بين اقفاص الشيخ

البارت الرابع

البارت الرابع 💙

يلوموني واحسك تكبر بروحي يلوموني وانه بلا شوفتك شينفعن عيوني؟؟🔥🖤

....................

نايم بامان الله وشلون نومه تريح البال صار تفلللش وطلق وصوات صرييخ طفرت ماندل دربي منين مامنين طلعت من الغرفه ركض ولا كاني ابوي وامي وخواتي

ياسر.... سترك ربي شصاير منو هد علينه

الشيخ سعدون.... وانه ابوك لا تطلع لا تروح تنكتل وين ننطي وجهنا

ياسر..... لا تخاف بويه عليه بس اشوفهم منو

باوعت من الشباك جانو ولد ثنين شباب بحلني فتحت الباب نزلو اسلحتهم اجه ابوي وراي

ياسر .....خير خويه هادين علينه سالمين

الولد..... تطلعون احمد لا نحرك البيت ع رووسكم

ياسر.... احمد؟ شلكم بي

الشيخ سعدون...... بويه احمد شمسويلكم

الولد.... كاعد يتمعشك ويه بتنه ويجيها بنص اليل يتواعد وياها وين راح شرفكم يهل الشيخ لو واحد منعدنه حب بنتك جان سويتوها دم لركابي

ياسر..... والله الي يحاول يباوع بس ع خواتي افصمله ضهر وعلكه اله ع بابهم

الولد.... جا هاي هيه نريد حكنه منكم مربع لازم نفصم ضهر اخوك وانته اختاريت العقاب بيدك

ياسر...... هسه روحو تعالو من يجي احمد وخذو عطوه يومين ومرو علينه ما يصير خاطركم اله طيب

ترخصو الولد وراحو واحد غيرهم جان تعارك بس مبينين مو خلك مشاكل وفصلو دخلت وصحت بنص البيت باعله صوووتي..

ياسر........ ااااااااااااااااااحمدددددددد

ام ياسر......شكوو شصااير

ياسر..... وين هذاا الكوواد احمد طلعوو الي اريد اشرب من دمه

احمد..... شبيك تصيح

ياسر...... انته من النسسوان لابد بغرفتك وتسمع صوووت الرررم ومانزلت ياااجباان

احمد..... خلي يولون شفتهم بس طلعت الهم انته شردو منك خايفين

ياسر...... شخايفين اخذذو عطووه وكلها كم يوم وراح تصير كعده ولك وتاالي يوميه سالفه شكل انته عود هم حاسبينك زلمه برراسي

احمد...... اووووو اطلع احسلي خليت الزلم الك ولخوك

عافني ومشه وركع الباب وانه طلعت روحي خليت وصعدت فوك رجعت اكمل نومتي توني جاي من الشغل وتلكوني بالطلايب عاد خل انام شويه ماكو اوووف شلون شغله هايي... رجعت كملت نومتي بين الصاحي والحلمان اسمع صرريخ قووي كعدت فاز وجسمي عركان باوعت لنفسي وكلت ياااعلي جان يجيني صووت صريخ من جوه كل ضني حلم نزلت جوه وشوف امي وفرح وهديل يبجن