اميرة ~
"مَـر على زواجي مِن صبـاح شهر و من اول يوم الي واني وياه هو يتجنبني واني متجنبته .. الا ما بيوم اجتني خالتي .. جنت دااغسل بالمواعين "
بدرية :- اميره تعالي حبيبتي اريد احجي وياج
اميره :- "حجت وهي تگصص بالبصل .. كملت غسل اخر ماعون بيدي واني احجي "
- أي خاله گولي؟
"عافت البصل واجت سحبتني من ايدي وكعدتني وكعدت بصفي .."
بدرية :- شوفي اميرة .. رح يصيرلج شهر معرف شهرين .. وانتِ مو يم صباح .. صح هو يضل بلشغل 15 يوم و 10 ايام بلبيت بس ميصير هيج حبيبتي ..
حاولي تحتوينه .. باجر عگبه
هو يصير الج خيمه و سند
هو رجلج وحقه عليج ميصير تضلين بعيده عليه وباچر عگبه يصير عدكم جهال شلون تضلون هيج ؟
هو رجال و الرجال يريد مرة .. انتي حاولي ادللي
دللي بالطبخ .. بالبس .. بكُلشي .. المهم تحتوينه و خلفيله جهال كل ما كثروا الجهال كل ما وعى و حبج أكثر واهتم بيج اكثر وانتِ بنتي و چنتهي ولو ما احبچ مااكلج هيج وماريد اشوفکم مامتوالمين عيوني انتِ
اميرة :- " ضلت تنصح وتفهمني .. مگدرت ارد عليها حجيها هم صحيح ؟ سمعت كلامها وقبلت "
-ماشي خاله .. اشوف
بدريه :- ماشي حياتي فكري بيها ميصير تضلون هيج هسه الناس شدكول ؟
اميرة :- ان شاءالله خير
"باستني وگامت على شغلها تكمله واني هم گمت اكمل شغل البيت بليل دخلت لغرفتي الي مداخلتها من يوم العرس ! شفتها هوسه هو اليوم مينزل لان 15 يوم بالشغل ومرات يضل اكثر استغليت الفرصه و نظفها وعدلتها وغيرت كلشي بيها ورى ما كملت سبحت و بدلت ونمت عالچربايه محسيت بشي بعد
شوي وحسيت بثگل عالچربايه مثل لنهزت ..
فتحت عيني دااريد اشوف شنو السبب
وچان اشوفه متمدد وصافن عليه من صدمتي عطت بوجه"
أميرة :- يمه اسم الله اكو واحد هيج يدخل اقلها كعدني گلي افتح عيوني اشوف وجهک بوجهي شبيک خرعتني!
صباح :- او وجع غرفتي وبكيفي عندج اعتراض ولا تصرخين لا حلگج اشگه شعندج بغرفتي ؟
اميرة :- "گمت على حيلي واني ادردم"
شنو غرفتك عيني ؟؟ تره هي غرفتي همين لو نسييت؟؟
"رفع تک حاجب وحجى بنكر"
صباح :- زين تعرفين غرفتج وتعرفين اني زوجج .. ومن شهر واني مشايف جهرتج الزفره لو عندج شي اليوم ودخلتيلها خاف ردتي تجيبين گو"" جديد وماعرفتي وين تضمي دخلتي للغرفه لان عبالچ ماانزل للبيت اليوم ؟
اميرة :- "هزيت ايدي" اي هذا الناقصني
"خليت راسي عالمخدة" وخر بعيد اريد انام
صباح :- تتجاهليني ؟
اميرة :- شبيك انت وخر عوفني
"محجه شي شمرني على مكاني .. وگام طلع من الغرفه وركع الباب وراه من گد ما الرگعه قويه اذاني گام تسوي ننننن شويه وسمعت هوسه صارت بره"
أنت تقرأ
ذنوب لا تغتفر
Romance🔴روايـة عراقيه حقيقيه √ باللهجه العراقيه .! بقـلمي انا ~ مـريـم . ظُلم .. ! اصعب انواعِ الظلم؟ هو الي يجي من اقرب ناسک .. هو الي يجي من الچنت تعتقد انه هو الجنح!! -كيف نخبرهم أن الخذلان لا يُنسى .؟ - الي گلت هو خيمه و هو ظهري كسرني بيدة! .. أ...
