အချစ်ဆီမှ အစပြု၍
အပိုင်း(၂)
သူငယ်ချင်းတွေနှင့် လူစုကာ
တခြားမေဂျာက အဖွဲ့တွေနှင့် ဘောလုံးကန်ကြသည့်နေ့က ဖြစ်သည်။
"အီယာယာ"က အပေါ်က တီရှပ်နှင့် အောက်က အကွက် တွဲစပ်ထားသည့် ဂါဝန်ကို ဝတ်ဆင်ကာ သူမ၏ ဆံနွယ်ဖြောင့်ဖြောင့်စင်းစင်း အညိုဖျော့ရောင်လေးကို ပခုံးပေါ်မှာ ချထားပြီး ဘောလုံးကွင်း၏ဘေးက ခုံတန်းလျားလေးမှာ ထိုင်လျက် ခန့်ထည် နှင့် လင်း ကို အားပေးနေသည်မှာ ဘာဘီရုပ်လှလှလေးနှင့် တူလှသည်။
တခြားမေဂျာက ကောင်လေးတွေရော၊လင်းတို့မေဂျာက ကောင်လေးတွေရော
တော်တော်များများ၏ ပါးစပ်ဖျားမှာ
"အီယာယာ"က ရေပန်းစားပါလျက်နှင့်
လင်းဆီကရော၊ခန်းထည် ဆီကပါ သူငယ်ချင်းတယောက်ထက်ပိုပြီးစိတ်ဝင်စားခြင်း မခံရသော ကောင်မလေးပါပဲ။
လင်း ကတော့ ကလေးဘဝကတည်းက စွဲလမ်းခဲ့ရသည့် ကိုကိုဟန်ထည် ကြောင့်အီယာယာ့ကို စိတ်မဝင်စားတာ ဖြစ်ပြီး
ခန့်ထည်ကရော?
ခန့်ထည်က ရော ဘာလို့များ အီယာယာ့ကို စိတ်မဝင်စားတာပါလိမ့် ?
ဘောလုံးအင်္ကျီ အနီ၊အနက် စပ်ကြား ၊ဘောလုံးဘောင်းဘီ အနီ၊အနက် စပ်ကြားကိုဝတ်ထားပြီး ကွင်းထဲမှာ ပြေးနေသည့် ခန့်ထည်တယောက်ကတော့ လက်မောင်းတွေ၊ပခုံးကျယ်ကျယ်တွေ၊ရင်အုပ်တွေ၊ဗိုက်ကြွက်သားတွေ၊သန်မာပြီး ရှည်လျားတဲ့ ခြေတံတွေ၊မေးရိုးကားတဲ့ မျက်နှာကျပုံနှင့် မျိုးရိုးလိုက် တောင့်ဖြောင့် ချောမောခြင်းတွေ လက်လွှဲယူဆောင်လာခဲ့တာများလား? လို့
မေးခ်င်စရာပင်
လင်းကတော့ အသားဖြူဥဥ၊မျက်ပေတုံးလေးမှာပဲ မျက်တောင်တိုတိုထူထူလေးနှင့် ပါးဖောင်းဖောင်းလေးပါ ရှိနေသေးသည်။နှုတ်ခမ်းနီနီထူထူလေးတွေိကိုပါ ပိုင်ဆိုင်ထားသည့်အပြင် ကစ်ကစ်တုတ်တုတ်လေးမို့ ဗိုက်ခေါက်လေးပါ ရှိနေသေးသည့် ကောင်လေးဖြစ်သည်။
မြင်တဲ့သူတိုင်းက "ချစ်စရာကောင်းလိုက်တာ" လို့ ပြောကြသည့် ကောင်လေးပဲ ဆိုပါစို့ တကယ်လည်း ချစ်စရာကောင်းလှအောင် ဖွေးဥနူမွတ်သန့်ပြန့် နေသည်သာ။
ဘောလုံးပွဲပြီးသွားတော့ လင်း ရော
ခန့်ထည်ပါ အီယာယာ ဆီသို့ ပြေးထွက်လာခဲ့ကြသည်။သူတို့အတွက် အအေးဗူးတွေက အီယာယာ့ ဆီမှာ မဟုတ်လား?
YOU ARE READING
အချစ်ဆီမှ အစပြု၍(Complete)
Romanceမင်္ဂလာဦးည ဟန်းနီးမွန်း ခရီး၌ ခန့်ထည်မှ လင်းအတွက်ကတိသစ္စာ(၃)ချက် (၁)ကျွန်တော် ခန့်ထည်သည် လင်း၏အပေါ်၌ ဘယ်သောအခါမှ အချစ်မပျက်ပါဘူး လို့ ကတိပေးပါသည်။ (၂)ကျွန်တော်ခန့်ထည်သည် လင်း၏ အပေါ်၌ ချစ်မြဲ ချစ်နေပါမည်။ (၃)ကျွန်တော် ခန့်ထည်သည် ဘယ်တော့မှ မပြောင်းလဲပ...
