السّجِينُ ليسَ من يقفُ خلف القضبان فحسب.
الإنسان يكون احيانا سجينا بأسرته، سجينا بمجتمعه، سجينا بأهله، سجينا برضا من حوله، سجينا بعاداته وتقاليده، أما آن الأوان لهذا الإنسان أن يكون حرا من هذه السجون؟
ويعيش حياته مثل ما يريد هو ـ لا كما يريد السّجان.
يذهب أحمد إلى المشفى
أحمد : الحالة أيه يا مدام سعاد
سعاد : حادثة كبيرة يا دكتور و طلبنا كل الدكاترة ربنا يستر
أحمد : تمام هدخل الاستقبال
يدخل و يبدأ يتابع بعض الحالات
أحمد : هنا الحالة دي محتاجة ..... و ......
تسرح هنا و هي تنظر بوجهه و لا تجيب عليه
أحمد : انت يا بنتي اتحركي اعملي اللي طلبته
و يتأفف منها و يتركها و يتابع حالة أخرى
بسمة : انتي يا بنتي اتهدي بقى الراجل جاب اخره منك
هنا : النبي عسل بس لو يحن
بسمة : ربنا يهديكي
بعد ساعتين في أحد كافيات وسط البلد
يجلس عماد و كريم و يشربون القهوة
أحمد : أسف أتأخرت عليكم بس كان في حالات كتير
كريم : انا كمان لسه جاي كنت بحاسب العمال الحمد لله خلصوا و خلصت معاهم
يضحك احمد : مبروك يا عريس أيه تعبت من أولها كده
يجلس أحمد و يمد يده يسلم على كريم
كريم : ازيك يا دكتور
يسلم عليه احمد : الحمد لله
عماد : مفيش داعي للألقاب
و لا أيه رأيك يا أحمد
أحمد : اكيد طبعا
كريم : خلاص انا اقولك يا أحمد و انت تقولي يا دكتور كريم
ليضحك أحمد و عماد و يقول : أومال فين شلة البنك مش هما اصحابك
كريم : دول زمايل شغل انا مبصحبش رجالة
احمد : اومال بتصاحب ايه
كريم : انا بصاحب بنات بس
أحمد: لا احنا لازم نبقى اصحاب اخد من خبرتك شوية
يعدل كريم ياقت قميصه دليل على الثقة بالنفس : خبرتي طب اقف في الصف
يضحك الجميع
عماد : و خطيبتك عارفة
كريم : طبعا احلام عارفة عني كل حاجة احلام دي مش خطيبتي بس دي حب الطفولة
أحمد : يا عم الرومانسي
عماد: طب أيه مش هنتحرك عشان نشوف أيه اللي ناقص
كريم : اها تمام هنروح معرض الموبليا
عماد : هتاخد خطيبتك
أحمد : هكلمها بالتليفون لو مغيرتش رأيها في اللي اخترناه خلاص هخليهم ينقلوه
عماد : طب يلا بينا هنتحرك بعربية أحمد
أحمد : اتفضلوا
ليجري كريم اتصال بأحلام و هم في طريقهم لمعرض الموبليا
كريم : أيه يا لولو عايزه تغيير حاجة من العفش اللي اخترناه
احلام : لا يا حبيبي بس قولهم بالراحة على الحاجةو هما بينقلوها هينقلوا امتى ؟
كريم : هقولهم بكرة الصبح
احلام : ماشي يا حبي
كريم : انتي فين
احلام : قاعدين مع دودو
كريم : طب سلمي لي عليها و قولي لها تعملي بكرة ورق عنب
احلام : الله يسلمك حاضر من عيوني
كريم : هتباتي في بيتكم و لا عند دودو
احلام : عند دودو
كريم : تمام
أحمد : هو انت سايب خطيبتك تنام بره البيت
ليضحك كريم : بص هحكيلك شوفت الورشة
أحمد : أيوة بتاعت المهندسة
كريم : أيوة نبيلة او بلية البيت اللي فوق الورشة الدور الاول شقة نبيلة و مامتها و اللي جنبها شقة عم محمود و خالتي صفية اهل احلام خطيبتي و الدور اللي فوقه شقتي اللي هتجوز فيها و شقة نبيلة اللي المفروض تتجاوز فيها
اتربينا في البيت سوا عشان كده كلنا عيلة مفيش حد غريب
خالتي وداد و خالتي صفية عاملوني كأني ابنهم و عمي محمود كان ابونا كلنا بعد وفاة اهلي و عمي جاد والد نبيلة
