لفت له ليلى ونطقت بهمس :ابي اطلب من طلب
لف لها مازن وبهدوئ :امري
نطقت بخوف :مابيك تعلم احد بالي صار
مازن بحده:ليه خليني اقول للعيال يدعسون ببطنه باقي مابرد خاطري
ليلى : لا تكفى مابي حتى البنات يدرون خلها بيني وبينك تكفى
مازن :ابشري دام فيها تكفى
ناظرت فيه واكتفت بالسكوت وكملو الطريق
- فصباح في الديره
طالع من غرفته وينصدم ان البيت فاضي مافيه شي لا تلفزيون ولا ثلاجه وفرن ولاشي انصدم ودخل يتاكد وكان البيت فاضي رفع جوال واتصل ع عبدالله
رفع جواله عبدالله وشاف المتصل ابوي
رد : هلا والله بعروق قلبي سم
ابوعبدالله:امش ياعبدالله وينك الحق
بعد عبدالله عنهم وكمل:سلامات يابوي شصار حد صار له شي
ابو عبدالله :انسرقنا يابوك انسرقنا
عبدالله عقد حجاجه بغضب :ابو عبدالله من سرقه ووشش سرقو
ابو عبدالله:سرقو البيت كله ماخلو شي
عبدالله بغضب :يبه شفت الخزنه عسى محد شالها
أبو عبدالله:لاوالله ماشفتها بشوفها وين انت حاطها
عبدالله:بدرج حق ملابسي تحت اخر شي
مشى ابو عبدالله يدعي انهم ماخذوها فتح الدرج وعقد حجاجه لانه مالقها
عبدالله:هاه يبه بشر لقيتها
ابو عبدالله:لاوالله مالقيتها
عبدالله :جايينك جايينك
قفل الجوال ورجع لقى اصحاب حسام قد مشو
عبدالله :يعيال بنرجع الديره
سليمان:ليه سلامات ؟
عبدالله بضيقه وغضب :انسرقنا من عياال الحرام
سليمان فك الحطب من يده :كيف انسرقنا ووش اسرقو
علمهم ولمو الاغراض ومشو
-فالديره
كانو كلهم متجمعين ببيت ابو عبدالله
ابو محمد:معليك ياخوي تهون لك العوض مني بالاغراض الي انسرقت
ابو عبدالله:يارجال ماتقصر ماهي بجايه منك
ابو محمد :والله انها علي
ابو عبدالله:لاتحلف يارجال والل
قاطعه آبو محمد:والله وانا حلفت انها قدها علي
ابوعبدالله:ماتقصر والله مكان له داعي تتخسر
ابو محمد :لاخساره ولا شي
فالديره بمكان ثاني ببيت ام ملاك
كانت ملاك تفكر مع دخول صالح
صالح وهو يجلس :جاء امس عمي ابو عبدالله وابو محمد واليوم جو العيااال
ملاك :ليه ماجو كلهم مره
صالح :بحده ليه تسألين
ملاك :الحمدالله والشكر اسأل لايكون حرام السؤال بعد؟؟
صالح بغضب:عتبت الباب هاذا لاشوفش تتعدينها احش رجولش كل ماتطلعين تصير مشكله
ملاك بضحكه :ههيااايي لايكون بتمنعني عن الروحه والجيه كمان؟؟؟
صالح : اطلعي بسس والله هاثم والله وانا احلف بالله لو تصير بينش وبين سديم واخواتها مشاكل اني لادفنش هنا اقلعي منش المشاكل وصيري بنت عاقله
ناظرته ملاك من فوق لاتحت وطلعت تدور مشاكل مع سديم ومنيره
ناظرتهم لقتهم ينزلون اغراضهم ويساعدهم عبدالله تقدمت لهم ونطقت بدلع :سلامم تو تنور الديره ياعبدالله
ناظرها عبدالله ونطق :وعليكم السلام وكمل ينزل معهم
طلعت سديم وهي تتكلم :عبدالله انتبه ع عطري بالشنطه لاتكس
ماكملت كلامها الا وتشوف ملاك واقفه عنده تقدمت لها وهي تناظرها :هلا والله شايفه ذابح ذبيحه هنا؟
ملاك :اي وانتي الخروف الي ذابحينه
ضحكت سديم بخفه:شكل تبيني اسوي لش خط في راسشش من جديد ولا وش رايش
ملاك :اكسر يدك قبل تنمد
سديم :مبعد جابته امه الي يكسر يدي
عبدالله يناظر هواشهم ويضحك ويستنى يتناتفون بشعر
سديم ناظرت بعبدالله وعناد بملاك تددري انها تحب عبدالله تقدمت له ونقطت :عبودي
عبدالله فهئ بنطقها بأسمه وطريقة مشيتها :عيونه عبود وقلبه
ملاك بغيره وهمس بدون احد يسمع تقلد سديم :عبودي
سديم بدلع :في حشره قااعده تتكلم
ضحك عبدالله من فهم قصدها ونقطت سديم :يلا عبودي حرك ع بيتكم
عبدالله بضحكه وقدام ملاك:ماقد شبعتت عيوني
سديم بخجل :لازم تشبع روح بعدين اشوفك
ضحك عبدالله وركب السياره وناظر سديم وغمز لها وحرك قدام انظار ملاك الي بتموت قهر وغيره
