" زيارَة عاشوراء "
هاي الزيارة عَظيمة بـ كُل وقت مو فقط بـ وقتها
فضلها يعجز كُل شَخص بالدنيا عَن وصفه
هي اللي اذا قراها الانسان راح تبث السكينة بـ روحه و راح تاخذ بـ ايده للموفقية و الرِزق مو بس بالمال لا الرزق بالحُب بالتوفيق بالسعاده والفَرح بالصحة هيَ اللي حتى تطرد الحسد والهَم عَن النفس
اللي يستمر بـ قراءة زيارة عاشوراء يَوميًا راح يلاحظ فرق چبير كُلش حلو بحياته عَن تجربة ♥️
واللي يستمر على قراءتها بـ حُب و ايمان تام راح يكون من اقرب الخلائق لـ رَب العالمين و يُحشر بـ يوم القيامة معَ سيد الشُهداء و ينال شفاعته
تخايلو المَوقف شكد حلو انتَ بموقف صعب والحساب ينتظرك وخايف وما الك مُعين ومحد يمك لكن تلكه الامام الحُسَين يشفعلك عند رَب العالمين بـ الاخره
و بـ الدنيا گذالك راح يشفعلك بـ الصحه و بـ قضاء الحاجه و استجابة الدُعاء
من خلال هاي الزيارة توصلون لحال و مَنزلة عند رَب العالمين ينطلق عَليها عِبارة " هذا العَبد اذا سُئِل شيئًا يُعطىٰ "
لا تستغربون السَلام على سيد الشُهداء ابدًا مو هَين عند رَب العالمين
لان بـ التالي " أَحب الله من أَحب حُسينًا "
والذِكر والسَلام على الأمام و يصاحبة حُب هذا شي كُلش چبير عند رَب العالمين وعند الامام عَ
صديقتي مره دا تعلمني عن فضل هاي الزيارة فـ حجتلي قصة حَقيقة تكول اكو رجل او عالم دين بالزَمن القَديم جان كُلش مؤمن بـ رب العالمين ويأدي الفروض والمستحبات والزيارات كُلها المُهم جان مُستمر على قراءة زيارة عاشوراء يوميًا
لحد ما مَر الزمان وهذا الشخص مات " الله يرحمه "
بَعد ما مات الطالب مالته صار من بَعده هوَ مثله هم هيج ملتزم فَـ بيوم من الايام جان نايم فَـ زاره بـ الحِلم
عَن وصفه يكول جان شكله احلا من شكله وهو حَي ومبين عَليه مرتاح ضاحك مُستبشر بـ لبس حلو ومكان حلو
من ضمن الحلم دايحجي ويا فـ الطالب سأله " شنو الشيء اللي تندمت انك ما سويته بـ الدُنيا الفانية "
جان جواب الرجل " تندمت لان جنت اقره زيارة عاشوراء بس مره باليوم "
بعد تسأُل الطالب جواب الرجل بقه ثابت
" جنت اقراها مره وحده بس واني بهاي المنزله العظيمة تخطيت العذاب وما حسيت بـ اي اذى وتسهل عليه نلت شفاعة الامام عَ وحتى عذاب القَبر والجواب ما مريت بـ اي تلعثم ولا امور صعبة بسبب قراءتي الها مره باليوم ومن خلالها وتندمت لان ما قريتها اكثر من مره جان صرت بـ اعلى من هاي المنزله بعد عند الله "
من عرف الطالب هيج وايقن بـ هاي الزيارة ظل يحجي بيها و يعلم العالم كُلها عَليها لحد ما صار عدد جبير من العالم متخذيها علاج يومي معَ ذكر الله الصلاة وقراءة القرآن والصلاة على مُحمد وياهن زيارة عاشوراء للتقرب لـ رب العالمين و لـ الحُسين ونيل شفاعته يوم القيامةوغفران رَب العالمين لـ الذنوب
هاي الزيارة شكد ما اكول احبها ومتعلقة بيها اني قَليل
حَبيتها لدرجة حُفظتها و صرت وين ما اروح ارددها بيني وبين نَفسي
خصصو وقت دائمًا من يومكم لقراءة هاي الزيارة العَظيمة وشوفو حياتكم شلون راح تزدهر بحُبهم بـ فضل رّب العالمين
وهيَ ايضًا قصيرة ما تاخذ من وقتكم هواي لكن اجرها فَضلها كُلش چبيررر
لان بيها السَلام ع الحُسين وعلى عَلي الاكبر وجميع شهداء واقعة الطَف واللعن لقاتلي الحُسين واهل البيت عَ كُلهم والموالاة الهم والبراءة من قاتليهم ولعنهم
ومن بعدها اخير شي السَجده اللي تطلب بيها من رَب العالمين شفاعة الحُسين يوم الورود اللي هوَ يوم القيامة
تعلموها وحبوها و علمو غيركم بيها اهلكم اصدقائكم واقربائكم حتى تنالون الأجر والثواب
الله يثبتكم على قراءة هاي الزيارة العظيمه و يزرع حُبها بـ روحكم مثل ما زرع حُبها بـ قَلبي و بـ روحي و بـ عقلي ♥️
الأنستا : zainab._adil7
أنت تقرأ
زيارة عاشوراء
General Fictionاذا تراڪمت عليك غيوم البَلاء ، وَسدت الأبواب أســتعن بـ زيارة عاشوراء فهـي بابٌ لڪُل بلية و شفاء ♥️."
