
________________________________
اني طلعت واني اشوفه گبالي
ولا عبالک شفت عمي لا !
عبالک شفت عزرائيل .. بدون اي مقدمات كضيتها
ركضه للسطح وقفلت الباب !!
و باب الحوش عفته مفتوح اكيد رح يخلي سهرتهم مناحه!!
_________________________________
ان شاءالله بأذن الله
ابدأ بروي احد الروايات العراقيه "حقيقيه"
ومن قلب الحدث ومابيها اي حدث من وحي الخيال
اتمنى تنطوني رأيكم بطريقة السرد ؟
واحب انوه انو الشخصيات متعدده بس مو الرئيسيه
لا تنسوا تحطو ارائكم بالتعليقات + التصويت لتحفيزي وشكرا ✨.
ودمتم في امان اللّٰه 🫀✨.
أنت تقرأ
ذنوب لا تغتفر
Romance🔴روايـة عراقيه حقيقيه √ باللهجه العراقيه .! بقـلمي انا ~ مـريـم . ظُلم .. ! اصعب انواعِ الظلم؟ هو الي يجي من اقرب ناسک .. هو الي يجي من الچنت تعتقد انه هو الجنح!! -كيف نخبرهم أن الخذلان لا يُنسى .؟ - الي گلت هو خيمه و هو ظهري كسرني بيدة! .. أ...