نطت منيره ع سديم :والله وجبتي راس اخوي ياكلبه
سديم بدلع :ومين مااتجيب راسه سديم ودخلت ولحقتها منيره
ملاك بغيره :والله لافرق بينكم قدام يصير شي
-
مازن الي اخذت تفكيره ليلى بكلشي وكان يفكر من هي اخته من العياال وشسمها وكيف يرجع يشوفها قطع تفكيره حمد دخل عليه
حمد :ياولد نفسي بكبسهه من يدكك الحلوه
مازن ناظر فيه وتنهد يبعدها من خياله:ابشر يابو رايد ماطلبت شي
حمد :ياجلعني فدوك والله
_ في بيت ابو سعود
ام سعود كانت جالسه وكاعدتها تخيط ملابس وقاعده دخل عليها نايف فزت ام سعود :بسم الله انت من وين طلعت ليي؟؟؟
نايف الي كان شايل ثوبه بيد واليد الثانيه ماسك الزقاره حقته :لاسلام ولا كلام ابي منش طلب
ام سعود :اهد ياولدي وروح لايشوفك ابوك ولا سعود بيدوسون ببطنك
نايف بضحكه: ماني بخايف لامنذا ولا منذا وناظرها بحده وطلع السكين من جيبه والله من دخل فيهم مايطلع من هنا الا للمقبره
كانت خايفه ام سعود وخايفه اكثر ع حال ولدها ناظرها نايف ونطق:اسمعي يامره كلامي كله وسويه بكلل حرف اقوله لش
_ في بيت سديم واخواتها
كانت رفيف تغسل الحوش ولانا تسااعدهاا
وليلى خايفه من الي صار لها بالبر وخايفه من مازن انه يعلم احد
وسديم كانت ع جوالها ترسل عبدالله تبي تتقابل هي وهو بعد ماتكلمت مع لانا عن موضوع حسام
سديم كتبت له:عبود
رد عبدالله:سميِ ياعيونه
سديم ابتسمت:ابي اشوفك بقولك شي
عبدالله:ابشري وين تبين بسس
سديم :في اول مكان تقابلنا فيه
ضحك عبدالله من تذكر :هبشري بشوف ابوي يبي مني واجيش
سديم:طيب
راح عبدالله لابوه وحسام الي كانو جالسين فالحوش واخواته كلهم وندى كانت تقهويهم ويسولفون مع بعض ويضحكون وكانت الجلسه صدق مافيها نفسً ثقيله
دخل عبدالله عندهم:السلام عليكم يالبييه يالجلسه الي تفتح النفس
ابو عبدالله :وعليكم السلام ارحب اقعد
عبدالله جلس :البقى شالاخبار يايبوي
آبو عبدالله:والله على حطت يدك بلغنا عليهم ولحد الحين ماجانا علم
دخل سلميان ركض: ياالبيييه حلا
منيره بضحكه:بزين بزين على عمرك لاتتكسر الخير واجد
سلميان ينزل الحذيان حقه ويقعد:صبي الي قهوه وانتي ساكته
منيره ناظرته بحقد ولا تقدر تقول شي لان ابوها جالس معاهم :ابشر ياخوي الغالي
سليمان ضحك والتفت لحسام :حسومي
حسام الي كان كل تفكيره متى راح يقدر يشوف :هلا
سليمان بطقطه:شرايك نزوجك وزوجتك تهتم فيك تعبتنا ترا
حسام الي كان يبي يضربه للاسف كان يضرب الهواء مكان يعرف مكان سليمان:ليه تبي الفكه مني عاجزين عني
غلا :لاوالله ياخوي جعلني اخذ ضيمك ماحن بعاجزين عنك وتعبك راح والله
منيره:ايوالله ليه يتزوج وعنده اخوات لو بغى عيونهم اعطوه
مها :اي ماحن بتاعبين من خدمته
ندى :حسام سندنا واخونا ابونا الثاني لو بغى روحي اعطيته بدون تردد
حسام :ياجعلني فدوة المؤنسات الغاليات
سليمان ناظرهم ونطق:صراحه صرحه التدمع في التعين من المنظر هاذا
عبدالله وهو ياخذ الحذيان:وشرايك اشوتك بتحذي؟؟
سليمان بضحكه:لالا رجع كنت اطقطق مع حسوومي ومن قال انه فقد بصره مؤقت ان عيونه اصلاً وتقدم سليمان يضم حسام
ضحك حسام وهو يسمع ضحكات اهله وسواليفهم ودعاء ربه
يارب لقد أعطيتني عائلة تسد كُل ثغور الحياة وإني بهم أستقيم، ربي احفظهم لي من كُل أذى واجعلهم دومًا في ودائعك التي لاتضيع
.
.
.
.
الكاتبه لولي الصيعري 💜💜
........................................................................................................................................................
(خلصنا هالبارت وأن شاء الله يعجبكم وحمسونيي بنجمه ياحبانيي
)🥲🤍🤍🤍🤍🤍🤍🤍💙
( نزلت هالبارتين واسحب كم يوم وتنزل الروايه كامله)
