سيقال عنك ما ليس فيك.. وسيقال لك مالا تحب.. وسيقال انك فعلت مالم تفعل، فـ "خذ العفو وأمر بالعرف وأعرض عن الجاهلين".
- الشعراوي
شخص : دي ورشة جاد
نبيلة : أيوة هي
الشخص : فين نبيلة جاد
نبيلة : انا نبيلة مالك يا عم محمد
عم محمد : في حد عامل محضر في القسم و لازم تروحي القسم
نبيلة : قسم أيه و محضر أيه
عم محمد : معرفش انتي روحي القسم حضرة الضابط مستنيكي
نبيلة : طب روح انت و انا جايه
عم محمد : نبيلة متتأخريش
نبيلة : خلاص يا عم محمد جايه وراك بقولك يعني انت متعرفش هو عايزني في إيه
عم محمد : و الله يا بنتي معرفش انتي اتخنقتي مع حد تاني
نبيلة : مش فاكرة
يضحك عم محمد عليها : ربنا يهديكي يا بنتي
نبيلة : طب استنى انا جاية معاك ربنا يستر يا على خلي بالك من الورشة
على : حاضر
و تذهب نبيلة مع الرجل للقسم
يدخل عم محمد الضابط : نبيلة جاد
الضابط : خليها بره لحد مطلوبها
في بيت نبيلة
وداد : يا علي فين نبيلة
على : الصول محمد جه اخدها بيقول لها الضابط عايزها
وداد : هي اتخانقت مع حد و لا أيه
على : النهارده لا
وداد : ربنا يهديكي يا نبيلة لما ترجع خليها تطمني
على : من عيوني يا خالة
و يعود مرة اخرى الورشة
في القسم
نبيلة : أيه يا عم محمد بقالي ساعة واقفة
الصول محمد : ما باليد حيلة يا بنتي استني شوية
الضابط : صول محمد
صول محمد يؤدي التحية العسكرية : افندم
الضابط : خليها تدخل
يخرج و يقول لنبيلة : ادخلي
تدخل نبيلة : يامن باشا
يامن : معمولك محضر سب و قذف
تفكر نبيلة قليلا : سب و قذف بس انا متخنقتش مع حد النهارده
يامن : نبيلة انا من يوم ماجيت القسم هنا موريش غيرك
نبيلة : طب هو مين طب خليني افتكر
يمكن الراجل بتاع الورشة اللي على اول الشارع
و لا الست اللي ساكنة في البيت اللي جنب الورشة و لا يكون .....
يامن : بس ارحمي امي الغلبانة
نبيلة : طب ما انا مش عارفة
يامن : الدكتور أحمد
نبيلة : اها يا بن
يامن : نبيلة عارفه انا ممكن ادخلك الحجز الوقتي
نبيلة في سرها : اشوف فيك يوم يا أحمد ياللي يعلم باسم امك ربنا
يامن : انتي يا بنتي بقولك الدكتور احمد هيجي و تعتذري له و نخلص الموضوع و لا امشيها رسمي
نبيلة : خلاص هراضيه
يامن : لما نشوف
يمسك يامن الهاتف : الو ايوة يا دكتور أحمد هي أدامي اهي و هتعتذر لك و نحل الموضوع ودي
أحمد : انا بره داخل اهوه
يامن : تمام يا دكتور
يخبط الباب و يدخل الصول
صول محمد : الدكتور أحمد بره عايز يقابل سيادتك
يامن : خليه يدخل
و يدخل احمد و يسلم على يامن و يجلس
يامن : ها يا نبيلة هتعتذري
نبيلة : اها طبعا و هعزمه كمان على الغدا في البيت
ينظر لها احمد و يامن ينتظروا ان تعتذر منه
نبيلة : في إيه بتبصوا لي كده ليه
يامن : ارحميني يا بنتي هتشليني اعتذري له و خلصيني
نبيلة : ما انا قولت هعتذر له و هعزمه على الغدا
ان شاء الله النهارده ينورنا في البيت هو عارف العنوان يلا سلام عليكم
و تذهب للخارج
يامن : هتموتني البت دي
أحمد : كنت متوقع متعتذرش
يامن : عارف لما كلمتني و حكت لي اللي حصل قولت لك نجيبها هنا و انت كنت قلقان عليها بس هي الصنارة غمزت و لا أيه
أحمد : و لا غمزت و لا حاجة بس استغربت انك تعرفها
يامن : من يوم متنقلت هنا و هي بتيجي كل يوم مطلعه عيني كل يوم و التاني هنا بتخانق مع أي حد بس الكل بحبها و معروفة هنا باخلاقها
أحمد : يعني هي كده مع الكل ده انا قولت انا بس
طب اقولك سلام الحق الغدا بقى
يامن : سلام و ابقى سلم لي على عمدة
أحمد : من عيوني
