جهزو العيال والبنات الاغراض ويمشون للبر وحسام كلم خوياه يجون فالبر وام محمد وابو محمد وابو عبدالله رجعو لديره
.
.
.
في السياره
سديم :يوهه يم الشحوم بعدي مني
منيره :والله الشحوم فيش انا رشيقه
سديم :اي واضح رشيقه كسرتي رجلي
سليمان:كلكم مشحمات اسكتو
سديم :كلزق انت
سليمان وهو يشوت عليها دبه المويه :البخي لانزل لش
سديم :لبخنا
رفيف نامت ومها ع الجوال وندى تقراء لها كتاب
وصلو فالبر نزلو وجو ينزلون الاغراض
رفيف :افف ثقيله
محمد سمعها وقرب منها :خليها انا بنزلها
رفيف توردت ملامحها خجل :طيب
سديم :اهخخ مب مثل الي عندي بقره ماحنني ويقول بشيل بدالها
عبدالله بضحكه :معليه الي معي باتمان
سديم بزعل :تف عليك والله انت الباتمان؟
عبدالله بضحكه وهو يقرب لها وهمس :خليها بشلها
نزلو الاغراض وجهزو المكان وشبو النار وقعدو دائره عليها كان ترتيبهم كاتالي
محمد هاثم عبدالله هاثم حسام هاثم سالم هاثم سليمان
عند البنات كانت منيره وسديم جنب بعد وجنبهم نهى وبعدها منى وبعدها رفيف وبعدها ليلى وبعدها لانا وبعدها ندى وببعدها غلا وبعدهم مها الي كانت ع الجوال كعادتها
نطق سليمان :مهاوي انتي ماتطفشين من الجوال يومياً عليه
مها :والله قده احسن من سوالفكم
عبدالله:والله لااقوم لاكسره شوفي قفليه
مها وهي تزوم فمها :هفف قفلته وشعندكم من سوالف
عبدالله :اذا تجمعنا ماتمسكين الجوال حتى لو سكوت
مها :على كيفيك
عبدالله بعصبيه :قلت قاطعته سديم ونطقت
سديم ناظرت في عبدالله: شرايكم تعطونا قصص وكذا
حسام :طلعتو توسعون صدري عادكم الا زدتوه خلاص
عبدالله:الا خوياك عادهم بيجون ؟
حسام.:اي جايين
رفيف :هيه حنا وين بنروح اذا جو خوياك ؟؟
حسام :فالخيمه الثانيه
رفيف: امم تمام
قعدو سكوت لفتره طويله
نطق محمد وهي يناظر في رفيف : .:
ما فيه أحد في البشر سوا بي سواتك
و اسمك لا مر بين الناس يربكني
عبدالله:الله الله صح لسانك من سعيدت الحظظ
سليمان :صح لسانك منهي؟
ناظر محمد في رفيف وابتسم
نطقت منيره :انا قاعده اشم ريحتة حب
نهى:والله وانا وتأشر لمكان محمد ورفيف هناك الريح
ضحكت منى:اشكر خاصية الشم الي وصلتلكم الريح
ضحكوو الكل نطق محمد :انا بخطب يعياال
سالم:مبروكك ياخوك بمننن؟؟
عبدالله:الله الله مبروكك
محمد :برفيف بنت العم
صرخت سديمم:ياايييي رجعتو لبعضض الله
رفيف استحت ودفنت راسها بحضن غلا
الكل صرخ وبارك لهم
عبدالله:اجلل اقدم واخطب
محمد :اي من يومنا في المزرعه وانا اخطط اذا رجعنا بجي بخطبها من عمي ابو عبدالله
عبدالله:الله يتمم لك ع خير
قاطعهم صوت السياره الي وقفت
عبدالله وهو يفز ويشوفها :خوياا حسام ادخلو يبناتت
قامو البنات يركضون عشان يدخلون الخيمه
نزلو اخويا حسام
عبدالله :ارحبوو تراحيب المطر اقلطو
فارس :البقى ويقبل يسلم على العيال سلام حار
سلمو ع بعض وقعدو جنب حسام
مازن :شخبارك ياخوك عساك طيب
حسام:طيب جعلني قبلك انت شخبارك
مازن :طيب دامك طيب
حسام كان قاعد معهم بس تفكيره مب معهم كان مع لانا الي خذت باله
