ذنوب لا تغتفر

1 تم تعديله + تطويله

بسم اللّٰه الرحمـىٰن الرحيم .

شَحچيلک؟
مَهو الغرگان لو حَصل نَفس چاا صاح!!
________________________________

سنة 1975 . . بغداد

- چنت صافنه عالشباگ شلون قطرات المطر تنسدل عالشباک والجو بي بروده حلوة  .. گاعده عالکرسي وهي بحضني تشهگ ودموعه مو راضيه توگف
تنهدت وبديت ألولي الها حتى تنام  واربت على صدرهه بلطف حتى تنسه وجع الراچدي 
هي تنام بمجرد تسمع هل اغنيه بصوتي

دلِلول يالوَلَد يا ابني دِلِلول
يُمَّه عدوَّك عَليل و ساكن الچول
يمَّه آنه من اگول يُمَّه يموت قلبي ولله يُمَّه
يُمَّه يحقلي لاصير دلَّي
ترى اطلق الدنيا وولِّي
يُمَّه على ظليمِتي من دون حلِّي
يُمَّه ھب الھوى وإصطكت الباب
ترى حسبالي يا يُمَّه خشَّت أحباب
يُمَّه أثاري الھوى والباب چذَّاب
خويا ماريد من جِدْرَك إغموس
ولله ولا اريد من جيبك فلوس
يابني يالولد يابني يا يُمَّه
يُمَّه ترى إبني واريد رباي منَّه
يُمَّه جبتيني للضيم يا حبيّبه يا يُمَّه
يُمَّه اتيات الطرف لاذلھم
ترى جيت أسأل غراب البين عنھم
يُمَّه اھلنا حموله إش ضل منھم
يُمَّ ه قلبي .. إي ولله گلبي
ترى مطرور إبْطَرْ اللوح گلبي
يُمَّه تمنيت طارِشْھُم يجيني
خويا وتسايله وتنام عيني
يُمَّه تسايله ويبطل ونيني

- حسيت بدمعتي وهي تنسدل على خدي مثل قطرات المطر الدا تنسدل على الشباگ الدا اتأمله .. 
"طفلة وبيدي طفلتي!" 
شوي وحسيت بتنظيم انفاسهه وبس شهگتهه التمرد گلبي مسموعه  گمت من الكرسي واني اضمهه لصدري
گعدت عالچربايه و بديت أگمطهه حتى تنام بهدوء ودفو
بوستها و خليتها بكاروكها  خدهه صاير احمر دمم من قوة الراچدي!
:- سوده عليه حبيبتي .. ما گدرت حتى احميج من ابوج
عمرج شهر ييمه  ..
"سمعت الباب ينفتح ركزت عيني عليه وهو ينفتح"

:- نامت ؟ "حجت بقلق"

:- أي عمه نامت نامت 

:- سودة بوجهي يا عمه سوده بوجهي هذا كله من ايدي اخخخ اخخخ "حجت وهي تعض باصابعهه بندم!"

:- لا عمة شسالفه گولي يا الله "رحت وبوستها" مالج دخل يروحي انتِ .. كل الردتيه هو انو تخلي يهتدي وان شاءالله بلكت وعسى يوم عن يوم يصير احسن
"تأملت عيونيهه المغورگه من البچي  وحجيت واني اضربها من چتفهه بچتفي "
ديلا بدريه الصاكه دضحكي ضحكي ممتعلمين عليج هيج ترى والله مناقصني كآبه

بدريه :- طيح الله حظج شو وخري مني ويلا تعالي اكلي اميرتنه الحلوة حتى تسمنين شنو بس اني چنتي معصعصه؟ 

أميره :- يا عمه شترديني اصير هايشه ترى عمري هسه يلا 15 او وزني كلش زين ترى

بدريه :- دنچبي وزنها 40 وتگلي زين