بين اقفاص الشيخ

البارت الاول

البارت الاول 💙

الحياة

ليس لمن جد وجد🙄

الحياة لمن حضه كعد💯

...............

مخليه ايدي ع خدي وصافنه وصديقتي جايه النه زيارة تشوفني وتروح وتحجيلي معاناتها ويه زوجها وتلكلي الكيلج حل صافنه ع حجيها وحايرة احل مشكلتها لو احل مشاكل الماتخلص انه مالكيت اليحل مشكلتي احل مشكلتها.. ضلت هيه تحجيلي بكلشي سوه الها رجلها وشلون عذبها عذاب ماصاير وشلون حرمها من ابسط حقوها..

نور...... زهور وين صافنه مو جاي احاجيج

زهور..... شتردين اكلج منو كلج انه حلالالت مشاكل وجايه ترديني احل مشكلتج

نور.....لا تصعبينها عليه طلبي راي ابوج بسالفه

صفنت ع كلمت ابوج وخذتلي صفنه طويله وماعرف شنو اجاوبها ضليت ساكته وبس هزيت راسي بعد ملل من الحجي راحت نور البيتهم وانه اخذت ملابسي وتجهت للحمام وكفت بالباب وسمع سارة وسمر يتعاركن ع الحمام وهاي تكول انه ادخل وهذيج تكول انه مريت من بيناتهن وهنا مامنتبهات ودخلت وسديت الباب وهنا يدكن بالباب اخذت راحتي بالحمام سبحت وخلصت وطلعت وباوعتلهن بنضرت انتصار وصعدت لغرفتي نشفت شعري وخليت عطر ونزلت جوه كعدت بصاله وسمعت صوت امي تتلكه ابوي من الباب ...

ام تبارك..... هلا بيك بشيخ مبين تعبان

ابو تبارك..... اي والله المشاكل هدت حيلي

حجيت بكلبي اخا يا طلابت المشاكل الي ماتخلص .. درت وجهي ع التلفزيون وهم مهتمه اجت سارة وسمر كعدن مقابيلي وابوي راح يبدل ملابسه حضرت امي عباس الغده وتجمعنه حوالينه وكعدنه وسكوت عنوان البيت كله.. خلصت وغسلت ايدي وطلعت للحديقه ازكي بالوردات وسمعت صوت من بيت عمي جنه صوت صياح طلع ابوي وامي يردون يعرفون شلون ابوي خله وطلع راح يشوفهم شبيهم وامي لحكته.. ماحاجه نعرف شبيهم لان تعلمنه ع عرك عمي ومرته علمود هادي وزواجه من بنيه يريدها رجع ابوي وامي وابوي يهز بيده ويحاجي روحه امي لحكته للغرفه خلت الزرع ورحت كعدت بصاله جان سارة كالت

سارة...... ترا بيت عمجن اذونه بصياهم

زهور.... والله علوا ترحين تكليلهم زعجتونه هواي يمته تخلص سالفتكم ونرتاح

سمر.... جنها السالفه مطوله وراح يشلعون كلوبتنه

زهور...... وشلون انام اذا كل ما افز يكلول بيت عمج متعاركين اضل اخرب نومتي من وراهم

سارة..... والله ماعرف بس صدك مصخوها

سكتنه ورجعنه نباوع جان طالع فلم هندي ع زي الوان تمددت ع القنفه اباوع وجان ساارة دارته

زهور..... رجعي مو جاي نباوع

سارة..... شمدريني تباوعين

رجعته وثلاثتنه ادمجنه وياه والفلم جان حلو كله اكشن يسوي واهس للكعده ما نحس غير التلفزيون انطفه من وحده والكهرباء مشتعله